रोमि 13
13
राइज चलाव वनकु रआ मनाःपे
1हरेक होर राइज चलाव वन अधिकारिकु रआ अधिन रे तहीःकाकु, चिलिमेनचि जहन हक नुंका बनुःआं, जे परमेसर रआ सोझ एते बनुःआं अरो जे हक हेनाःआं, उनकु परमेसर रेन ठहराव वन हेकेकु। 2इनाते जे हाकिमकु के बिरोध कुकानाकु, उनकु परमेसर रआ हुकूम ता बिरोध कनाकु अरो बिरोध कराव वन दन्ड नाम्माकु। 3चिलिमेनचि हाकिम बुगिन कामि कथिर बङा, मुदा बुराय कामि वनकु कथिर बोरोय रआ कारन हेके, चिलि अपे हाकिम एते निडर तहीः चहाः कनापे? दो अपे बुगिन कामिइपे अरो उनी सोझ एते अपे के सहराव पेयाय। 4चिलिमेनचि उनी अपे के बुगिन कथिर परमेसर रिई सेवक हेकेय। मुदा अपे बुराय करावियापे, दो बोरोयपे, चिलिमेनचि उनी तलवाइर बेमोतलोब काय साप एकाःआय अरो उनी परमेसर रिई सेवक हेकेय, चि परमेसर रआ खिंस मोताबिक बुराय कामि कराव वन के दन्ड एमाकुकानाय। 5इनाते अधिन तहीः जरुरेत मेनाःआं। नुवां सिरीफ परमेसर खिंस एते बनचाः कथिर बङा, मुदा भीतरी मोन रआ चलते अधिन रे तहीः चही। 6#मती 22:21; मर 12:17; लूका 20:25 इनाते मालगुजारी हों एम कनापे, चिलिमेनचि सासन कराव वन परमेसर रेन सेवक हेकेकु, अरो नियां कामि रिगी लगल तहीः कनाकु। 7जेके जहय रआ जहन्नाः एएम मेनाःआं, उना चुकावेपे, जेके मालगुजारी एएम मेनाःआं, उनकु मालगुजारी एमपे जेके तसिल एएम मेनाःआं, उना उनकु के तसिल एमाकुपे, जेकर एते बोरोय मेनाःआं उनी एते बोरोयपे, जेके माइन कराव मेनाःआं उनकु के माइन कुपे।
दुलार गी नियम हेके
8आपस रआ दुलार ता बगी केते जहन गानाम रआ रीनी ओलोपे बयुःआ, चिलिमेनचि जे अनी-नोय एते के दुलार कुकानाकु उनकु गी नियम ता पुराव एकाःआकु। 9#उठ 20:14; नियम 5:18; उठ 20:13; नियम 5:17; उठ 20:15; नियम 5:19; उठ 20:17; नियम 5:21; लेवी 19:18 ओलोपे साप-जोटेतकुवा, ओलोपे गोच कुवा, ओलोपे कुमरुया, ओलोपे ललाचिया, नुवां हुकूम अरो एटाः हुकूम रआ मूल नियां हुकूम एते नमुः काना चि अपन पड़ोसी एते अपन लेका दुलार कुपे। 10दुलार अपन पड़ोसी रआ जहन्नाः काय बुराय कनाय, इनाते जे दुलार कुकानाकु इनकुगी नियम ता पुराव कनाकु।
11अरो समेय ता चिनहाव केते निंकागी करावेपे, इनाते चि नेबरीक अपे के नींद एते चेहाः रआ समेय हेच तेबाः एकाना, चिलिमेनचि जे घरीक अबुन ता बिसवास लाःआबुन, इमिन रआ तुलना रे नेबरीक अबुन रआ उद्धार हेनात गिया। 12निदा बेचोट बितावेना, अरो सिंगी होयुः आनाः मेनाःआं, इनाते अबुन लुबाः रआ कामि ता बागी केते मसकल रआ हथयार होरोः कोःपे। 13जेलेका सिंगी रआ मसकल रे जिनिवेतोः वन लेका बुगिन चइल-चलन एपे, ना चि मौज-मस्ती अरो मतवार, ना साप-जोटेत, ना लाय-लुचड़, ना झगराहा, ना हिसंगा। 14मुदा परभु ईसु मसी के सोनोः होरोःवोः लेका होरोः केयपे अरो होड़मो रआ हिछा पुराव रआ ओलोपे उपायिया।
Currently Selected:
रोमि 13: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
