रोमि 15
15
एटाः होर रआ उन्नाती करावेपे
1इनाते अबुन सुबिन बोलगारकु के चही चि बिसवास रे कोमजोरी वनकु के धेयान एएम चही ना चि अपन खुद के खुस वोःओबुन। 2अबुन सुबिन होर अपन बोयहा-मिसी के बुगिन अरो अतमिकता रे लहा बड़हाः कथिर उनकु के खुस कुवाबुन 3#सिरिञ 69:9 चिलिमेनचि मसी ता अपन खुद के काय खुस केनाय, मुदा जे लेका पबितर पोथी रे ओल एकाना, “आमरेन निंदा कराव वनकु रआ निंदा इञ रे हेच्चेना।” 4जेतना गानाम पहिल एते पबितर पोथी रे ओल्लेकाना, उना अबुन रआ सिकछा कथिर ओल्लेकाना चि अबुन धीरज अरो पबितर पोथी रआ दिलासा रआ दोवासते आसरा दोहोया। 5अरो धीरज अरो दिलासा एएम वनीः परमेसर अपे के नुवां बरदान एमापेकाय, चि ईसु मसी रआ मोताबिक अनी-नोय एते मीः मोन तहीःपे। 6ताकि अपे मीः मोन होय केते अरो मीः राव एते अबु रिई परभु ईसु मसी रिई आपु-परमेसर रआ बड़ाय एपे।
सुबिन होर कथिर बुगिन खभेर
7इनाते अनी-नोय के अपनाव कुपे, जे लेका अपे के मसी ता अपनाव एकाःपेयाय, नुवां परमेसर रआ महिमा कथिर करावेपे। 8इञ गाम वपेकानिञ, चि जे वादा पुरखाकु के एम केना, उना बेरयार कथिर अरो परमेसर रआ सचाय रआ सबुद एएम कथिर मसी जहुदिकु रिई सेवक बय्येनाय। 9#2 समु 22:50; सिरिञ 18:49 ताकि गइर-जहुदिकु हों दया रआ चलते परमेसर रआ महिमायपे, जे लेका पबितर पोथी रे ओल्लेकाना,
“इनाते इञ जइत-जइत रे आम रआ बड़ाय कराविञ
आर आम रआ लुतूम लेयकेते भजन सिरीञिञ।”
10 #
नियम 32:43
अरो पबितर पोथी रे ओल्लेकाना,
“ए जाइत-जाइत रेन होर, उनी रेन परजा लोः आनाद मनावेपे।”
11 #
सिरिञ 117:1
अरो दोबोरा,
“ए जाइत-जाइत रेन सुबिन होर, परभु रआ इसतुतिइपे,
अरो राइज-राइज रेन सुबिन होर, उनी रआ इसतुतिइपे।”
12 #
जसा 11:10
अरो दोबोरा जसायाह ता गाम कनाय,
इसाय बोंस एते मिहोर होर जनम अगुयाय
अरो गइर-जहुदिकु रिई सासन कराव वनीः होयुःआय,
अरो उनी रे गइर-जहुदिकु आसरा दोहोयाकु।
13परमेसर जे आसरा रिई सोरोत हेकेय, अपे रआ बिसवास दोवासते, अपे के पुरा आनाद अरो सांति एते पेड़ेच पेकाय चि अपे पबितर रावा रआ बोल रआ दोवासते आसरा रे बड़हाव इदीःपे।
साहस एते ओओल रआ कारन
14ए इञ रेन बोयहा-मिसी, इञ के अपे रे भोरोसा हेनाःआं अपे भलाय एते पेड़ेच एकानापे अरो सुबिन गेयान एते भरापुरा हेनापेया, अपे अनी-नोय के सिकछा एएम रे सकछम हेनापेया। 15रेहों इञ ता थोड़गन गानाम ता ओयहर कराव वते अपे कथिर बेचोट डिढ़ केते ओल एकाःइञ, नुवां उना दया रआ चलते ओल एकाःइञ, जे परमेसर ता इञ के एम एकावाःदेञाय। 16चि इञ परमेसर रआ बुगिन खभेर रिई जाजक रआ रुप रे गइर-जहुदिकु कथिर मसी ईसु रिई सेवक बाय्यीनिञ, ताकि गइर-जहुदिकु पबितर रावा दोवासते पबितर होय केते, परमेसर कथिर गरहन लाइख भेंट बायुःकाकु। 17इनाते परमेसर कथिर जे सेवा इञ ता कराव लाःइञ, उना बबेत रे मसी ईसु रे घमंड कराव सकाव कनिञ। 18-19चिलिमेनचि नियां गानाम ता बगी केते अरो जहन गानाम रआ बबेत रे गागाम रआ डिढ़ बनुःआं, इञ दोवासते मसी गइर-जहुदिकु के परमेसर रआ हुकूम मनाः वन बाय्येःकुञ, अरो बचन अरो करनी दोवासते अरो सुबिन चिनहा अरो सुबिन चकरीत कामि रआ सोमोर्थ एते अरो परमेसर रआ पबितर रावा रआ सोमोर्थ एते, मसी दोवासते इञ करावितिञ, ताकि जरुसलेम एते लेयकेते चाइरो सोझ इल्लुरिकुम इलाका तक मसी रआ बुगिन खभेर ता पुरापुरी परचार होयुःका। 20इञ रआ मोन रे नुवां लक्छ तहीः काना चि बुगिन खभेर रआ उपदेस ओन्डो ओनाव वकुविञ जे ठिनुः जहय मसी रआ लुतूम काकु सारीइकाना ताकि इञ जहय एटाः होर, नेव बाय एकाःआकु उना रे ओलोञ बाय्येका। 21#जसा 52:15 मुदा जे लेका पबितर पोथी रे ओल्लेकाना,
“जेकर ठिनुः उनी रआ बुगिन खभेर का तेबाः एकाना, इनकु नेल्लाकु
अरो जे काकु ओनावेकाःआ उनकु सोमझाःआकु।”
रोम सिनुः कथिर पाउलुस रआ जोजना
22 #
रोमि 1:13
इनाते अपे ठिनुः हिजुः एते इञ के घरी-घरी रोकाव एदेञाकु। 23मुदा नेबरीक दो नियां सुबिन इलाका रे इञ के बुगिन खभेर परचार कथिर ठांव का सरेच एकाना, अरो बेचोट बरीस एते इञ के अपे ठिनुः हिजुः रआ हिछा मेनाःआं। 24इञ जोब एसपेन दिसुम सिनुःइञ दो अपे ठिनुः होयवाते सिनुःइञ, इञ के आसरा मेनाःआं, चि उना समेय हिजुःइञ दो अपे लोः नपाम्मोः रआ आनाद मनाविञ अरो उना तयोम एसपेन सिनुः रआ देंगाञापे। 25#1 कुरु 16:1–4 मुदा नेबरीक दो सुबिन पबितर होर के सेवा कथिर जरुसलेम सिनुःकानिञ। 26चिलिमेनचि मकिदुनिया अरो अखाया रआ कलीसिया रेन सुबिन होर ता जरुसलेम रे परमेसर रेन पबितर होरकु जे रेगेंच-रबंङ मेनाकुवा उनकु के जहन्नाः चन्दा केते एएम कथिर निचित एकाःआकु। 27#1 कुरु 9:11 उनकु के बुगिन अटकारेना, अरो उनकु रेन रीनी हों हेकेबुन, चिलिमेनचि जदि गइर-जहुदिकु उनकु रआ आत्मिक गानाम रे भागी एनाकु, दो उनकु केहों कोमी-घटी रे सेवा-सुसार चही। 28अरो अपन कामि पुराव केते, उनकु के नुवां हुंडी वनाः धन उनकु के सोंपाव केते, इञ अपे रआ चट्टी होय वते एसपेन दिसुम सिनुः कथिर उडुङ वोःओञ। 29अरो इञ सारीइ कनिञ चि, जोब इञ हिजुःइञ तोब मसी रआ सुबिन आसरीबाद लेयकेते हिजुःइञ।
30ए बोयहा-मिसिकु! इञ ईसु मसी रआ जे अबुन रिई परभु हेकेय अरो पबितर रावा रआ दुलार ता ओयहर इरी केते, अपे एते गोहराव पेकानिञ, चि इञ रआ मसकिल मेहनेत रे इञ कथिर परमेसर एते पराथना कराव रे इञ लोः लगल तहीःपे। 31ताकि इञ जहुदिया पोरदेस रेन अबिसवासिकु एते बनचाः काइञ अरो जरुसलेम रआ परति इञ रआ सेवा ता परमेसर रेन पबितर होर गरहन एकाकु। 32ताकि परमेसर रआ हिछा रआ मोताबिक इञ आनाद एते अपे ठिनुः हेच केते जिराः दड़िवाकाञ। 33सांति रिई परमेसर अपे सुबिन लोः तहीःकाय अमीन।
Currently Selected:
रोमि 15: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
