रोमि 16
16
इञ पाउलुस सोझ एते जोहार
1इञ अपे एते फिबा कथिर, जे अबुन रिई मिसी अरो किंखिरिया रआ कलीसिया रिई सेविका हेकेय सिफारिस एय कनिञ। 2अपे जे लेका पबितर होरकु के उचित होयुः चही चि, उनकु के परभु रे सोवागत कुपे अरो जे गानाम रे उनी के अपे एते दरकार मेनाःआं, देंगायपे, चिलिमेनचि उनी हों बेचोटकु के अरो इञ केहों देंगा एकाःदेञाय।
3 #
कु.कामि 18:2
पिरीसका अरो अकिवला केहों ईसु मसी रे इञ लोः संघे कामि वन हेकेकिन, जोहार। 4उनकु ता इञ रआ जीव बनचाव कथिर अपन जीव हों दांव रे लगाव लाःआकु। ना सिरीफ इञ उनी के धेनयाबाद एय कनिञ, मुदा गइर-जहुदिकु रआ सुबिन कलीसिया हों उनी के धेनयाबाद एमाय कनाकु। 5अरो उना कलीसिया केहों जोहार, जे उनकिन रआ ओड़ाः रे जामाः कनाकु, इञ रेन दुलारा एपनितुस केहों जे मसी कथिर एसिया रिई पहला फोल हेकेय, जोहार। 6मरियम के जे अपे कथिर बेचोट मेहनेत एताय, जोहार। 7इञ रेन कुटुम अरो अंदरुनिकुस अरो जुनियास के जे इञ लोः जेहेल ओड़ाः रे तहिकेनाकिन अरो जे सुबिन एते कुलवान रे ते नामी तहिकेनाकिन, अरो जे इञ एते गी पहिल मसी रे तहिकेनाकिन, इञ रआ जोहार। 8परभु रे इञ रिई दुलार अम्पलियातुस के जोहार। 9मसी रे इञ लोः संघे कामि वनीः उरबानुस अरो इञ रिई दुलारा एसताखुस के जोहार। 10मसी रे निठा अपिलेस के अरो अरिस्तुबुलुस रेन घराना के जोहार। 11इञ रेन कुटुम हेरोदियोन के जोहार। नरकिसुस रेन घराना रेन जे परभु रे मेनाकुवा उनकु के जोहार। 12तुरुफयना मिसी अरो मिसी तुरुफोसा के जे परभु रे मेहनेती कामि कराव वन हेकेकिन, जोहार। दुलार मिसी परसिस के, जे परभु रे बेचोट मेहनेत एकाःआय, इञ रआ जोहार। 13#मर 15:21 रुफुस के जे परभु रे सला एकानाय अरो उनी रिई माय तेः के जे इञ रिई माय लेका हेनाया, बनार के जोहार। 14अंसुकिरितुस अरो फिलगोन अरो हेरमेस, पतरुवास, हिरमास अरो उनकु लोः तहीः वन सुबिन बिसवासी बोयहा-मिसिकु के जोहार। 15फिलोलुगूस अरो मिसी जुलिया, नेरयुस अरो उनी रिई मिसी अरो उलुम्पास अरो उनकु लोः मेनाकुवा, उनकु सुबिन पबितर होरकु के जोहार। 16अनी-नोय के पबितर दुलार पेयार एते जोहार कुपे, अपे के मसी रेन सुबिन कलीसिया सोझ एते जोहार।
अखरी जोहार
17ए बिसवासी बोयहा-मिसिकु, इञ अपे के गोहराव पेकानिञ चि अपे जे सिकछा नाम एकाःआपे, उना एते एटाः रकम रआ सिकछा एमा पेकानाकु अरो गुट बाजिइ कनाकु अरो ठोकोरा एएम रआ कारन बयुः कनाकु, उनकु एते चेम्पोर तहीःपे अरो उनकु एते संगिञ तहीःपे। 18चिलिमेनचि नुंकन होर अबुन रिई परभु मसी रेन बङा, मुदा अपन लहिच कथिर सेवाय कनाकु, अरो खुसामाद एते पेड़ेच अरो हेड़ेम-हेड़ेम गानाम एते सोझा-सोझा मोन रेन होर के बहकाव कुकानाकु 19अपे हुकूम मनाः कनापे उना गानाम रआ चरचा सुबिन होर रे फयलावेना, इनाते इञ अपे रआ बबेत रे आनाद मनाव कनिञ, मुदा इञ चहाः कनिञ चि अपे बुगिन कथिर बुधिमान बयुःपे मुदा बुराय कथिर सीधा सपट बाय तहीःपे। 20सांति रिई परमेसर ता अपे रआ बका लतार रे सयतान ताके एनेन गी रेंवदांवियाय,
अबुन रिई परभु ईसु मसी रआ दया अपे रे बाय तहीःका।#16:20 नुवां सबद पहिल 24 पद लेखाः केना। सुबिन एते मरी वनाः ओल वनाः रे नुवां नियां ठिः गी ओल्लेकाना।
21 #
कु.कामि 16:1
इञ लोः संघे कामि वनीः तिमुथियुस अरो इञ रिई गाति जहुदी लुकियुस, जासोन अरो सोसिपतरुस रआ सोझ एते अपे के जोहार। 22नियां चिट्ठी पाउलुस के ओओल रे देंगा वनीः, इञ तिरतियुस परभु रे अपे के जोहार। 23#कु.कामि 19:29; 1 कुरु 1:14; 2 तिमु 4:20 गयुस रआ, जेकर ओड़ाः रे इञ मेहमान हेनाञा अरो जेकर ओड़ाः रे कलीसिया रेन सुबिन होरकु आराधनाय कनाकु, अपे के जोहार, चट्टी रिई भन्डारी इरासतुस अरो बोयहा कुवरतुस रआ अपे के जोहार। 24#16:24 नुवां 24 पद 20 पद रे नेलपे।
परमेसर रआ इसतुति
25इञ रआ बुगिन खभेर अरो ईसु मसी रआ परचार रआ मोताबिक अरो जुगनजुग एते उकु वनाः भेद, जे निमीः मसकल रे अगु केते हेच्चेना, उना रआ मोताबिक परमेसर अपे के बेरयार कराव दड़ी वपेयाय। 26उना भेद, आगमजानिकु रआ ओल वनाः संदेस रआ दोवासते मसकल रे हेच्चेना अरो जुगनजुग तहीः वनीः परमेसर रआ हुकूम रआ मोताबिक सुबिन जाइत-जाइत रेन होरकु रे परचारेना, ताकि सुबिन होरकु बिसवास एकाकु अरो मनाःकाकु। 27ईसु मसी दोवासते उनी सिरीफ मिहोर बुधिमान परमेसर रआ जुगनजुग तक महिमा होयुःका। अमीन!
Currently Selected:
रोमि 16: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0