Yohana Wulongolo
Wulongolo
Ndongwa tsotsili mu chitabu chino
Ndongwa Nofu kota fyo andiche Yohana, cho chitabu chimwe mu fitabu fitayi fya Lilagano Lipya fyo finsimulila maisa ga Yesu Chilisito. Chila chitabu chimwe mufitabu ifyo fitayi chichemwaga, “Injili” chinya kutijila, “Ndongwa Nofu.” Fitabu ifi fyandikwe hoavaga kufwa Yesu, na Matayo, na Maliko, na Lukasi na Yohana. Ndongwa Nofu kota fyo tsandikwe na Yohana tsandikwe na Yohana muwudugo wa mwaka gwa tisini kuhuma kuleleka kwa Chilisito. Nayivaje chitabu chino sinambe chitambule kuta chandikwe na Yohana, lechelelo hila fyo chingilajila kuta hila fyo chandikwe chingihwana nachene na wandisi wa baluva tsa Yohana, na 2 Yohana na 3 Yohana. Vandisi vamwe vakatali vamusimulilaga Yohana kuta ikalaga ku muji gwa Efweso lulavala ulo, ihyo yitselanikaga kuta chitabu chino chandichilwe ku muji gwa Efweso.
Yohana antambula bila lufiho chambutso cha kwandika chitabu chino kuta aganaga kuvatanga vanu ili vamutumbe Yesu Chilisito, Mwana va Mulungu yo mumi, 20:31. Ili kwa litumbilo ilyo tunkwanuchila wumi hala ho tungikala kota fyo an'gana Yesu. Chitabu chino vandichilwe Vayawudi na vanu wosi Vayawudi. Ndongwa Nofu kota fyo tsandikwe na Yohana sinambe tsihwane hilo na fila fitabu fiyage fidatu. Yohana an'gwadilitsa ndongwa tsa mitinuso jo adisile Yesu, ila mwene siandiche ndongwa tsa mihwano tso alongaga Yesu. Ndongwa tsinji ngomi kota tsila tsa kubatitswa na kujelwa kwa Yesu kula kumbuga, itso tsilimuduhu mu chitabu chino.
Ndongwa tso tsilimugati muchitabu chino
Yohana ankwantsa kuvikula Ndongwa Nofu. 1:1-18
Kahi ankwandika ndongwa tsa mitinuso mitunga jo adisile Yesu. 1:19-12:50
Hambele ankwandika ndongwa ntsolofu tso tsahumye mu maisa ga Yesu mbaka kufwa na wutsilipuko wake 13:1-20:31
Yohana ansinda kwa kulonga muchitabu chake mu sula ya 21 anlonga hila Yesu fyo avahumye vanu hala hoavaga kutsilipuka, na muwudugo andiche chambutso cha kwandika chitabu chino.
Currently Selected:
Yohana Wulongolo: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.