Lukasi Wulongolo
Wulongolo
Chitabu chino cha Ndongwa Nofu kota fyo tsandikwe na Lukasi cho chitabu chimwe mufitabu fitayi lya lilagano lipya fyo finsimulila ndongwa tsa wuvina wa Yesu Chilisito. Chila chitabu chinchemwa Ndongwa Nofu. Fitabu fino fitayi fyandikwe na Matayo, na Maliko, na Lukasi, na Yohana. Lukasi siandiche ndongwa tsa wumi wa Yesu ng'ani, lechelelo andiche ndongwa tseka tso adisile Yesu na vadahitswa vake, hamwe na kwandika ndongwa kufwa na kutsilipuka kwa Yesu. Kaha akandiche chitabu chochinchemwa “Ng'olwa tsa vatumi.” Kuduhuli munu yoyuve yoan'tsela kuta chitabu chino cha Lukasi chandikwe hanili, lechelelo vasomi wolofu vantijila kuta chandikwe myaka 70 kuhuma kuchipulwa kwa Yesu.
Lukasi yo andiche chitabu chino avaga muganga va kusibitali. Hila fyo andiche chitabu chino yinlajila kuta avaga munu yo asomile ndalahela. Lukasi aganaga kulajila finofu ndongwa tsa wumi wa Yesu kwa kwandika ndongwa tso tsahumile ili vanu vanji velewe cho andiche Lukasi 1:1-3. Lukasi siavaga Muyawudi Vakolosai 4:10-14. Kahi andiche kuta na vanu yo sivali Vayawudi van'tsela chila cho andiche. Lulongwa luno lunlajila fyo andiche ntsovelo tsa Vayawudi mu Lukasi 1:8.
Ndongwa Nofu tso tsandikwe na Lukasi tsinakota fitabu fya Matayo na Maliko, kwasawuli tsinsimulila ndongwa ntsolofu tso tsingihwana. Mu fitabu ifyo fidatu, Lukasi ansimulila ndongwa ntsolofu tsa kuleleka kwa Yohana Mubatsi. Kahi ahahanitse ndongwa tsa kuhulumila na kwigana mu Lukasi 3:3; 11:4; 17:3-4; 23:34; 24:47 kaha ahahanitse kumusuka Mulungu mu Lukasi 3:21; 5:16; 6:12; 11:1-12; 22:32.
Ndongwa tsotsili mu chitabu chino
Lukasi anlajila chila choandiche muchitabu chake na kuyidadambula mu sula ya 1:1-4
Kaha an'dadambula kuleleka kwa Yesu na Yesu, na hila Yohana mubatitsi fyo avisile chang'ani hila fyo an'ganika kudita Yesu mu sula ya 1:5; 4:1-18
Hono hakomi ha Ndongwa nofu tsa Mulungu mu sula ya 4:14; 21:38 Lukasi ankweletsela majetso ga Yesu, kaha ankweletsela mitinuso jo adisile Yesu, hamwe na madahitso.
Hawudugo wa Musula tsivili tsa wudugo Lukasi ankwandika hila Yesu fyovamusindiche kuwuhigo, kusulubitswa, kufwa, na kutsilipuka kuhuma kwa vanu wovafweye mu sula ya 22:1; 24:1-5.
Currently Selected:
Lukasi Wulongolo: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.