Aposel 12
12
Herot ere mogl, Jems si goglsre, Pita si kane sugwa
1Ana igne i king Herot ere mogl, yoba tau Jisas yugobunomo mina meglkwa i ere kide ere tenagledi prisre, ye si kane sugwa. 2Ye si kane sidre, soldiamo tau di togo, ye ere mogl, Jisas duglo boglkwa yagl ta Jon agigle Jems ikra ye bainet wagle si geglkwa. 3Si geglko, Juda yoba meglkwa i ye digo prisre, wakai prikwa. Ana Herot soldiamo ye Jems si geglko, Juda yoba wakai prikwa i, Herot kandre, ye aglke kor wakai praiglmedi Pita ama si kane sugwa. Ye Pita si kane sugwa igne i ege kade Juda yoba bret yis edekre, gagl neigwa ege ikra yogwa. 4Ege i yogo, Herot ye Pita si kane si i pi kane yugu edidre, soldia 16-pela buno di i bage 4-pela ede, ye sugl moraiglmedi dedugwa. Soldia 4-pela komono kana ye sugl mogl ede ebi, egeno dudinan, 4-pela kor u sugl meglbi, yegl aimadi ere moraiglmedi dedugwa. Herot prukwa i, ye Pita sugl mogl ebi, ege kade God okna ibo ye Israel yoba oglo sidre, ede pi Isip yoba wano komono si goglkwa ege yogwa i dudinan, Herot ye i meda ede, yoba gumuglnomugl kot ere tenagledi prukwa. 5Yegl pre ye Pita si kane si i pi kane yugu edugo, pai moglkwa. Pita ye kane yugu pai moglkwa ba God yugobunomo meglkwa i ye deno muduno bogl God ye Pita ake ple di tenabedi kamage ere meglkwa.
Angelo ta u, Pita kane yugu pamara i meda edugwa
6 Ana tagna Herot ye Pita i meda ede, kot ere tenabuka paugo, eduer i Pita ye sen suo ogo koglo koglo kogl, ikne i pi soldia suo ogono mina koglo koglo kogl padiglko, ye soldia suo i miurara suna mogl, ugl pai moglkwa. Te, soldia suo ama dua meda Pita kane yugu pamara sugl miurka. 7Soldia yegl ere, Pita sugl meglko, Yagl Kade angelomo ta Pita kane yugu pai moglmara i oglade u plau dugo, kane yugu abuglage sugwa. Abuglage sugo, angelo i ye ere mogl, Pita dagigle wagle sidre, uglo yokugwa. Uglo yokidre, ye di te, Ene tabre adiglo dugwa. Dugo, sen suo ye ogo mina koglo koglo kogl padiglkwa ikra, yene poko, yage atne sibrika. 8Yage atne sibriko, angelo i aglke kor di te, yegl dugwa, Ene kumaglnen dedre, kagln towo i edo dugwa. Dugo, Pita ye dumere erukwa. Yegl eruko, angelo ye ama di te, Ene ir gaglnen olto i, edidre, na enaglmara moknamugl wo! dugwa. 9Dugo, Pita ye kane yugu kide kodo, angelo omara moko mina ogwa ba ye kaima obugledi prikrukwa. Ye prukwa i, Na ugl kubu kanie di prukwa. 10Yegl pre moglko, ye angelo bogl akie ede ebrika. Ye soldia ta yugu sugl moglkwa i ya te, soldia ta ama moglmara i kide kodo, kuri ta ede ido pidre, kane yugu togl dua ain mina ere padiglkwa pamara i ebrika. Togl dua i mina ede meda pi ede taun suna enaiglkwa yogwa. Ana ye ede pi togl dua yomara ebriko, dua i yene yauruko, Pita ye angelo bogl ede meda pidre, konbauna yomara ede ebrika. Ede pi konbauna nogagle yomara plau dibriko, angelo oglade Pita kide kodo, ede ogwa.
11Ana Pita ere mogl, siragl taragl ye moglmara plau dugwa i ka kaima plau dugwa pamedi kan pogl sidre, yegl dugwa, Erme ka kaima na pre pogl siga i, Herot na ake gi dinan, Juda yoba ere kide ere naramnedi prikwa i, God ye ere dinaiglmedi ye angelomo dedidre, na ere yumiwe dugwa. 12Ye prukwa i, God kaima yegl erumedi pre pogl sidre, yagl ta kagie Jon Mak we digwa i, mam Maria kipamara enagledi ogwa. Yugu i mina Jisas pre mediglkwa yoba mere yugugl akie makai si mogl, kamage ere meglkwa. 13Ana Pita ede u yugu yomara meda kra togl dra mina udre, togl dra mina si kegigle dugwa. Si kegigle dugo, nigl kogon abai ta kagie Roda we digwa i, yoba ira umedi kanagledi ede togl dra mina ogwa. 14Ye togl dra mina ogo, Pita ka ta dugo, abai i prisre, Pita umedi pre, gun podo yogwa. Ye gun podo yomara i, dua yauranabuka i kina yogo, ye muku di ede ikne yugugl pidre, yoba makai si meglkwa i di te, Pita u togl dra mina adigl moglmiwe dugwa. 15Abai i yegl dugwa ba yoba makai sigwa i ere mogl, ye di ikne ede te, Ene du etniwe digwa. Yegl digwa ba ye ka digwa i prikre, Pita ka kaima umiwe di, ka yegl di pai moglkwa. Yegl di pai moglko, yoba makai sigwa i ere mogl, God angelomo ta ye Pita suglmo moglkwa i ugo, abai i kanda kanumiwe di, yegl digwa.
16Ana yoba yugugl makai sigwa i ka yegl di meglko, Pita aimadi meda mogl, togl dra mina si kegigle di moglkwa. Si kegigle di moglko, yoba u togl dra yaursre, Pita adigl moglko, kanigwa. Kandre, nagino keglkwa. 17Ye nagino keglkwa ba Pita ere mogl, ye ka dikraiglmedi ogo wermane ere, Yagl Kade ye siragl mere kane yugu kide kodinabedi ere, agre i ede meda ogwa i, boglo si togwa. Boglo si te kodidre, ye ama di te, yegl dugwa, Na ka diga i, ene Jems ta i ya nono agroma abaroma tau di teo didre, ye yugu i kide kodo, ede bage ta ogwa.
18Ana tagugo i we, soldia tau kane yugu sugl meglkwa i, Pita pai moglkrumedi kandre, nagino podo kogl, nomane podo kide sigwa. 19Nomane podo sigo, king Herot ere mogl, ye soldia tau Pita dokinaiglmedi di togo, dokigwa. Ye Pita dokigwa ba kankrikwa. Kankrikwa pre Herot ere mogl, soldia tau Pita sugl meglkwa ikra kira pogl prisre, yoba tau soldia i ye si goraiglmedi di togwa. Herot yegl ersre, ye distrik Judia kide kodo, ede pi taun Sisaria moglkwa.
Herot goglkwa
20Ana igne i Herot ye dem kubro, yoba taun suo Tair ya Saidon meglkwa i togwa. Yegl erukwa pre yoba kade tau dumo suo i meglkwa i, u swara pi mogl, Herot bogl deno muduno swara yenamnedi ye moglmara eigwa. Ye komono kana pi yagl ta kagie Blastus we digwa, Herot nigl kogonmo yagl ta moglkwa i, di prikwa. Yagl i ye Herot mogl pai erumara i sugl moglkwa. Yoba i u ye no ake ple di norabedi kina sigo, yagl i pra we dugwa. Pra we dugo, ye mudu Herot moglmara pidre, deno muduno swara yenamnedi prumne digwa. Ye ka yegl digwa i, i siragl pre, yoba dumo suo Tair ya Saidon kipai meglkwa i, ye kaya mokna Herot dumo sugl moglmara paugwa i, ege ege topo si neigwa pre ye kaya mokna topo si nenamga konbo i Herot si kegl di dinabedi prisre, yegl digwa.
21Ana Herot ye ere mogl, ege swara ta yoba ikra bogl makai sinamnedi di padiglsre, ege i ye king kugugl gagl wakai yogwa i edidre, sia king mina ame di mogl, yoba i ka di te moglkwa. 22Ka di te moglko, yoba ye kamo prikwa i ere mogl, ye gun yenabedi ka podo didre, Yagl ka di norukwa i, yoba yoko ta moglkrume digwa. Ye god ta moglmiwe di, ka podo di, yegl digwa. 23Yegl di meglko, Herot yoba ka digwa i mane dikre, God kagie kade tekrukwa pre Yagl Kade angelomo ta u ye dem toki kau sinaiglmedi eruko, dem toki kau si, ye dem kane neigo, ye kuri ta mogl, goglkwa.
24Ana Herot gogl dudugwa ba God kamo dudukrukwa. God kamo pare wai dugo, yoba tau mere prisre, pre mediglkwa.
25Ana Barnabas ya Sol, ye mige i pi Jerusalem yoba tenabugledi yubrika ikra, te kodidre, aglke ede ikne Antiok enabugledi ede ebrika. Ye ede ikne Antiok enabugledi ebrika igne i ye yagl ta kagie Jon Mak we digwa i akie ede enamnedi agre idre, ede ebrika.
Currently Selected:
Aposel 12: KB
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission
Aposel 12
12
Herot ere mogl, Jems si goglsre, Pita si kane sugwa
1Ana igne i king Herot ere mogl, yoba tau Jisas yugobunomo mina meglkwa i ere kide ere tenagledi prisre, ye si kane sugwa. 2Ye si kane sidre, soldiamo tau di togo, ye ere mogl, Jisas duglo boglkwa yagl ta Jon agigle Jems ikra ye bainet wagle si geglkwa. 3Si geglko, Juda yoba meglkwa i ye digo prisre, wakai prikwa. Ana Herot soldiamo ye Jems si geglko, Juda yoba wakai prikwa i, Herot kandre, ye aglke kor wakai praiglmedi Pita ama si kane sugwa. Ye Pita si kane sugwa igne i ege kade Juda yoba bret yis edekre, gagl neigwa ege ikra yogwa. 4Ege i yogo, Herot ye Pita si kane si i pi kane yugu edidre, soldia 16-pela buno di i bage 4-pela ede, ye sugl moraiglmedi dedugwa. Soldia 4-pela komono kana ye sugl mogl ede ebi, egeno dudinan, 4-pela kor u sugl meglbi, yegl aimadi ere moraiglmedi dedugwa. Herot prukwa i, ye Pita sugl mogl ebi, ege kade God okna ibo ye Israel yoba oglo sidre, ede pi Isip yoba wano komono si goglkwa ege yogwa i dudinan, Herot ye i meda ede, yoba gumuglnomugl kot ere tenagledi prukwa. 5Yegl pre ye Pita si kane si i pi kane yugu edugo, pai moglkwa. Pita ye kane yugu pai moglkwa ba God yugobunomo meglkwa i ye deno muduno bogl God ye Pita ake ple di tenabedi kamage ere meglkwa.
Angelo ta u, Pita kane yugu pamara i meda edugwa
6 Ana tagna Herot ye Pita i meda ede, kot ere tenabuka paugo, eduer i Pita ye sen suo ogo koglo koglo kogl, ikne i pi soldia suo ogono mina koglo koglo kogl padiglko, ye soldia suo i miurara suna mogl, ugl pai moglkwa. Te, soldia suo ama dua meda Pita kane yugu pamara sugl miurka. 7Soldia yegl ere, Pita sugl meglko, Yagl Kade angelomo ta Pita kane yugu pai moglmara i oglade u plau dugo, kane yugu abuglage sugwa. Abuglage sugo, angelo i ye ere mogl, Pita dagigle wagle sidre, uglo yokugwa. Uglo yokidre, ye di te, Ene tabre adiglo dugwa. Dugo, sen suo ye ogo mina koglo koglo kogl padiglkwa ikra, yene poko, yage atne sibrika. 8Yage atne sibriko, angelo i aglke kor di te, yegl dugwa, Ene kumaglnen dedre, kagln towo i edo dugwa. Dugo, Pita ye dumere erukwa. Yegl eruko, angelo ye ama di te, Ene ir gaglnen olto i, edidre, na enaglmara moknamugl wo! dugwa. 9Dugo, Pita ye kane yugu kide kodo, angelo omara moko mina ogwa ba ye kaima obugledi prikrukwa. Ye prukwa i, Na ugl kubu kanie di prukwa. 10Yegl pre moglko, ye angelo bogl akie ede ebrika. Ye soldia ta yugu sugl moglkwa i ya te, soldia ta ama moglmara i kide kodo, kuri ta ede ido pidre, kane yugu togl dua ain mina ere padiglkwa pamara i ebrika. Togl dua i mina ede meda pi ede taun suna enaiglkwa yogwa. Ana ye ede pi togl dua yomara ebriko, dua i yene yauruko, Pita ye angelo bogl ede meda pidre, konbauna yomara ede ebrika. Ede pi konbauna nogagle yomara plau dibriko, angelo oglade Pita kide kodo, ede ogwa.
11Ana Pita ere mogl, siragl taragl ye moglmara plau dugwa i ka kaima plau dugwa pamedi kan pogl sidre, yegl dugwa, Erme ka kaima na pre pogl siga i, Herot na ake gi dinan, Juda yoba ere kide ere naramnedi prikwa i, God ye ere dinaiglmedi ye angelomo dedidre, na ere yumiwe dugwa. 12Ye prukwa i, God kaima yegl erumedi pre pogl sidre, yagl ta kagie Jon Mak we digwa i, mam Maria kipamara enagledi ogwa. Yugu i mina Jisas pre mediglkwa yoba mere yugugl akie makai si mogl, kamage ere meglkwa. 13Ana Pita ede u yugu yomara meda kra togl dra mina udre, togl dra mina si kegigle dugwa. Si kegigle dugo, nigl kogon abai ta kagie Roda we digwa i, yoba ira umedi kanagledi ede togl dra mina ogwa. 14Ye togl dra mina ogo, Pita ka ta dugo, abai i prisre, Pita umedi pre, gun podo yogwa. Ye gun podo yomara i, dua yauranabuka i kina yogo, ye muku di ede ikne yugugl pidre, yoba makai si meglkwa i di te, Pita u togl dra mina adigl moglmiwe dugwa. 15Abai i yegl dugwa ba yoba makai sigwa i ere mogl, ye di ikne ede te, Ene du etniwe digwa. Yegl digwa ba ye ka digwa i prikre, Pita ka kaima umiwe di, ka yegl di pai moglkwa. Yegl di pai moglko, yoba makai sigwa i ere mogl, God angelomo ta ye Pita suglmo moglkwa i ugo, abai i kanda kanumiwe di, yegl digwa.
16Ana yoba yugugl makai sigwa i ka yegl di meglko, Pita aimadi meda mogl, togl dra mina si kegigle di moglkwa. Si kegigle di moglko, yoba u togl dra yaursre, Pita adigl moglko, kanigwa. Kandre, nagino keglkwa. 17Ye nagino keglkwa ba Pita ere mogl, ye ka dikraiglmedi ogo wermane ere, Yagl Kade ye siragl mere kane yugu kide kodinabedi ere, agre i ede meda ogwa i, boglo si togwa. Boglo si te kodidre, ye ama di te, yegl dugwa, Na ka diga i, ene Jems ta i ya nono agroma abaroma tau di teo didre, ye yugu i kide kodo, ede bage ta ogwa.
18Ana tagugo i we, soldia tau kane yugu sugl meglkwa i, Pita pai moglkrumedi kandre, nagino podo kogl, nomane podo kide sigwa. 19Nomane podo sigo, king Herot ere mogl, ye soldia tau Pita dokinaiglmedi di togo, dokigwa. Ye Pita dokigwa ba kankrikwa. Kankrikwa pre Herot ere mogl, soldia tau Pita sugl meglkwa ikra kira pogl prisre, yoba tau soldia i ye si goraiglmedi di togwa. Herot yegl ersre, ye distrik Judia kide kodo, ede pi taun Sisaria moglkwa.
Herot goglkwa
20Ana igne i Herot ye dem kubro, yoba taun suo Tair ya Saidon meglkwa i togwa. Yegl erukwa pre yoba kade tau dumo suo i meglkwa i, u swara pi mogl, Herot bogl deno muduno swara yenamnedi ye moglmara eigwa. Ye komono kana pi yagl ta kagie Blastus we digwa, Herot nigl kogonmo yagl ta moglkwa i, di prikwa. Yagl i ye Herot mogl pai erumara i sugl moglkwa. Yoba i u ye no ake ple di norabedi kina sigo, yagl i pra we dugwa. Pra we dugo, ye mudu Herot moglmara pidre, deno muduno swara yenamnedi prumne digwa. Ye ka yegl digwa i, i siragl pre, yoba dumo suo Tair ya Saidon kipai meglkwa i, ye kaya mokna Herot dumo sugl moglmara paugwa i, ege ege topo si neigwa pre ye kaya mokna topo si nenamga konbo i Herot si kegl di dinabedi prisre, yegl digwa.
21Ana Herot ye ere mogl, ege swara ta yoba ikra bogl makai sinamnedi di padiglsre, ege i ye king kugugl gagl wakai yogwa i edidre, sia king mina ame di mogl, yoba i ka di te moglkwa. 22Ka di te moglko, yoba ye kamo prikwa i ere mogl, ye gun yenabedi ka podo didre, Yagl ka di norukwa i, yoba yoko ta moglkrume digwa. Ye god ta moglmiwe di, ka podo di, yegl digwa. 23Yegl di meglko, Herot yoba ka digwa i mane dikre, God kagie kade tekrukwa pre Yagl Kade angelomo ta u ye dem toki kau sinaiglmedi eruko, dem toki kau si, ye dem kane neigo, ye kuri ta mogl, goglkwa.
24Ana Herot gogl dudugwa ba God kamo dudukrukwa. God kamo pare wai dugo, yoba tau mere prisre, pre mediglkwa.
25Ana Barnabas ya Sol, ye mige i pi Jerusalem yoba tenabugledi yubrika ikra, te kodidre, aglke ede ikne Antiok enabugledi ede ebrika. Ye ede ikne Antiok enabugledi ebrika igne i ye yagl ta kagie Jon Mak we digwa i akie ede enamnedi agre idre, ede ebrika.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2015 New Tribes Mission