Yesaya 18
18
Keyakosee tia Kuse
1Tɛɛle keŋ defeŋfeŋse beŋkelɛɛ be lɛɛ ke,
Kuse boo nɔɔman nɛ baa laako,
2Bee kpila balaŋ ɛpo dɔɔ,
be doo morose agbelese man be dɔŋ loŋ dɔɔ.
kpilara ɔsaatena, ɛ ta,
gyu balaŋ baŋ be dana dɔɔloŋ te ba wose kyalasɛɛ nɛ gyaŋ,
gyu balaŋ baŋ bee yee wɔ lee lem na tiitii,
balaŋ baŋ be dana doŋ te bee di balaŋ dɔɔ,
baŋ booneŋ be kpase be tɛɛle nɛ gyaŋ.
3Ɛmɛɛ tɛɛle kei dɔɔ balaŋ pou,
ɛmɛɛ baŋ ɛ kyaa tɛɛle kei dɔɔ,
nyi be gyina felage adido bula dɔɔ na,
ɛ ke naa ke,
ba wola kaberɛ mɔ na,
ɛ ke nyii ke.
4Keŋ Degbeŋgyoo be yako maŋ yaa.
<<Maa kyaa ma dekyae man yididi na maa kɛɛ,
ŋgba weese kɛɛ gyɔɔ ŋarakee nɛ,
ŋgba weenɛɛ kekɛrɛɛtɛɛ obosuo kɛɛ yale lee debuŋta man nɛ.>>
5Nawolo nyi pɛ weenɛɛ kekɛrɛɛ kelii, debaŋ keŋ kyeŋkyeŋkɔɔse be kpiisi,
na kyeŋkyeŋkɔɔse ŋan ka bese gerepo ayɛɛ nɛ,
waa mo ɔ sakawa kɛrɛɛ ŋan ba potee wɔlɛɛ nɛ,
na waa keretii tombia ŋan be kpase nɛ.
6Baa tina ŋe popou yela fa gyebuse baŋ bɛɛ gyɔ wonembia,
na ŋale man wonembia,
gyebuse baa di ŋa degbututɛɛ pou,
na ŋale man wonembia ke di ŋa dekpaotɛɛ.
7Debaŋ kenaŋ balaŋ baa mo abɔɔ kefa kɔŋa Degbeŋgyoo Dekpataakpere,
gyu balaŋ baŋ be dana dɔɔloŋ te ba wose kyalasɛɛ nɛ gyaŋ,
lee balaŋ baŋ bee yee wɔ lem na tiitii,
balaŋ baŋ be dana doŋ te bee di balaŋ dɔɔ,
te booneŋ be kpase be tɛɛle.
Baa mo abɔɔkefa kɔŋ Siyɔn bula dɔɔ, botɔɔ keŋ Degbeŋgyoo Dekpataakpere ŋon yele doo nɛ.
Currently Selected:
Yesaya 18: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation
