Yesaya 4
4
1Wee kenaŋ ala nyetooro,
baa lɔ kyaŋ baale dokoloŋ,
na baa yako nyiaa, <<Daa gbagba dɛɛ kɛɛ de kedi,
na da abɔɔ anadoŋ man,
yela baa mo n yele gyakaa de dɔɔ bo,
na n ka lese da desɛŋ lee de dɔɔ.
Degbeŋgyoo wɔɔbii
2Wee kenaŋ te Degbeŋgyoo wɔɔbii keŋ gyae ke yɛɛ kyeo na gyoorobiiri te tɛɛle keŋ dɔɔ daasebia gyae ke yɛɛ wose kegate na gyoorobiiri fa Iseraetena baŋ bɔɔ kaa be kyaa nɛ. 3Baa baake baŋ bɔɔ kaa Siyɔn na baŋ bɔɔ kaa Yerusalɛm nɛ nyi fereŋkyeŋ. Baŋ pou bɔɔ ŋmarase baa yela kpuna baŋ be kyaa Yerusalɛm nɛ. 4Degbeŋgyoo waa sɔ Siyɔn alo ŋon lese wa ayimɛɛ lee ɔ man, na waa mo nombia kedi feliŋ na boalaŋ feliŋ feefo fatabose ŋan be kpatee Yerusalɛm nɛ. 5Degbeŋgyoo waa yɛɛ debuŋta nyɔɔse wee na boalaŋ keŋ kɛɛ kpaa nɛ nelim wuu Siyɔn bula pou na baŋ pou bɔɔ yilaa nɛ. Ɔ gyoorobiiri gyae ke yɛɛ kefɛɛ wuu kpene kamasɛ. 6Ke gyae ke yɛɛ kefɛɛ na wuluŋ lee weese kenyakee man, na botɔɔ keŋ baa yeu kagyoo na dayoe lee feliŋ dinaa na ɔga man.
Currently Selected:
Yesaya 4: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation
