Nɔɔneŋ 23
23
Dawide nɔɔneŋ
1Degbeŋgyoo yɛna me kɛɛre, ma wose be gyae ke kyaŋ maŋ ya.
2Ɔ na mo maŋ gyu botɔɔ keŋ ŋalese nalaŋ kyaa nɛ.
Ɔ na mo maŋ gyu boo keŋ ne lam dɛɛdɛɛ nɛ gyaŋ.
3Ɔ na do maŋ doŋ wɔle,
Ɔ na mo maŋ ta gbɛɛneŋ ŋan tenɛɛ nɛ man,
lee ɔ yele man.
4Doo nyi me dɔŋ yeŋ detaŋgya tuum man koraŋ nɛ,
mɔɔ yee nombiikum daale ya.
Nawolo nyi n kpuɛna maŋ.
nyɔ okpokpo na n gbutu,
ne fɛɛna me wɔe.
5N na see maŋ weenɛɛ,
me kɔlara siaman.
N moo nuŋ tiu ma nyee,
ma leenɔɔ wuluwɔ leki.
6Ampaŋ deeli na kegyae gyae ke sila maŋ,
ma kekyaa man pou,
te maa kyaa Degbeŋgyoo dɛɛ
kekpaakekpaa.
Currently Selected:
Nɔɔneŋ 23: NTR
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics Literacy and Bible Translation