Kesikpɛkpɛ 10
10
Amadiɛ Tɛkakalà
1Kibuiɛ gɛ baɖɔ nɛ Shɛm, Xam nɛ̀ Yafɛti gɛenu Noa yɛ beyianyɛ gɛ balɛ tsyɛ bamɔ́ beyianyɛ nɛ budekelĩ niedeɛ shuɔ naalɛ.
Yafɛti Yɛihui nɔ
2Yafɛti yɛ beyianyɛ naalɛ:
Goma, Magɔg, Madai, Yavan, Tubal, Mɛshɛk nɛ̀ Tiɖas.
3Goma yɛ beyianyɛ naalɛ:
Askɛnaz, Ripat, nɛ̀ Togama.
4Yavan yɛ beyianyɛ naalɛ:
Elisa, Tashis, Kitimeyiɛ nɛ̀ Roɖanieyi. 5(Ɔganà banɔ alɛ abha kelĩshu azazã anɔnɔ bayɛɛ eku balɛ kɛma ediedi nɛ̀ balɛ egbogbo egbogbo mɛ nɛ balɛ amadiɛ mɛ, bakanyiaka nɛ̀ balɛ buluhũ.)
Xamɛt Yɛihui nɔ
6Xam yɛ beyianyɛ naalɛ:
Kus, Misraim, Put nɛ̀ Kana.
7Kus yɛ beyianyɛ naalɛ:
Sɛba, Xavila, Sabta, Raama nɛ̀ Sabtɛka
Rama yɛ beyianyɛ naalɛ:
Sɛba nɛ̀ Ɖedan.
8Kus yɛedzì aka akɔ Nimrɔɖ, gɛ eshè pɛ ebedzì eyuta gɛ gbagbala ɔzã yɛahɔɛ nɛ kesiakpa nabha. 9Edzì abhɛbhɛ gbagbla nɛ Apaleteɛ amɛ; kliso pɛ baɖɔ asɛ, "Asɛ Nimrɔɖ, abhɛbhɛ gbagbla nɛ Apaleteɛ amɛ." 10Yɛ bukusiɔŋãkɔ ɛzãkɔ gɛiputɔ ɛlɛ inu, Babilonia, Eɖɛk, Akaɖ, nɛ̀ Kalnɛ nɛ Sina. 11Odenɔ kesiakpa alɛ abha yɛalɔ avɛ Asiria, ɛkɛlɛ gɛ edidzù Ninɛvɛ, Rehobot Ir, Kala 12nɛ̀ Rɛsɛn, gɛ akpasɛ Ninɛvɛ nɛ̀ Kala ishiɛ: ɔmã gbagbla naalɛ.
13Mizraim yɛedzi aka akɔ Luɖɛanɛ, Anamɛanɛ, Lexabɛanɛ, Naftuanɛ,
14Patrusɛanɛ, Kasluanɛ, (gɛ yɛ mɛ Filistɛanɛ ede ekoeyiɛ) nɛ̀ Kaftoɖɛanɛ.
15Kana yɛedzì aka akɔ Sidɔn yɛeyianyɛ gɛ eputɔ, gɛede Xivɛanɛ,
16Yebusɛanɛ, Amorɛanɛ, Girgasɛanɛ 17Xavɛanɛ, Arkɛanɛ, Sinɛanɛ, 18Arvadanɛ, Zemaɖɔɖɛanɛ nɛ̀ Xamatɛanɛ.
Kidegbaa, Kana egbogboɔ bapɔɛ akana 19kɛlɛ Kana bubuɔ edenɔ Siɖɔn ɔvɛnɔ Geɖa ɔvɛnɔ odzololo ɔkɔ asɛ Gaza, kɛlɛ avɛnɔ Sodom, Gomoɖa, Aɖma, nɛ̀ Zɛbɔim, ɔdɛ kpɛnɔ Lasa fãa.
20Banɔ alɛ balɛenu Xam yɛ beyianyɛ nɛ balɛ egbogboɔ nɛ̀ balɛ beluhũɔ mɛ, nɛ balɛ kɛkɔtɔ nɛ̀ balɛ amadiɛ mɛ.
Sɛmɛanɛ
21Bamɔ bɛeyianyɛ akɔ Sɛm tsyɛ, gɛ yɛadza shesheɛ yɛedzì Yafɛti; Sɛm yɛedzì ashuĩ akɔ Ɛba yɛ beyianyɛ alɛ nyɔ̃ɔ.
22Sɛm yɛ beyianyɛ balɛenu;
Elam, Asha, Afaxaɖ, Luɖ nɛ̀ Aram.
23Aram yɛ beyianyɛ balɛenu:
Uz, Xul, Gɛta nɛ̀ Mɛshɛk.
24Afaxaɖ edzì aka akɔ Shɛla,
kɛlɛ Shɛla edzì aka akɔ Ɛba.
25Bamɔ beyianyɛ taabha akɔ Ɛba; Bakɔ tenikpo kinye asɛ Pɛlɛg, ɔmɔsɛ nɛ yɛibeɛ baya kesiakpa mɛ akpɛ bɔwɔ̃pɛ taabhà; bakɔ yɛadzya nɛinye asɛ Yɔktani.
26Yɔktani edzì aka akɔ Almoɖaɖ, Shɛlɛp, Xazamavɛti, Yɛra,
27Xoɖoam, Uzal, Diklah, 28Obal, Abimaɛl, Shɛba, 29Ɔfɛ, Xavila, nɛ̀ Yɔbab. Banɔ alɛ petee bedzì Yɔktani yɛ beyianyɛ.
30Kɛkɔtɔ mɛ gɛ bazã edzè edenɔ Mɛsha avɛnɔ ɔdɛtɔ̃ Sɛfar, nɛ kiwuiɛ otukɔɔ nɛ ketukpɔ kɛmadiɛ mɛ.
31Banɔ alɛ balɛenu Sɛm yɛ beyianyɛ nɛ balɛ egbogbo nɛ̀ beluhũɔ mɛ, nɛ balɛ kɛkɔtɔ nɛ̀ amadiɛ mɛ.
32Banɔ alɛ balɛenu Noa yɛ beyianyɛ ɔganà balɛ kihui nɔ nɛ balɛ amadiɛ mɛ. Ɔganà banɔ alɛ nabha amadiɛ ayɛɛ nɛ kesiakpa nabha nɛ budekelĩ niede.
Currently Selected:
Kesikpɛkpɛ 10: NYB
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Languages, Literacy and Bible Translation GILLBT
