1 कुरिन्थी 10
10
इसराइलीकु आला इतिहास तरअः चेतावनी
1 #
उइठ 13:21,22;
उइठ 14:22–29
ए बोकोकु, ईङ आपे के उईहार चिअ दिपीईंग ची आबु आलकु पुरखाकु रिम्बिल रअः उम्बुल रे सेन नेनाकु, जामेकु समुदर परोम नेनाकु। 2नोःआँ लकान जामेकु रिम्बिल आउर समुदर रे मुसा आला बतिस्मा इदी लअकु आउर मुसा लोः साँघे सेनोः वाला पाड़ीअ नाकु। 3#उइठ 16:35आउर जामे मियांड ठुका आतमा रेनअः घोटो जोम लअकु। 4#उइठ 17:6; गन 20:11आउर जामे मि बरन आतमा रेनअः दाअः नु लअकु, एता लःअय ची हुंकू मियांड आतमा रेनअः सेरेंग रअः दाअः नुई केनाकु, जे हुंकू लोः गाती-गाती सेनोः केना। आउर होना सेरेंग ख्रीस्त थिनाय। 5#गन 14:29,30सेरे होः हुंकू मेसे ढेरकु तरअः परमेसर खुस काय थिना, हिना लःअय हुंकू बितिल ओत रे गोएःग नेनाकु।
6 #
गन 11:4
नोःआँ जामा घटना आबु के नोःआँ नमुना सिखाव बुआय ची आबु हुंकू लकान बुराई बात रेनअः लोभाअ कोवान चाही। 7#उइठ 32:6मुरती पुपुजा वाला आलपे बनाव कोअ, जे लकान ढेर हुंकू मेसे थिनाकु। जे लकान धारम-पुथी रे लिखा लअः एदनाआ ची “होड़कु जोजोम-नुनु दुड़ूः नेनाकु, आउर नचाअ-डेगाअ लःअय बिरिःड नेनाकु।” 8#गन 25:1–18आबु ब्यबिचार इरबुया, जे लकान हुंकू मेसे थोड़ेक ब्यबिचार थिलाअकु, आउर मुसिङ ठुका रेगी ताईस हजार गोएःग नाकु। 9#गन 21:5,6आउर ना गी आबु ख्रीस्त के परखाई याबु, जे लकान हुंकू मेसे ढेर परीकछा थिलयाकु, आउर ढेरकु बिंङ हाःब लिकुआकु रे गोएःग नाकु। 10#गन 16:41–49आपे आलपे कुरूःड-कुरूःड कोअ, जे लकान हुंकू मेसे कुरूःड-कुरूःड थिनाकु, निआँ चलते नानस दूत हुंकू के नास लिकुआय।
11नोःआँ जामा गाम लकान हुंकू तेङ रे बिताव नेना, आउर आबु के चेतावन एमोअ लःअय लिखा लअः एदनाआ, जे दुनिया रेनअः आखरी बेरा रे ताहिनोअ तनाबु।
12हिना लःअय जे अपन के समझाआय ची ईङ असथीर इदानिङा, दो हुनी चाँवचित ताहिनोआय नोकान आलु हुयाव कोअ ची हुनी नुर जुनोआय। 13आपे नोकान परीकछा रे गी पड़ाव ताना, जे जामाकु लःअय हिजोआ, निआँ लकान गी आपे लःअय होः हीःग कोआ, आबु परमेसर रे बिसवास दोहो दाड़ी केआबु, हुनी आपे के आपे आला बे-सहाऊव तरअः जादे परखाः रे एरे पड़ाव चिपेआ। परखाः रअः बेरा हिजोआ दो होना तरअः बंचाअ लःअय होरा होः हुनी उदूः केआय, जेकर से आपे परखाः रे केटेःग ताही दाड़ीपे।
14हिना लःअय ए दुलार कु, आपे मुरती पुजा तरअः नीरपे। 15आपे के समझदार समझाव केते, ईङ नोकान कंहड़ीः दिंग। ईङ जे कंहड़ीः दिंग होना के अपन-हारते परखाय पे। 16#सं.मत्ती 26:26–28; सं.मर 14:22–24; सं.लुका 22:19,20परभु भोज रे धन्यवाद केते, आबु दाखरस नुयाबु आउर लाःड जोमेआबु, जब आबु अंगुर रस नुयाबु दो ईसु आला मयोम रे भागीदारी बनाआबु। जब आबु लाःड खंड़ायाबु जोमेआबु, ख्रीस्त अपन होड़ो रे दुख उ-उठाव रअः भगीदारी बनाव जुनोआबु। 17मियांड लाःड खांड़ा केते जोमेआबु, आबु ढेर होड़ एदानबुआ, लाःड दो मियांड ठुका एदनाआ। नोःआँ लाःड के खांड़ा केते आबु जोमेआबु हिना लःअय आबु मियांड होड़ो रे भागी हेके।
18 #
लेवी 7:6
हुंकू इसराइलीकु के नेल कुपे, जे होड़ बिदी रे बलिदान राकाःब लअः जोजमअ के जोमेआकु हुंकू होना बिदी तरअः परमेसर के ईया लआ सेवा रे भागीअ नाकु। 19ईङ नोःआँ काईंग कंहड़ीया ची, मुरती रे राकाःब लअः सिकार जहान मतलोब एदनाआ, आउर मुरती रअः मतलोब एदनाआ। 20#कन 32:17बकिर मुरती रे बलिदान राकाःब लअः सिकार, परमेसर लःअय कोवान बकिर मुवाँ आतमा लःअय रकाबेआकु, आउर ईङ काईंग चहाआ ची आपे मुवाँ आतमाकु आलकु सझेदार पाड़ीयोअ पे। 21आपे परभु भोज रअः कटोरा आउर मुवाँ आतमा आला कटोरा बनार मे से एरपे नू दड़ीआ। आपे परभु आला टिबुल आउर मुवाँ आतमा आला टिबुल बनार रअः भागी एरपे हुयाव दड़ीआ। 22#कन 32:21जदि आबु नोकानेआबु दो परभु के रिसियाव चियाबु। एतान आबु हुनी तरअः जादे सवाँगिया एदानबुआ?
रोज दिन जिवीडोः रेनअः सलाह
23 #
1 कुरि 6:12
थोड़ेक होड़ कंहड़ीआकु, “आबु के जामा ककामी लःअय उचित दो एदनाआ” बकिर ईङ कंहड़ीईङ ची जामा बात फयदा कनोआँ। “आबु लःअय जामा ककामी रेनअः दो निछुंद एदनाआ” बकिर “जामा मदाईत का हुयाआ।” 24जामा होड़ अपन भलाई के आलपे सोंचाव के, बकिर एटाअ होड़ आला भलाई लःअय सोंचाय पे।
25बजार रे जे सिकार आखरिंगोआ होना के आपे जोमेपे, भितरी मन रअः चलते आबु के नोःआँ कुकुली कनोआँ ची नोःआँ मुरती रे राकाःब उना हेके ची कोवान। 26#सिरिंग 24:1एता लःअय ची बचन रे कंहड़ीयाय, “नोःआँ धरती आउर जे जिनीस होना रे एदनाआ, जामा परभु आला हेके।”
27जदि आपे के, जे परमेसर रे काय बिसवासेआ, हुनी जोजोम लःअय राअः पेआय दो, आउर होंड़े सेनोः नामापे दो आपे सेनपे। आउर आपे के जे जो-जोम लःअय एमेआय होना के जोमेपे। भितरी मन रअः चलते आपे के नोःआँ कुकुली रअः दरकार कनोआँ, सिकार मुरती रे राकाःब लअः हेके ची नलागे। 28बकिर जदि आपे के जाहें, “नोःआँ मुरती के राकाःब लअः सिकार हेके मेनगेआय,” दो होना के आलपे जोम के, जे आपे के कंहड़ी लअः होना चलते आउर भितरी मन रअः चलते आलुम जोम के। 29ईङ आला कंहड़ी रअः मतलब ची आम आला भीतरी आतमा कोवान हुनी होड़ आला भितरी मन रअः बारे। आपे मेसे मिहोंड़ कंहड़ीयाय ची, “एटाअकु आला कमजोर भितरी मन रअः चलते ईङ आला निछुंद के एता लःअय परखाव दापे? 30ईङ जे जिनीस जोमेईंग चाहे नुयीङ, ईङ परमेसर के धन्यवाद एम केते भागी योईङ। दो जे जिनीस लःअय ईङ धन्यवाद एम केते जोम नु लाईङ, हिना बारे रेगी ईङ के निन्दा एता लःअय कंहड़ीः दापे।”
31हिना लःअय आपे चाहे जोमेपे, चाहे नुईपे, चाहे जहानेपे जामा परमेसर आला महिमा लःअय इयायपे। 32आपे ना दो जाहुदीकु लःअय आउर ना दो एटाअ जाईतकु लःअय, चाहे परमेसर आला कलीसिया लःअय, पाप रअः कारन आलपे बनाव कोअ। 33ईङ जामा बात रे जामा होड़कु के खु-खुस ची लःअय कोसिसेईंग। ईङ खुद रअः फयदा लःअय कोवान, बकिर एटाअ होड़ आला फयदा लःअय कोसिसेईंग। जेकर से ची जामाकु आला उधार हुयाअः चाही।
Currently Selected:
1 कुरिन्थी 10: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0