1 कुरिन्थी 11
11
1 #
1 कुरि 4:16; फिलि 3:17 आपे ईङ लकान चाईल चलाअ पे, जे लकान ईङ ख्रीस्त आला चाईल लकान चलाईंग।
गिरजा रे बोहोअ डबाव
2आपे जामा बेरा ईङ के उईहारिङा पे, आउर जे कुछ ईङ आपे के नेग-दसतुर एमा तडपेईंग होना के मनाआपे। हिना लःअय ईङ आपे रअः बारे रे बड़ाई पेईंग। 3बकिर ईङ आला मरजी एदनाआ ची आपे नोःआँ पाड़ीपे ची आउराईत आली मुंवार हेरेल हेके, हेरेल आली मुंवार ख्रीस्त हेके, आउर ख्रीस्त आली मुंवार परमेसर हेके। 4जामा नोकान हेरेल, जे बोहोअ डबाव केते बिनतीयाय चाहे आगमजानी याय, हुनी ख्रीस्त के अपमानियाय, जे अपन बोहोअ हेके। 5बकिर आउराईत, जे बेगर बोहोअ डबाव ते बिनतीयाय, चाहे आगमजानी याय, हुनी अपन हेरेल के अपमानियाय, जे हुनी आली मुंवार हेके। एता लःअय ची हुनी, हुनी आउराईत लकान इदानियाँ, जे अपन बोहोअ के खुराव ची तदाय। 6जदि जाहें आउराईत अपन बोहोअ काय डबाया, दो हुनी बोहोअ खुराव ची गुल ताय। जदि गेःड लअः ऊःब चाहे खुराव ची लअः बोहोअ आउराईतकु लःअय लाज रेनअः बात हेके दो हुनी अपन बोहोअ डबाय। 7#एहेः 1:26,27हेरेल के अपन बोहोअ डा-डबाव कोवान चाही, एता लःअय ची परमेसर अपन मुठान रे बनाव तदकुआय। आउर हुनी तरअः परमेसर आला महिमा हुयाआ। बकिर आउराईत के अपन बोहोअ डा-डबाव चाही, एता लःअय ची हुनी तरअः हेरेल ताय आला महिमा हुयाआ। 8#एहेः 2:18–23परमेसर हेरेल तरअः आउराईत के बनाव तदियाय, आउर आउराईत तरअः हेरेल के काय बनाव तदियाय। 9परमेसर हेरेल के म-मदाईत लःअय आउराईत के सिरजाव तदियाय, बकिर हेरेल आउराईत लःअय कोवान। 10हिना लःअय आउराईतकु के बोहोअ डा-डबाव चाही, एता लःअय ची परमेसर आलकु दूत होः आबु के नेल दिबुआकु। आउर आउराईत के बोहोअ डा-डबाव रअः माने नोःआँ हुयाआ, ची हुनी अपन हेरेल रअः हक रे इदानियाँ। 11सेरे होः परभु रे, हेरेल आउराईत तरअः आलगे कनिङा, आउर आउराईत हेरेल तरअः आलगे कनिया। 12एता लःअय ची जे लकान परमेसर आउराईत के हेरेल तरअः सिरजाव लिदी इदानियाँ, आउर हिना लकान जामा हेरेल आउराईतकु तरअः जनम इदीयाकु, आउर जामा परमेसर तरअः हिजोआ।
13आपे खुदे नोःआँ के बिचारेपे, एतान नोःआँ उचित एदनाआ, आउर मियांड आउराईत बेगार बोहोअ डबाव ते, परमेसर तरअः बिनतीयाय दो होना सोभा एमेआय? 14आपे पाड़ी आपे ची जदि हेरेल जिलींग ऊःब दोहोयाय, दो नोःआँ हुनी लःअय लाज रअः बात हेके। 15बकिर जदि आउराईतकु जिलींग ऊःब दोहोयाकु दो नोःआँ सोभा रेनअः बात हेके, एता लःअय ची ऊःब हुनी के ओढ़नी लःअय एम लअः एदनाआ। 16जदि जाहें नोःआँ रअः बारे बा-बहस नामाकु दो, हुंकू के ईङ कंहड़ीः दिंग, आबु के ना दो नोकान दसतुर एदनाआ चाहे परमेसर आला कलीसिया रे।
परभु भोज रअः बारे रे
(संत.मत्ती 26:26–29; संत.मरकुस 14:22–25; संत.लुकास 22:14–20)
17आपे आला जवारोअ रे एतान फयदा दो कनोआँ बकिर जादे हानी हुयाआ। हिना लःअय ईङ आपे के काईंग बड़ाई देपेआ। बकिर आपे के घुड़काव देपेईंग। 18पहिल बात दो नोःआँ हेके ची ईङ आला आ-आयुम रे हीःग ताना, ची आपे कलीसिया रे जवारोआपे, दो आपे ताला रे ताल-तुल का जुमाआ। ईङ बिसवासे ईङ ची थोड़े-मोड़े सचाई होः एदनाआ। 19ओ-हो, आपे बढ़ियाँः दापे! हिना लःअय हिकान एकाय पे, कोवान दो एतान पता चलाव कोआ ची आपे ताला रे, ओके ख्रीस्त रे बि-बिसवास वाला हेके, आउर ओके कोवान? 20आपे बेस मन रे कापे जवारोआ, हिना लःअय जे भोज आपे जोमेआपे, होना ईसु ख्रीस्त आला मराईन रेनअः याईद यअते जोजोम, वाला परभु भोज नलागे। 21एता लःअय ची जो-जोम बेरा एटाअकु के बेगार ताँगीते थोड़ेक होड़ पहिल सेन केते अपन जोजमाअ के लाहीःग पेरेःग जोम गुलताअकु। हिना लःअय थोड़ेक होड़ अखरी रे रांगेःग ताही जुनोआकु, आउर थोड़ेक दरकार तरअः जादे नु गुल तअकु। 22एतान आपे लःअय जोजोम-नुनु लःअय अपन ओड़ाअ कनोआँ? चाहे नोःआँ लकान आपे परमेसर आला कलीसिया के कापे तुछेआ? आउर जेकर दुबाःड़े कनोआँ हुंकू बिसवासीकु के कापे लाज चिकुआ? ईङ आपे के एतान बेता पीईंग? नोःआँ बात रे आपे के बड़ाई पीईंग? ईङ आपे के नोःआँ बारे रे कहियो इरीङ बड़ाईया।
23एता लःअय ची नोःआँ बात ईङ परभु तरअः आयुम तदिङ, हिना के गी आपे के फिन दोहड़ाव ओपेअ दिंग जे निदा परभु ईसु के सःब ची केते गो-गोएःग लःअय इदी केनाकु, हुनी मियांड लाःड सःब लःअय। 24आउर परमेसर के धन्यवाद एम केते, केचाअ केते आउर चेलाकु के बेता लिकुआय “नोःआँ ईङ आला होड़ो हेके, जेके आपे लःअय एमाअ दिपीईंग। आपे ईङ आला याईद रे निकान एकाय पे।”
25 #
उइठ 24:8; जिर 31:31–34;
उइठ 24:6–8
निआँ लकान बियाड़ी जोम तयोम हुनी अंगुर रस रअः कटोरा इदी केते कंहड़ी लःअय, “नोःआँ अंगुर रस ईङ आला मयोम हेके, आउर ईङ आला मयोम तरअः परमेसर ढेर होड़कु लोः नावाँ करार तोल केआय। अंगुर रस नु यापे दो, ईङ के उ-उईहार लःअय नुयपे।”
26नोःआँ लकान जब-जब आपे नोःआँ लाःड जोमेआपे आउर नोःआँ अंगुर रस के नु यापे, दो परभु आला हिजोअ जगुत हुनी आला गोजोअः रेनअः परचारेआपे। 27हिना लःअय जाहें होः परभु भोज अनरिती तरअः जोम-नुयाकु, हुंकू परभु आला होड़ो आउर हुनी आला मयोम रअः बिरोध रे पापेआकु। 28हिना लःअय पहिल रे अपन के जाँचाव केते, होना तयोम नोःआँ लाःड के जोमेकु आउर नोःआँ कटोरा तरअः अंगुर रस नुई कु। 29परभु आला होड़ो के बे जचाँव ते, जे अनरिती रे लाःड जोमेआय आउर अंगुर रस नुयाय, होना जोजोम-नुनू तरअः अपन तेंग रे डांड़ आगुयाय। 30आपे रे हेंकान लआकु, निआँ चलते आपे रे ढेर होड़ बेमार आउर कमजोर एदान कुआ, आउर ढेर होड़ गोएःग नाकु। 31जदि आबु अपन के बढ़ियाँ केन जचाँव ताकेआबु दो आबु के परमेसर आला डांड़ एरे भो-भोगाव पड़ाव ताही कोआ। 32बकिर जब आबु के परभु आला डांड़ भेटाआ दो आबु के सुसुधराव लःअय हेके, जेकर से ची दुनिया रअः साँघे-साँघे डांड़ आलु भेटाव कोअ। 33हिना लःअय ए बोकोकु, जदि आपे जोजोम लःअय जवारोआपे, दो तांगी ऊपड़ींङोः पे आउर साँघे जोमेपे। 34जदि जाहें के रांगेःग आदायोआ, दो हुनी के अपन ओड़ाअ रे जो-जोम चाही, जेकर से ची आपे आला जवारोअ, आपे लःअय परमेसर आला डांड़ रेनअः कारन आलु पाड़ीयोअ। बंचाव उना बात के, हिजोईंग हिमीन रे उदूः गेईङ।
Currently Selected:
1 कुरिन्थी 11: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0