1 कुरिन्थी 4
4
परमेसर आलकु खभाईर सो-सोदोर कु
1हिना लःअय आपे के पापाड़ी चाही ची आबु ख्रीस्त आलकु से-सेवा कु हेके, आउर परमेसर आला भेद रेनअः बात रअः भंडारी समझाअ कु। 2आउर जेके भंडारी काम भेटाव ताना हुनी तरअः नोःआँ आसराय ची हुनी अपन मलिक तरअः ईमानदार उडुंगोःए। 3ईङ के नोःआँ रेनअः कईटको फिकिर कनोआँ, ची आपे चाहे एटाअकु ईङ के परखाईङ कु, बकिर ईङ खुदे अपने काईंग परखाआ। 4ईङ अपन रे एतान होः दोस काईंग नामेआ, बकिर नोःआँ रअः मतलब नलागे, ची ईङ बेकासुर इदानिङा। परभु गी ईङ आली प-परखावी हेके। 5हिना लःअय परभु हिजोअ तरअः पहिल, जाहें ओके आला होः आलकु न्याय के, जब परभु हिजोआय दो नेयाय केआय। तब हुनी अंधार रे उकुउना बात के मरसल रे दिसतार केआय, आउर मनवा आला मन रेनअः विचार के दिसतार केआय। हिमीन बेरा काम रेनअः मोताबिक जामे मनवा आला बड़ाई, परमेसर पखा तरअः हुयाव कोआ।
6ए बोकोकु, नोकान लिखा लअः एदनाआ, ची “कनहुन के मनाअ पे” नोःआँ के आपे के ससमझाव लःअय ईङ आला बारे रे, आउर अपुल्लोस आला बारे आपे के उदूः थिलिईंग। जेकर से ची मिहोंड़ होड़ रअः बारे घमन्ड केते एटाअ होड़ के आलपे इनकार किकु। 7ओके आपे के एटाअ होड़ तरअः जादे मरजाईद एमेआय? आपे दुबाःड़े एतान एदनाआ, जे आपे के परमेसर तरअः का भेटाव ताना? तब नोःआँ जामा बकसिस रे भेटाव ताना सेके बेगार पाड़ी ते एता लःअय घमन्डेआपे।
8एतान आपे सोंचायपे ची जे कुछ चाही होना आपे दुबाःड़े एदनाआ, आउर आपे धनगार नापे आउर राजा हेके, आले दो नलागे? ईङ चहाईंग ची आपे सचे गी राजा बनाअः पे, जेकर से ची आले होः आपे लोः राजा बनाव जुनोः ले। 9एता लःअय ची ईङ आला विचार एदनाआ, ची परमेसर आबु प्रेरितकु के, होड़कु रे छोटे तरअः छोटे बनाव तदबुआय, जे लकान लड़ाई रे हराव केते, गोजोः रअः हुकूम भेटाव ताना, हिना लकान आबु चुनाव लिनबु प्रेरित होः पुरा दुनिया, सिरमादूतकु आउर मनवाकु मड़ांग रे तमासा बनाव तनाबु। 10आले दो ख्रीस्त रअः चलते मुरुख हेके, आपे दो ख्रीस्त रे बुधीमानापे, आले दो नरजोराले, आपे दो बलवानापे, आले दो घींड़ उनकु होड़ हेके, आपे दो मरजाईद लेनपे हेके! 11आले नोःआँ बेरा होः रांगेःग-तेतांगाले, मारी आउर चिरा ओना गेन्दरअ सोलोंगेआले, माऊर जोमेआले, आउर ची बेगार ओड़ाअ दुवार रेनले हेके। 12#प्रे.कामी 18:3आउर आले अपन तीः तरअः मेहनाई तेआले, होड़कु आले के एगेर लेआकु आउर आले आसीस एमा कुआले, हुंकू आले के सताव लेआकु दो आले सहायाले। 13हुंकू आले के निंदालेआकु सेरे होः आले गोहराः तनाले। आले के नहाअः जगुत दुनिया रिनकु होड़ मड़ांग रे निआँ लकान तुछ आउर घींड़ बेवाहारे आकु।
पौलुस आला आपा कु लकान दुलार
14ईङ आपे के नोःआँ बात ल-लाज ची लःअय काईंग लिखाः दा, बकिर अपन दुलार होपोन रअः भेस रे आपे के नोःआँ चेतावन एम केते लिखाः दिंग। 15एता लःअय ची जदि ख्रीस्त रअः बारे रे दस हजार सि-सिखावकु इदानकुआ, सेरे होः आपे आली आतमिक आपा मियांड ठुकाआय, निआँ लःअय ची ईसु ख्रीस्त रअः बारे रे आपे के बेस खभाईर सुनाव केते, ख्रीस्त रे आपे आली आपा हेके। 16#1 कुरि 11:1; फिलि 3:17हिना लःअय आपे तरअः नोःआँ गोहराअ तनिङ, ची ख्रीस्त रे ईङ एता लकान चलाअ तानिङ हिना लकान आपे चाईल चलाअ पे। 17हिना लःअय ईङ तिमुथियुस के आपे दुबाःड़े कुलगोःड तदियीङ, जे परभु रे ईङ आली दुलार आउर बि-बिसवास जुकूर होपोन हेके। हुनी आपे के ख्रीस्त रे ईङ आला चाईल-चकर के उईहार चि-केपेआय। जे लकान ईङ जामा ठाँव, जामा कलीसिया रे परचारेईंग।
18थोड़ेक होड़ नोःआँ समझाव केते, घमन्डी पाड़ीः नाकु, ची ईङ आपे दुबाःड़े ओका हिला होः इरिंग हिजोआ। 19बकिर जदि परभु चहाआय, दो जलदी गी ईङ आपे दुबाःड़े हिजोईंग, हुंकू घमन्डी कु आला बात के नेलेईंग नोःआँ होः नेलेईंग ची हुंकू आला समरथ एतान हेके। 20एता लःअय ची परमेसर आला राईज बात रे कोवान, बकिर समरथ रे एदनाआ। 21आपे एतान चुनायापे? एतान ईङ हापा इदी केते आपे दुबाःड़े हिजोईंग चाहे पेरेम आउर नरम मन लोः साँघे हिजोईंग?
Currently Selected:
1 कुरिन्थी 4: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0