संत.लुकास जान-चिनहार
जान-चिनहार
लुकास लिखा लअः बेस खभाईर नावाँ कनहुन रेनअः होना चाईर पुथी मेंसे मियांड हेके, जे ख्रीस्त ईसु आला चाईल-चकर रेनअः बखानेआ़य। होना मेंसे जामा मियांड बेस खभाईर मेन गेआकु, जेकर माने हुयाआ, बेस खभाईर। होना के ईसु आला मराईन तयोम मत्ती, मरकुस, लुकास आउर जोहन तरअः लिखा लअः ताही नेना। लुकास ना सिरीफ ईसु आला जिनगी रेनअः कथा लिखा लःअय, बकिर हुनी ईसु आला गोजोअः आउर जिवीःड बिरिडोः तयोम हुनी आलकु चेलाकु पखा तरअः कामी लअः काम रेनअः बबखनाव अवला मियांड पुथी प्रेरितकु आला काम होः लिखा लःअय। बिद्दवान काकु पाड़ीआ ची लुकास लिखा लअः बेस खभाईर ओका तारिक के आउर ओकाःड़े लिखा लअः थिना, बकिर आन्दजा नोःआँ के ख्रीस्त आला जनम रेनअः लगभग 70 साल तयोम लिखा लअः मनाआकु।
नोःआँ के लि-लिखाई लुकास हेके, जे मियांड दावगाहा थिनाय। हुनी आला लि-लिखा रेनअः ढंग तेकर अकछर मि-ओइर तरअः लि-लिखा तरअः पता चलाआ ची हुनी मियांड पढ़ाल-लिखाल होड़ ताही नेनाय। लुकास ईसु आला जिनगी के सही-सही आउर घटाव नेना घटना के मि-ओइर तरअः लि-लिखा नाम केनाय, जेकर से एटाअ होड़ नोःआँ के पढ़ाव केते फयदा उठाव सकाय कु (1:1–13)। हुनी जाहुदी काय ताही नेना (कोलोसी 4:10–14) आउर हुनी नोःआँ लकान लिखा लःअय ची एटाअ जाईत होः समझाअ कु। नोःआँ के सफा-सफा नेल दड़ीयोआ ची हुनी एता लकान जाहुदी नेग-दसतुर रेनअः बखानेआय (1:8) लुकास लिखा लअः बेस खभाईर मत्ती आउर मरकुस पुथी लोः ढेर मिलाआ, एता लःअय ची हुनी हिना बात के मि लकान बखानेआय। नोःआँ पेने पुथी मेंसे लुकास जोहन बतिस्मा एमोई आला जनम रेनअः बारे जादे ब्योरा एमेआय। लुकास छमा एमोअ (3:3; 11:4; 17:3–4; 23:34; 24:47) आउर बि-बिनती (3:21; 5:16; 6:12; 11:1–12; 22:32) रे होः जादे जोर एमेआय।
रुपरेखा
1. लुकास अपन-हारते लिखा लअः बेस खभाईर रअः जान-चिनहार चीआय आउर ऊदूगेआय ची एता लःअय हुनी नोःआँ के लिखा लःअय (1:1–4)
2. होना तयोम हुनी ईसु आला जनम रअः बारे रे ऊदूगेआय तेकर बखान एमेआय ची एता लकान हुनी सेवकाई लःअय तेयार नेनाय (1:5—4:13)
3. बेस खभाईर रेनअः बाकी बड़े हिस्सा रे लुकास ईसु पखा तरअः कामी लअः बखान तदाय, खास केते हुनी तरअः कामी लअः छकरित काम तेकर हुनी आला सिकछा (4:14—21:38)
4. हिना लःअय आखरी बार अध्याय रे हुनी ईसु एता लकान गोएःग नेनाय, गाड़ा लियाकु आउर गोएःग उनकु मेंसे जिवीःड बिरिःड नेनाय नोःआँ रेनअः बखानेआय (22—24)
Currently Selected:
संत.लुकास जान-चिनहार: ASR
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0