लुका 17

ठोकोर रआ कारन पड़ीयोः

(मती 18:6,7,21–22; मरकुस 9:42)

1फिन ईसु अनेज् चेलाकुइ कथावा लआ, “एरो होयव सकावना चि होड़ ठोकोर एरोकु जोमलेए, बकिन ओह हुँनि होड़ जे पाप रआ चलते भटकावओय। 2जे निकु हुडिञ मे से मिहोंड़ ओकेकुन ठोकोर एर जोमेयय, हुँनि तआ नोआँ भला होयाव कनाअने, चि हुँनि रआ होटोः रे जनता तोल केते समुदार रे जोड़ाव एंडाय। 3#मती 18:15चँड़चित दोहोनमी! अगर अमः रेनि बोयहा पाप यते मेनगी रेदो हुँनि डपोटेमी, अगर मन रुवाड़े दो हुँनि माफिमी। 4अगर दिन भाइर रे हुँनि सात इसा अमः रआ बिरोद रे पाप करावेअय दो सतो इसा फिन वेज् कोते कथायय, ‘इञः गलती एतेन मन रुवाड़ यतेअइञ’ दो हुँनि माफिमी।”

सारी

5बिदा लिड्कु चेला परभु एडे कथा लआकु, “आले रआ सारी बढावेमी।”

6परभु कथालअय, “अगर आपे राय दना इयान पे सारी दोहोलेन, दो आपे नोआँ तुँत काट पे कथावा लेड्, रेहेड् एतेन रचाः कोते समुदार रे सेन कोते डुबा गोमी, दो होना आपे रआय मनाव कनाअने।”

सेवा रआ बारे

7“आपे मे से नोंका ओके इदानआँ, जेकर बन्धुवा सियोआय चहे भीडी चरावाय, जोटोः जब केता एतेन वेजोअय, दो मलीक हुँनि कथावाइयय, झठहेले वेज् कोते मंडी जोम तआ दुड़ूःमी? 8जोटोः नोंका एरोय कथा बोजालेए, ‘इञः रआ मंडी तेयारेमी, जोटोः जबरे इञः कइञ जोमोः तब रे इञः रआ मी सेवा-सुसार तब हिना तयोम अमः जोमोः ञुयोःमी।’ 9तना मालिक हुँनि बन्धुवा धनियाबाद ओवा कियय? हुँनि अपन हुकुम मनव लेनय? 10निआँ लेका अमः हों होना गोटा काम मी करावे चही जेकर रआ हुकुम अमः ओवा दोहोलिड्मिआँ, दो कथायमी, ‘आले बेकमा बन्धुवा हके, जे आले करावे तआ दोहोना, आले सिरीप हिना ही ले कराव तड्आ।’”

कोढ़ लेनकु बन्धुवा गोटेकु नपाय लेना

11ईसु फिन जेरुसलेम सेनोः जुवार समारिया जोटोः गलील रआ तलाते परोमोन दोहोनय। 12मियड् डीही रे बोलोयोः जुवार दस गोटङ छेवड़ा रोग लिनकु ञमना हुँकू ईसु एतेन संगीञ रेकु तींगु दोहोना 13हुँकू जोड़ते हकाव केते कथा लआकु, “ओय ईसु, ओय मलीक, आले तेङ रे मया योमी।”

14 # लेबी 14:1–32 ईसु हुँकू ञेल केते कथालअय, “सेनोःपे जोटोः अपन अप पुरोहित कुपे बतलाववा।”

जोटोः होरा ते सेन-सेन ते सुधयनाकु। 15तब हुँकू मे से मिहोंड़ इञः अछा यनाइञ नोआँ ञेल केते अगम जोड़ते परमेसर रआ बड़ाइ केते रुवाड़नय। 16जोटोः ईसु रआ जँगा ठँव रे इकड़ुम कोते हुँनि रआ धनियाबाद लअय, जोटोः हुँनि सामरिया रेनि दोहोलेना। 17ईसु कथालअय, “चिताना दसो गोट कपे सुधयना? दो फिन बंचाव लिनकु नाव होड़ ओकारेकुआ? 18चिताना नुई परदेसी होड़ बाय केते ओके जोटोः कोवन जे वेज् कोते परमेसर बड़ाइयेअकु?” 19तब ईसु हुँनिए कथावा लआ, “बिरीड् कोते सेनोःमी; अमः रआ सारीयोः ते ही अमः नपाय यनाम।”

परमेसर रआ राइज वेजो गोना

(मती 24:23–28,37–41)

20मुसिञ फरीसीकु ईसु सोधाव लआकु, “परमेसर रआ राइज ओका हिला वेजोआ।” दो हुँनि हुँकूइ कथावा लआ, “परमेसर रआ राइज देखार रुप रे का वेजोआ। 21होड़कु नोआँ एरोकु कथा बुजालेए, ‘ञेलेपे नोंडेया चहे होंडेया।’ चितानतआचि ञेलेपे परमेसर रआ राइज आपे रआ तला रेए।”

22ईसु फिन चेलाकु एडे कथालअय, “होनकन बेरा वेजोआ, जब आपे मनवाँ होपोन ञे-ञेलपे अरावओ, बकिन एरोपे ञेल बोजा लिया। 23होड़कु आपेकु कथावआ, ‘ञेलेपे होंडेया चहे नोंडेया!’ दो अलोपे सारीकोः जोटोः हुँकू रआ तयोम अलोपे सेनोःकोः। 24चितानतआचि जे लेका ठेड़रेञ आकास रे मी पड़ा एतेन रौंदाव कोते गोटा पड़ा हमिज् लवकावओ, हेंका मनवाँ होपोन हों जोटोः वेजोअय बेरा देखार रोओय। 25बकिन जरुरीआ चि पहिल अगम दुख सहावेए जोटोः नोआँ जुग रेनकु होड़ हुँनि एरोकु जुवाब लिया। 26#अँगन 6:5–8जे लेका नूह रआ बेरा रे होयाव दोहोलेना हेनेन लेका मनवाँ होपोन रआ बेरा रे हों होयावओ। 27#अँगन 7:6–24जे बेरा हमिज् नूह जहाज रे काय देज्‌ना, होना दिन हमीज् होड़कु जोमोः ञुयोः नाकु जोटोः हुँकू रे बियाह होयाव इञोःना, जब बडी दाअ् वेज्‌ना हेनते गोटा नास किड्कुअय। 28#अँगन 18:20—19:25जोटोः जे लेका लुत रआ दिन रे होयावलेना चि होड़ जोमोः ञुयोः, किरिञ केजा इञोः, काट लगाव इञोः, जोटोः ओड़ाः बनाव यान दोहोनाकु। 29बकिन जे बेरा लुत सोदोम एतेन उडुङनय हिना हीला सेंगेल जोटोः गंधरस आकास एतेन गमा लेना जोटोः गोटे रोंगो किड्कुअय। 30मनवाँ होपोन रआ वेजो घनी हों हेंका होयावओ।”

31 # मती 24:17,18; मर 13:15,16 “होना बेरा जे सड़िम रे दोहोनय जोटोः हुँनि रआ समान ओड़ाः रेए, हुँनि होना इदी तआ अलोय अड़गुकोः, जोटोः हेनका ही जे टइन्ड रीया हुँनि ओड़ाः अलोय रुवाड़कोः। 32#अँगन 19:26लुत रेनि लंञीते सुधा चिताना होयाव दोहोना होना पहामेपे। 33#मती 10:39; 16:25; मर 8:35; लुका 9:24; जोह 12:25जे ओके हों अपन जीवि बंचाव चहावओकु हुँकू होना अदेआकु, जोटोः जे अपन जीवि अदेआकु हुँकू का अन्तोः अवला जीवेदोः तआ बंचावओकु। 34इञः आपेञ कथावा यना, होना ञीन्द बारहोड़ मियड् खटिया रेकिन गितिग् कोओ; मियड् इदीयय जोटोः मिहोंड़ हेनेन रे बयेया। 35बरिया लंञीकिन जनता रिड्कीन मे से मिहोंड़ अलगाविया जोटोः मिहोंड़ हेनेन रे बय अटुया 36#17:36 अती ते ओल लआ थोड़ेः एकेन मारी पोथी रे नोआँ पद कोनाआँबारहोड़ केता रे कामेअकिन मिहोंड़ इदीया जोटोः मिहोड़ बाय अटुया।”

37नोआँ अयुम केते चेलाकु ईसु सोधव लेदियाकु, “ओय परभु नोआँ ओकारे होयावओ?”

ईसु हुँकूइ कथावा लआ, “जे एडे गोज् होड़ो दोहोना होना एडे गिद जवारोअकु।”

Currently Selected:

लुका 17: BIX

Highlight

Copy

Compare