मती 4

ईसु रआ एर परखावोः

(मरकुस 1:12–13; लुका 4:1–13)

1 # इबरा 2:18; 4:15 फिन पबितर आतमा ईसु टोंगरी पड़ा इदीया लिदियय, ताकि सयतान हुँनि परखावी। 2ईसु चलीस दिन-राइत हमिज् उपास दोहोलअय, अखरी रे हुँनि रंगिज् लिदिया। 3प-परखावी हुँनि ठँवरे वेज् कोते कथावा लिदियय, “अगर अमः परमेसर रेनमी होपोन हके दो कथायमी, चि नोआँ दीरी रुटी पड़ीकोः।”

4 # नियम 8:3 ईसु कथा रुवाड़ लअय, “धरम पोथी रे ओल लआ इदानआँ, ‘चि मनवाँ सिरीप रुटी ही ते कोवन, बकिन परमेसर रआ अहा ते उडुङोः गोटा लेकन बचन ते जीवेड् दोहोनाकु।’”

5तब सयतान हुँनि पबितर नगर जेरुसलेम रे इदी कोते सेंड़ा बिनती ओड़ाः रआ चुटित रे तींगु लिदियय। 6#सिरिञ 91:11,12हेनते हुँनि कथावा लअय, “अगर अमः परमेसर रेनमी होपोन हके रेदो नोंडे एतेन डेगोःमी, ताकि अमः रआ जँगा दीरी रे एरो जड़ाः लेना,

“‘चितानतआचि अमः रआ बारे रे ओल लआ इदानआँ,

अनेज् रेनकु सिरमा दुत हुकुम वाकुअय;

हुँकू अमः अपन अती ते हथलाव मीआँकु।’”

7 # नियम 6:16 ईसु हुँनि कथावा लअय, “नोंका हों ओल लआ इदानआँ, ‘चि अमः अपन परभु परमेसर अलोम परखावी।’”

8फिन सयतान हुँनि मियड् अगम उसुल पहार तेङ रे इदी लिदियय, जोटोः दुनियाँ रआ गोटा राइज जोटोः ठट-बट एरञेल लीदिया। 9सयतान हुँनि कथावा लअय, “अगर अमः इकड़ुम कोते इञः रआ जँगा रेम जोहार वाइञ दो नोआँ गोटा अमःइञ ओवाआ।”

10 # नियम 6:13 ईसु कथा रुवाड़ लअय, “सयतान, ओचोःमी! चितानतआचि धरम पोथी रे ओल लआ इदानआँ, ‘अमः परभु अपन परमेसर मी जोहारवा, जोटोः सिरीप हिनी रआ हीम सेवा-सुसार!’”

11तब सयतान हुँनि बय केते सेनोः यनय, जोटोः सिरमा दुत वेज् कोते हुँनि रआय सेवा-सुसार लआ।

ईसु सेवा-सुसार बुहड़ी लअय

(मरकुस 1:14,15; लुका 4:14,15,31)

12 # मती 14:3; मर 6:17; लुका 3:19,20 ईसु जब अयुम लअय चि जोहन एर सब् केते जेहेल ओड़ाः रे सींग कीदियाकु दो हुँनि गलील देस रे सेनोः यानय। 13#जोह 2:12जोटोः हुँनि नासरत बाय केते कफरनहूम रे, जे डहा रआ डुरी रे जबुलुन जोटोः नपताली पहटा रे सेन कोते दोहो यनाय। 14ताकि जे परमेसर पड़ा एतेन दुखमाय अवला जसायाह रआ कथा लआ दुखमा पुरायोः

15 # जसा 9:1,2 “जबुलुन जोटोः नपताली पहटा रे,

समुदार रआ होरा ते जोटोः जरदन नाय होनहोंर

गैर-जहुदीकु रआ गलील रे!

16जे होड़कु ञोता रे जिवेदोन दोहोलेनाकु

हुँकू मियड् सेंड़ा इंजोत ञेल लआकु;

जे गोज् रआ घुंज-घुंज ञोता रआ पहटा रे दोहोन अवलाकु तेङ रे

इंजोत मरसाल लेना।”

17 # मती 3:2 हेनेना बेरा एतेन ईसु परचारे जोटोः कथाय बुहड़ी लअय, “चि मन रुवाड़ेपे; चितानतआचि सिरमा रआ राइज ठँव रे वेज्‌कना!”

ईसु हाकु दाअकुइ राअ् लआ

(मरकुस 1:16–20; लुका 5:1–11; जोहन 1:35–42)

18जब ईसु गलील रआ समुदार डुरी सेनो गोन दोहोनय दो हुँनि बार बोकोया ञेल लिड्किनय मियड् सिमोन जे पतरस वाइयाकु जोटोः हुँनि रेनि बोयहा अन्द्रियास। हुकिन समुदार रे जाल गिडी ञेल लिड्किनय। चितानतआचि हुकिन केंवटाकिन दोहोलेना। 19जोटोः ईसु हुकिन कथावा लअय, “इञः तयोम एला, अबन होड़ रेनकु केंवटा बनाव बनाइञ।” 20हुकिन झटहेले अपन जाल बय केते हुँनि तयोम सेनोः यनाकिन।

21फिन ईसु होंडे एतेन मड़ाङ सेनलेनय दो हुँनि बार बोयहा जबदी होपोन जाकुब जोटोः हुँनि बोकोते जोहन, अपात् तेकिन सुधा डोंगा रे जाल सुढरावे ञेल लिड्किनय जोटोः हुकिन हों राअ् लिड्किनय। 22हुकिन झटहेले डोंगा जोटोः बबा तकीन बयअटु केते हुँनि रआ तयोम सेनोः यनाकिन।

ईसु जंडिरा लेनकु नपाय लिड्कुअय

(लुका 6:17–19)

23 # मती 9:35; मर 1:39 ईसु गोटा गलील देस रआ जहुदीकु बिनती ओड़ाः रे सिछा एम यते दोहोनय, सिरमा राइज रआ बढ़ियाँ दुखमा परचार इञोः लअय, जोटोः होड़कु रआ गोटा लेकन जंडिरा जोटोः कमजोड़ी नपाय यते दोहोनय। 24हुँनि रआ ञुमुन गोटा सीरिया देस रे फयलावयना। जोटोः होड़कु जंडिरा लेनकु, जे कइक रकम जंडिरा जोटोः कसाट लेनकु, जोटोः जेकर एडे मुवाँ आतमा दोहोलेना, जोटोः मिर्गी अवला, अपङ अवला, हुँनि ठँवरे अगु लिड्कुआकु। जोटोः ईसु हुँकू नपाय लिड्कुअय। 25जोटोः गलील देस, दिकापुलिस, जेरुसलेम जोटोः जहुदिया एतेन जोटोः जरदन नाय होनहोंर एतेन होड़कु रआ अगम भीड़ वेज् कोते हुँनि तयोम सेन लआकु।

Currently Selected:

मती 4: BIX

Highlight

Copy

Compare