मरकुस 1

बतिसमा एमी जोहन रआ सीछा

(मती 3:1–12; लुका 3:1–18; जोहन 1:19–28)

1परमेसर रेनि होपोन ईसु मसी#1:1 मसी मसी रआ माने परमेसर दोवसते राजा पड़ियोः तआ रींबड़ लेदि होड़ बारे बढ़ियाँ दुखमा रआ बुहड़ी, 2#मला 3:1नोआँ नोंका बुहड़ी लेना जे लेका परमेसर पड़ा एतेन दुखमाय अवला जसायाह रआ बाही रे ओल लआ इदानआँ,

“परमेसर कथालअय, ‘ञेलेपे! इञः रआ खभाइर एम अवला आपे रआ मड़ाङ रेञ बिदाया,

हुँनि आपे तआ होरा तेयारेअय।’

3 # जसा 40:3 टोंगरी रे ह-हकावी रआ घोल अयुमोना,

‘परभु तआ होरा तेयारेपे जोटोः,

हुँनि तआ संडक सोजेपे।’”

4जोहन टोंगरी रे वेज्‌नय हेनते हुँनि होंडे बतिसमा एम जोटोः परचार यते दोहोनय चि “आपे अपन पाप एतेन मन रुवाड़ केते बतिसमा अँगावेपे जेकर से परमेसर आपे रआ पाप माफियय।” 5गोटा जहुदिया देस जोटोः जेरुसलेम सहर रेनकु गोटे हुँनि ठँवरे सेन लेनाकु, हेनते हुँकू अपन-अपन पाप मनाव कोते जरदन नाय रे हुँनि एतेन बतिसमा अँगाव लआकु।

6 # 2 राजा 1:8 जोहन ऊँट उब् रआ गेन्दराः होड़हड् घती कोते मयाँङ रे छेवड़ा रआ कसनार तोल बराग यते दोहोनय, हुँनि सरहा फफा हेनते होरोमसु रास जोम यते दोहोनय। 7हुँनि नोंका परचार यते दोहोनय, “जे इञः तयोम वेजोः अवलाया हुँनि इञः एतेन अगम सवाँगियाअय इञः हुँनि रआ खड़पा रआ तोनोल रड़ाय लायक हों कुनीञा। 8इञः दो दाअ् ते बतिसमा ओवा लेड्पेअइञ, हुँनि आपे पबितर आतमा रआ बतिसमा ओवापेअय।”

ईसु रआ बतिसमा जोटोः परखाव

(मती 3:13—4:11; लुका 3:21,22; 4:1–13)

9होना बेरा ईसु गलील देस रआ नासरत एतेन वेज् कोते जरदन नाय रे जोहन एतेन बतिसमा अँगाव तआ वेज्‌लेनय। 10हेनते ईसु दाअ् एतेन उडुङनय दो झटहेले सिरमा जिजोः जोटोः अनेज् तेङरे पेरवाँ रुप रे परमेसर रआ आतमा अड़गुयोः ञेल लअय, 11#अँगन 22:2; सिरिञ 2:7; जसा 42:1; मती 3:17; 12:18; मर 9:7; लुका 3:22जोटोः सिरमा रे नोंका सबद लेना, “अमः इञः रेनमी दुलार होपोन हके, अमः सुधा खुस इदानिञा।”

12हिना एतेन परमेसर रआ आतमा झटहेले हुँनि टोंगरी पड़ा सेन तआ अगुवाइ लिदियय, 13होंडे सयतान हुँनि चलीस रोज परखाव लिदियय; होंडे जनावरकु हों दोहोयोन दोहोलेनाकु, सिरमा दुत होंडे हुँनि रआ सेवा-सुसार पुरा लआकु।

ईसु रआ सेवा बुहड़ी

(मती 4:12–17; लुका 4:14–15)

14जोहन जेहेल लीदियाकु तयोम, ईसु गलील देस रे वेज् कनते परमेसर रआ बढ़ियाँ दुखमा होड़कुइ परचारवा लआ। 15#मती 3:2हुँनि कथालअय, “बेरा पुरावना, परमेसर रआ राइज हेनड् यना, पाप एतेन मन रुवाड़ेपे हेनते बढ़ियाँ दुखमा रे सारीयोपे!”

ईसु हकु बझाव कुइ राअ् लआ

(मती 4:18–22; लुका 5:1–11)

16ईसु गलील रआ समुदार डुरी सेनो गोन दोहोनय घनी, केंवटा#1:16 केंवटा हकु सब् वला होड़ किन सिमोन जोटोः बोयहाते अन्द्रियास डहा रे जाल गिडी ञेल लिड्किनय; चितानतआचि हुकिन केंवटाकिन दोहोलेना। 17जोटोः ईसु हुकिन कथावा लिड्किनय, “इञः तयोम एला, अबन होड़ रेनकु केंवटा बनाव बनाइञ।” 18हुकिन झटहेले अपन जाल बय केते हुँनि तयोम सेनोः यनाकिन।

19फिन मड़ाङ सेनलेनय दो जबदी होपोन जाकुब जोटोः हुँनि रेनि बोयहाते जोहन, डोंगा तेङरे जाल सुढरावे ञेल लिड्किनय। 20हुकिन हों झटहेले राअ् लिड्किनय, जोटोः हुकिन बनहियारकु तुली बबा तकीन जबदी, डोंगा रे बयअटु केते हुँनि रआ तयोम सेनोः यनाकिन।

मुवाँ आतमा ते जकड़ाव लेनी रआ नपायोः

(लुका 4:31–37)

21जोटोः ईसु हेनते चेलाते कफरनहूम सेंड़ा डीही रे सेन लेनाकु, हेनते हुँनि झटहेले हेनड् रुड़ुयोः हिला#1:21 रुड़ुयोः हिला जहुदीकु हपता रआ अखरी हिला जे हुँकू सथावओकु बिनती ओड़ाः रे सेन कोते सि-सिखाव बुहड़ी केदय। 22#मती 7:28,29होड़कु हुँनि रआ बढ़ियाँ दुखमा तिकु छकरीत यना, चितानतआचि हुँनि अधिकारीकु लेका कोवन बकिन सेंड़ा हकिम लेकाय सिखाव यतकु दोहोलेनय। 23हिना बेरा बिनती ओड़ाः रे मियड् होड़ दोहोलेनय जेकर एडे छुत आतमा दोहोलेना हुँनि अगम जोड़ते किड़राव केते कथालअय, 24“ओय नासरत रेनि ईसु, आले तुली अमः रआ चितान काम? चिताना आले नास तअम वेज्‌तना? अमः ओके हके ठुवा यतमिअइञ? अमः परमेसर रेनि पबितर होड़!” 25ईसु डपटाव केते मुवाँ आतमा कथावा लिदिया, “मटियावओमी, हेनते मुनी एतेन उडुङोमी!” 26तब छुत आतमा किड़राव नय हेनते हुँनि होड़ पटकाव केते हुँनि एतेन उडुङ यनय। 27होंडे गोटेकु छकरीत यना तब अकु-अकु रेकु दुखमा लेना, “नोआँ चिलकान दुखमा हके? नोआँ दो नवाँ उपनीत हके? हुँनि हाक ते कथायय, छुत आतमाकु हों हुकुम वाकुअय, हुँकू हुँनि रआ हुकुम अयुमेअकु।” 28ईसु रआ खभाइर गलील देस रआ गोटा पहटा अगम झटहेले ठुवा केदाकु।

अगम भारी जंडिरा लेनकु रआ नपायोः

(मती 8:14–17; लुका 4:38–41)

29हुँकू बिनती ओड़ाः एतेन उडुङ कनते, जाकुब हेनते जोहन तुली सोझे सिमोन, अन्द्रियास ओड़ाः सेन लेनाकु। 30सिमोन हनहँरते जंडिरा ते गितिग् दोहोनय हेनते झटहेले हुँनि रआ बारे ईसु कथावा लआकु। 31ईसु हुँनि ठँव रे सेन कनते अती सब् केते बिरीड् लिदियय हुँनि रआ जंडिरा ञीरयना हेनते हुँनि हुँकूइ सेवा-सुसार लआ।

32अयुब् बेरा बोंगा हसुरोः घनी, गोटे जंडिरा लेनकु हेनते मुवाँ आतमा ते झपाव लेनकु हुँनि ठँवरे अगु लिड्कुआकु। 33गोटा कफरनहूम सेंड़ा डीही रेनकु दुवार रआ राच रे जवार यनाकु। 34ईसु कइक जंडिरा लेनकुइ नपाय लआ, हुँनि अगम होड़ मुवाँ आतमा ते झपाव लेनकुइ नपाय लआ, हुँनि मुवाँ आतमा दुखमायोः तआ मना लिड्कुअय, चितानतआचि हुँकू ठुवा कीदियाकु चि हुँनि ओके हके।

सुनसन ठँव रे ईसु रआ बिनतीयोः

(लुका 4:42–44)

35भीनसरा मरसालोः एतेन पहिल, हुँनि बिरीड् कनते ओड़ाः एतेन उडुङनय हेनते झीत-झीताव ठँव रे बिनतीयोः सेनोः लेनय। 36सिमोन हेनते गतिकु ते हुँनि ञम सेनोः लेनाकू। 37ञम केते कथावा लेदियाकु, “गोटे अमाःकु ञमयना।” 38हुँनि हुँकूइ कथा रुवड़वा लआ, “एला अबुन ठँव-ठँव रआ डीही रे सेनाबुन, इञः होंडे होंञ परचारेए, चितानतआचि इञः निआँ तआ नोंडेञ वेज्‌तना।” 39#मती 4:23; 9:35हिनाते गोटा गलील देस रेनकु रआ बिनती ओड़ाः रे सेन-सेन ते परचार इञोः लअय, हेनते मुवाँ आतमा कुइ उडुङ लआ।

छेवड़ा रोग लेनी होड़ रआ नपायोः

(मती 8:1–4; लुका 5:12–16)

40छेवड़ा रोग लेनी मियड् होड़ ईसु ठँव रे वेज्‌लेनय, गोहराव लेनय, “ओय परभु अगर अमः चहाव ओनाम दो इञः सुध कराव सकाविञम#1:40 युनानी भाखा रे सुध मेनकेते ओल तड्आ, चितानतआचि जहुदी समाज रे छेवड़ा रोग रेनि होड़ परमेसर रआ बिनती तआ छुत मनावओन दोहोनाकु ।” 41ईसु हुँनि सोगववा केते, अती ते छुवाँव केते कथालअय, “इञः चहाव ओनाइञ, अमः सुध योमी।” 42हेनते झटहेले हुँनि छेवड़ा रोग एतेन सुध यनाय, 43-44#लेबी 14:1–32ईसु हुँनि चेताव केते झटहेले बिदा लिदियय, “अयुमेमी! ओके एडे हों चितानहों अलोम कथाके, बकिन सेन कोते पुरोहित एडे एर ञेलोःमी, सुधोः रआ बारे जे लेका मुसा नियम बनाव तड्अय हेंका भेंट रकाबेमी, ताकि होड़कु तआ गोवाही ठहरावओ चि अमः नपाय यानम।” 45बकिन हुँनि होंडे एतेन उडुङ कनते जे हुँनि सुधा होयव दोहोना होना गोटाते परचार केदय, हिना चलते ईसु मियड् डीही रे हों खुलाम-खुला काय सेन बुजालेना, हेनते हुँनि सुनसन ठँव रे दोहो यनाय, बकिन होंडे हों गोटा पड़ा एतेन होड़कु हुँनि एडेकु वेज् इञोःना।

Currently Selected:

मरकुस 1: BIX

Highlight

Copy

Compare