मरकुस 2
2
अपङ लेनी नपायना
(मती 9:1–8; लुका 5:17–26)
1ईसु फिन अगम रोज कनते कफरनहूम रे वेज् नाय, हेनते हुँकू अयुम लआकु हुँनि ओड़ाः रीया। 2दो एतना जुटाव यनाकु चि दुवार रे हों ठाँव का होयवना, हेनते हुँनि परमेसर रआ बचन अयुम वाइतकु दोहोनय, 3होंडे मियड् अपङ लेनी खटी रे चारझन ते अलगाव केते अगुलिदियाकु। 4बकिन दो तुन्दरा रआ चलते हुँनि ठँव रे ककु अगु बुजा लिदिया, हिनाते हुँकू हुँनि सोज रे सड़िम उतुड़ लआकु, हेनते हुँनि खटिया सुधा अड़गु लिदियाकु। 5हुँकू रआ सारीयोः ञेल केते ईसु अपङ लेनी कथावा लअय, “बाबु पाप तम माफियना।”
6होंडे दुड़ूः लेनकु धरम पोथी सि-सिखावकु मन रे ओइहर लआकु, 7“नुई होड़ चितान तआ नोंकय कथाया नुई दो परमेसर रआ निंदा यनाय! परमेसर एतेन एटाः-ई ओके पाप माफकेए!”
8ईसु झटहेले आतमा रे ठुवा केदय चि हुँकू जे मन रे ओइहर यते दोहोनाकु ठुवा केदय, फिन हुँकूइ सोधव लआ, “आपे अपन-अपन मन रे नोंका चितान तआपे ओइहर यतेआ? 9सेबह चिताना हके, अपङ लेनी कथावइ ‘पाप तम माफियना’ चहे ‘बिरीड्मी, खटिया अलगाव केते सेन बेढ़ायमी?’ 10बकिन ठुवायापे मनवाँ होपोन रआ नोआँ ओत रे पाप माफी रआ हाक इदानआँ हेनते” अपङ लेनि कथावा लअय, 11“कथावा यतमिअइञ बिरीड्मी, हेनते खटिया अलगाव केते ओड़ाः सेनोःमी।”
12हुँनि बिरीड् नय हेनते झटहेले खटिया अलगाव केते होंडे एतेन उडुङ कनते सेन केदय, ञेल कोते गोटेकु छकरीत यना, हुँकू आले “नोंका ओका हिला हों कले ञेल दोहोलआ,” मेनकेते परमेसर रआ बड़ाइ लआकु।
ईसु तसिलदारी राअ् लअय
(मती 9:9–13; लुका 5:27–32)
13ईसु फिन उडुङ कनते गलील रआ डहा डुरी रे सेनोः लेनय, होंडे गोटे हुँनि ठँव रेकु सेनलेना, हेनते हुँकूइ सिखाव बुहड़ी लआ। 14ईसु सेसेन घनी हलफाइ होपोन लेवी, मलगुजारी अँगाव अवला ओड़ाः रे दुड़ुःगोः ञेल लिदियय, हेनते हुँनि कथावा लअय, “इञः तयोम एला” झटहेले बिरीड् कनते हुँनि तयोम सेनोः यनय।
15मुसिञ हुँनि मंडी जोम तआ लेवी रआ ओड़ाः रे दुड़ूःनय, होंडे अगम मलगुजारी अँगावकु हेनते पापी होड़कु हों, ईसु हेनते चेलाकु ताय तुली मंडी जोम तआ दुड़ूः लेनाकु, चितानतआचि अगम दोहोलेनाकु जे गोटे हुँनि तयोम सेन यते दोहोनाकु। 16थोड़ेः एकेन होड़ धरम पोथी सि-सिखावकु जे फरीसीकु#2:16 फरीसीकु फरीसी जहुदीकु धरम रेनकु मुध अगुवाकु दोहोना जे मुसा रआ नियम हेनते जहुदी धरम रआ एटाः गोटा रीति रीवाज पका मनव यते दोहोनाकु। दोहोलेना, पापी जोटोः मलगुजारी अँगावकु सुधा ईसु मंडी जोमोः ञेल लेदियाकु दो हुँनि रेनकु चेलाकु एडे कथा लआकु, “मुनि दो तसिलदारकु हेनते पापी होड़कु सुधा चितान तआ जोमोः ञुयोःयनय?”
17ईसु अयुम केते हुँकूइ कथावा लआ, “जंडिरा लेनकु तआ दवहा रआ दरकार इदानआँ, बकिन बढ़ियाकु तआ दवहा रआ दरकार कोनाआँ, इञः पापी होड़कु राअ् वेज्तनाइन धरमी होड़ तआ कोवन।”
उपासे रआ सवाल
(मती 9:14–17; लुका 5:33–39)
18जोहन रेनकु चेला जोटोः फरीसीकु उपास यते दोहोनाकु; हिनाते थोड़ेः एकेन होड़ वेज् कनते ईसु सोधव लेदियाकु “जोहन हेनते फरीसी रेनकु चेला गोटे उपासेअकु बकिन अमः रेनकु चेला चितान तआ ककु उपासेए?”
19ईसु कथा रुवाड़ लअय, जब तक “बारबाबु बरातियाकु सुधा इदानियाँ दो चितान तआकु उपासेए? हुँनि बरातियाकु सुधा इदानियाँ दो नोंका एरो होयवना। 20बकिन दराआ बेरा बारबाबु हुँकू एतेन एटागियय होना बेरा उपासेअकु।”
21“ओके हों मारी गेंदराः रे नवाँ ककु तेवानेए, चितानतआचि नवाँ गेंदराः पुठुज् कोते मारी गेंदराः जोटोः चीरा केए हेनते पहिल एतेन जोटोः बेसते चीरा कोओ। 22हिना लेका नवाँ अँगुर रास मारी छेवड़ा रआ थइलाः रे ओके हों ककु दोहोया कोवन दो ओकेकुन दोहोयते दो नवाँ अँगुर रास मारी छेवड़ा रआ थइलाः चीरा एंडायय, जोटोः अँगुर रआ रास बेकार कोओ, हिना तआ नवाँ अँगुर रास नवाँ थइलाः रे दोहोय चही।”
रुड़ुयोः हिला रेनि हों परभु
(मती 12:1–8; लुका 6:1–5)
23 #
नियम 23:25
रुड़ुयोः हिला#2:23 रुड़ुयोः हिला हपता हिला जहुदीकु सथाव ओन दोहोनाकु ईसु हेनते गोहोम ओत सोज परोमोन दोहोनय, चेलाकु ताय सेन-सेन ते गोहोम गेले होड् यते दोहोनाकु। 24हिनाते फरीसीकु ईसु कथावा लिदियाकु, “जे काम रुड़ुयोः हिला मना तड्आ, हेनेना काम अमः रेनकु चेला कराव यतेअकु, जे आले रआ नियम रे उचित कोनाआँ!”
25ईसु हुँकूइ कथा रुवड़वा लआ, “तना आपे नोंका कपे पढ़ावतना चि दाऊद जब अनेज् जोटोः हुँनि रेनकु गतिकु रंगिज् दोहोलेनाकु दो चितानय चिलका लआ? 26#लेबी 24:9#1 समु 21:1–6हुँनि परमेसर रआ ओड़ाः रे सेनलेनय जोटोः परमेसर तआ रकब् लआ रुटी जोम लअय। होनाघनी अबियातार सेंड़ा पुरोहित दोहोलेनय, होना जो-जोम पुरोहितकु छोड़ाय एटाःकु तआ उचित का दोहोना, बकिन दाऊद जोम लअय हेनते गतिकु होंय ओवा लिड्कुआ।”
27ईसु जोटोः कथालअय, “रुड़ुयोः हिला होड़ भलाइ तआ बनाव तड्आ, होड़ रुड़ुयोः हिला तआ कोवन। 28हिना तआ मनवाँ होपोन रुड़ुयोः हिला रेनि हों परभु हके।”
Currently Selected:
मरकुस 2: BIX
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
