मरकुस 10
10
बनाहोड़ बपायोः रआ बारे ईसु रआ सिछा
(मती 19:1–12; लुका 16:18)
1फिन ईसु होंडे एतेन बिरीड् कनते जहुदिया देस रआ सीमान रे जोटोः जरदन नाय होन होर सोदोरनाय, फिन होंडे अगम होड़ हुँनि ठँव रे जवार नाकु, जोटोः हुँनि पहिल लेका सि-सिखाव बुहड़ी केदय।
2तब फरीसीकु हुँनि ठँवरे वेज् कनते हुँनि परखावी तआ हुँकू नोंका सवाल लेदियाकु, “तना अपन लंञी ओका कारन ते हों बय एंडाय उचित इदानआँ?”
3हुँनि हुँकूइ दुखमा रुवाड़वा लआ, मुसा आपे तआ चितानय हुकुमवा तड्पेआ?
4 #
नियम 24:1–4; मती 5:31 हुँकू कथा लआ मुसा दो बबाय रआ चिठी ओल केते बयी रआ हुकुम कथा तड्अय।
5ईसु हुँकूइ कथावा लआ, “आपे रआ मन कठोर चलते हुँनि आपे तआ नोंका हुकुमय ओल तड्आ। 6#अँगन 1:27; 5:2बकिन सिरजाव लअय एतेन ही परमेसर नोआँ दुनियाँ बनाव लअय हेनेन बेरा एतेन हुँनि, ‘कोड़ा-कोड़ी केते बनाव लिड्किनय। 7-8#10:7–8 नोआँ धरम पोथी रआ अँगन 2:24 रे ओल लआ इदानआँ।हिना तआ मियड् मरदना अपन आया-बबा बाय केते अपन लंञी सुधा दोहोनय जोटोः हुकिन बनार मियड् गतार पड़ी योअकिन। हिनाते हुकिन बरिया कोवन मियड् होड़ो अकीन,’ जे लेका धरम पोथी कथायय। 9हिना तआ हुकिन बरिया कोवन बकिन मियड् गतार रकीन, हिना तआ जे परमेसर जुटाव तड् किना हुकिन मनवाँ अलो हिगराव किन चही।”
10ओड़ाः रे सेन कोते एसकार रे चेलाकु फिन नोआँ बारे हुँनि सोधाव लेदियाकु। 11#मती 5:32; 1 कोरि 7:10,11ईसु कथालअय, “जे ओके हों अपन लंञी बय केते एटाः-ई तुली बियाहोओय, दो सुरुरेनी रआ बिरोद रे बे-लाज कामेआय। 12अगर लंञी अपन हड़ाम बय केते एटाः-ई तुली बियाहोओ दो, हुँनि पहिल रेनि रआ बिरोद रे बे-लाज कामेआय।”
ईसु सेगोःज् कुइ आसीस लआ
(मती 19:13–15; लुका 18:15–17)
13होड़कु फिन, ईसु एडे सेंगोज्कु अगु लिड्कुआकु ताकि हुँनि हुँकू तेङ रे अती दोहो केते आसीसकु, बकिन दो चेलाकु हुँकू-कू डपोट लआ। 14ईसु हुँकू ञेल केते कयरव कोते कथालअय, “सेंगोज्कु इञः ठँव रे इकाएर वेज् वाकुपे जोटोः हुँकू अलोपे बरजावकु, चितानतआचि परमेसर रआ राइज नीकु सेगोःज् लेकनकु रआ हके। 15#मती 18:3इञः सनारी कथा यतेअइञ चि जे परमेसर रआ राइज सेगोःज् लेका ककु अपनावेए हुँनि परमेसर रआ राइज रे उकेड् तेहों एरोय परोम बेजाना।” 16जोटोः हुँनि हुँकूइ हवतिञ लिड्कुआ जोटोः हुँकू तेङ रे अती दोहो केते असिरबाद ओवा लिड्कुअय।
मोंडोल होड़ जोटोः का अन्तोः अवला जीवन
(मती 19:16–30; लुका 18:18–30)
17ईसु होंडे एतेन उडुङ कनते होरा ते सेन दोहोलअय दो मिहोंड़ हुँनि एडे दोन वेज्लेनय जोटोः हुँनि मड़ाङ रे इकड़ुम कोते हुँनि सोधाव लअय, “ओय गुरु आपे बढ़ियाँ होड़ हके का अन्तोः अवला जीवन ञम तआ चितानाइञ चिलकाआ?”
18ईसु हुँनि कथावा लअय, “अमः इञः चितान तआ मी बढ़ियाँ मेनवाइञा?” परमेसर बाय केते ओके हों अछा कोवन। 19#उठलु 20:13; नियम 5:17; उठलु 20:14; नियम 5:18; उठलु 20:15; नियम 5:19; उठलु 20:16; नियम 5:20; उठलु 20:12; नियम 5:16अमः परमेसर रआ हुकुम दोम ठुवायतेआ जे लेका ओल लआ इदानआँ, “बे-लाज काम अलो करावे, अलो लोकड़े, अलो गो-गोज्, ठक गोवाही अलो एमे, अलो छल-कपाटे, जोटोः अपन अया-बबा रआ इजातेमी।”
20हुँनि ईसु एडे कथालअय, “ओय गुरु नोआदर दो हुडिङ एतेनाइञ मनाव दरा तड्आ।”
21ईसु हुँनि धेयान ते ञेल केते दुलार लिदियय जोटोः हुँनि कथावा लिदियय, “अमः एडे मियड् दुखमा रआ कमी इदानआँ, जू अमः एडे जे इदानआँ केजा केते, रंगिज् होड़कु ओवाकुमी जोटोः अमः तआ सिरमा रे धन ञमोआँ, जोटोः इञः तयोम सेनेमी।” 22नोआँ दुखमा अयुम केते, हुँनि रआ मेड्-अहा ञुर यना, जोटोः कुहकाव कोते सेनोःयनाय चितानतआचि अगम मोंडोल होड़ दोहोलेनय।
23ईसु चावगिरदा ञेल केते अनेज् चेलाकुइ कथावा लआ, “मोंडोल होड़ तआ परमेसर रआ राइज रे परोमोः चिलका मसकीला।”
24चेलाकु ईसु रआ नोआँ दुखमा अयुम केते छकरीत लेनाकु हिनाते हुँकू जोटोः कथावा लिड्कुआ, “ओय इञः रेनकु सेंगोज्कु परमेसर रआ राइज रे परोमोः चिलका मसकीला? 25सुवा रआ फोंक रे ऊँट परोमोः सहाजा बकिन मोंडोल होड़ परमेसर रआ राइज रे परोमोः मसकीला।”
26हुँकू जोटोः अगम छकरीत कनते अकु-अकु दुखमा लेनाकु, “दो ओकेरआ पाप एतेन बंचाव होयव सकावोओ?”
27ईसु हुँकू पड़ा एकटक बोगाः केते कथालअय, “होड़कु तुली नोंका एरो होयवना बकिन दो परमेसर सुधा होयावओ चितानतआचि परमेसर तआ गोटा होयव सकावोओ।”
28पतरस ईसु एडे कथालअय ञेलेमी “आले दो गोटा बय केते अमः सुधा सेन यतेआले।”
29ईसु कथा लआ, “अमः सनारी कथावा यतमिअइञ, हुँकू गोटे जे इञः जोटोः बढ़ियाँ दुखमा तआ, अपन ओड़ाः, कोड़ा बोयहा कुड़ी बोको अया-बबाकु, सेंगोज्कु, जोटोः ओत बय एंडा तड्अय। 30जोटोः अब नोआँ बेरा साव गुना ञमोआँ अपन ओड़ाः, कोड़ा बोकोकु कुड़ी बोकोकु जोटोः अयाकु, सेंगोज्कु, ओत साथ रे सताव, जोटोः वेजोः अवला जुग रे का अन्तोः अवला जीवन ञमेआँ। 31#मती 20:16; लुका 13:30बकिन जे नहाः मड़ाङ रेकुआ हुँकू तयोमोअकु जोटोः जे नहाः तयोम रेकुआ हुँकू मड़ाङोअकु।”
अनेज् गोजोः जोटोः जिवेड्-बिरीदोः बारे ईसु रआ तीसरा आगमजानी
(मती 20:17–19; लुका 18:31–34)
32हुँकू जेरुसलेम सेनोः जुवार, होरा तिकु दोहोलेना, ईसु हुँकू रआ मड़ाङ-मड़ाङ सेन दोहोलअय, चेलाकु बोरो दोहोनाकु जोटोः जे हुँनि तयोम-तयोमकु सेन दोहोलआकु हुँकू हों बोरो दोहोनाकु, हुँनि बरहो चेलाकु एटाः रे इदी केते, हुँनि सुधा होयावोः रआ दोहोना होना घटना कथावा लिड्कुअय। 33“अयुमेपे अबुन जेरुसलेम सेनोगोनाबुन, मनवाँ होपोन धोखा ते सब् केते मुध पुरोहित जोटोः धरम पोथी सि-सिखवकु रआ अती रे हुँनि सोपावियाकु जोटोः हुँकू हुँनि गोजे तआ डन्ड एमकेते जे हुकुम अयुमवा केते गैर-जहुदीकु#10:33 गैर-जहुदीकु जे जहुदी ककु दोहोना। एडे सोपावियाकु। 34हुँनि ठठा वाइयाकु, थूः तेपेदियाकु कोड़रा तिकु हुमागिया, जोटोः गोजेयाकु, तब हुँनि पे रोज तयोम जीवेड् बिरीदोओय।”
जबदी होपोनकिन रआ बिनती
(मती 20:20–28)
35जबदी रेनकिन होपोन जाकुब जोटोः जोहन ईसु ठँव रे वेज् कनतेकिन कथा लआ, “ओय गुरु, अमः एतेन जे अलिङ कोयेआ होना ओवा लीङ।”
36“चितानबन चहावओ चि अबन तअइञ करावेए” मेनकेते हुँनि हुकिनय कथावा लआ।
37ईसु एडेकिन कथा लआ चि, “जब अमः परमेसर रआ राइज रे अपन बड़ाइ रआ सिहाँसन रे दुड़ूअम तब अलिङ मे से मिहोंड़ अमः जोमहोरे जोटोः मिहोंड़ कोंजरा होरे इकाएर दुड़ूः वालिङ।”
38 #
लुका 12:50
ईसु हुकिनय कथावा लआ, “अबन कबन ठुवावना चि चितानबन कोययना, जे दुख रआ डुभा रे ञू-ञू अवला इदानियाँ, तना ञू बेजा केएबन? जोटोः जे बतिसमा अँगावे अवला इदानियाँ होना अँगाव केएबन?”
39हुकिन उतारा लआकिन, “आँ, अलिङ ञू बेजा यालिङ!” ईसु कथालअय, “जे डुभा रे ञू-ञू इदानआँ होना ञुवे अबन, जे बतिसमा अँगाव इदानआँ होना अँगावेए बन। 40जोम-कोंजरा दु-दुड़ूः रआ हुँकू इञः रआ न लगे, बकिन परमेसर जेकर तआ तेयार तड्अय होना हिनी ओवाअय।”
41जब दस चेलाकु नोआँ अयुम लआकु दो जाकुब जोटोः जोहन कु कयरावा केदा। 42#लुका 22:25,26ईसु चेलाकु ताय अनेज् ठँवरे राअ् केते कथावा लिड्कुअय, “गैर-जहुदी रेनकु राजा पुरे रुप ते अपन होड़कु तेङ रे राइज चलावाकु। जोटोः राजाकु रेनि हकिम होड़कु तेङ रे अधिकार चलावे तआ अरावओकु। 43#मती 23:11; मर 9:35; लुका 22:26बकिन आपे एडे नोंकन कोनाआँ, जे होड़ जे सेंड़ायोः अरावओय चहावओ हुँनि गोटे रेनि धँगड़ बनावोः; 44जोटोः आपे मे से जे परधान पड़ीयोः चहावओय, हुँनि गोटे रेनि बन्धुवा पड़ीयोः। 45चितानतआचि मनवाँ होपोन अनेज् एर सेवा-सुसार तआ काय वेज् दोहोलेना, बकिन हुँनि से-सेवा रे जोटोः अगम छडावकु रआ दाम रुप रे अपन जीवि एम तआ वेज् दोहोलेनय।”
मियड् अन्धरा लेनी ञे-ञेल लेना
(मती 20:29–34; लुका 18:34–43)
46हिना तयोम हुँकू जरीहो रेकु सोदोरना, ईसु तुली होंडे एतेन चेलाकु जोटोः भीड़ होड़ उडुङोओन दोहोनाकु घनी, तब मियड् तिमाइ होपोन अन्धरा बरतीमाई संडक डुरी रे दुड़ूः दोहोनय। 47हुँनि नासरत रेनि ईसु हके मेनकेते अयुम लअय, जोटोः हकाव-हकाव ते कथालअय, “ओय दाऊद रेनि बंसज ईसु, इञः मयाँ वञमी।”
48हुँनि मटियावोः तआ अगम डपटाव लेदियाकु बकिन जोटोः हकाव लअय, “ओय दाऊद रेनि बंसज इञः तआ मया योमी!”
49ईसु हुँनि अयुम केते तींगु लेनय जोटोः कथालअय, “हुँनि इञः एडे अगुइपे।”
होड़कु हुँनि अन्धरा एडे सेन कोते कथा लआकु, “डीढेमी बिरीड्मी! हुँनि राअ् यातमिअँय।”
50गेंदराः गिडी केते तुरात बिरीड् कनते ईसु ठँव रे वेज्नय।
51ईसु हुँनि कथावा लअय, “अमः चितानम चहावओना चि अमः तअइञ करावेए?”
अन्धरा हुँनि कथावा लअय, “ओय गुरु, इञः फिन ञे-ञेलइञ अरावओना।”
52ईसु कथालअय “सेनोःमी” “अमः रआ सारीयोः ते अमः नपाय यनाम,” तब अन्धरा झटहेले ञे-ञेल सुरु केदय जोटोः हुँनि सुधा होरा ते सेनोः यनय।
Currently Selected:
मरकुस 10: BIX
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
