मरकुस 16

ईसु रआ जीवेड् बिरीदोः

(मती 28:1–8; लुका 24:1–12; जोहन 20:1–10)

1रुड़ुयोः हिला बिताव न दो मगदाला रेनि मरियम जोटोः जाकुब रेनि एंगाते मरियम जोटोः सलोमी, सोहों सुनुम किरिञ लआकु ताकि सेन कोते ईसु रआ लास रे ओजाः गेअकु। 2हपता रआ पहिल एतवार हिला ञीन्दवा रे बोंगा तुर लेनय ही चि हुँकू मरघाट रेकु सेनलेना। 3हेनते अकु-अकु दुखमायोन दोहोनाकु चि, “मरघाट रआ दुवार एतेन अबुन तआ टुकु ओके गुटी ओचोः वाबुना?” 4जब हुँकू मड़ाङ ञेल लआकू दो टुकु गुटी ओचोः तना होना अगम सेंड़ा दोहोना। 5ईसु रआ मरघाट भीतारे बोलोनाकू दो, मियड् जवान जिलिङ पुंडी गेंदराः होड़हड् लेनी जोम होरे दुड़ूः ञेल केते छकरीत यनाकु।

6हुँनि हुँकूइ कथावा लआ, “अलोपे छकरीतोः आपे कुरुस काट रे ठोकाव दोहोलिदिया नासरत रेनि ईसु पे ञमयना हुँनि नोंडे कोनीयाँ, जीवेड्-बिरीड् यनाय, ञेलेपे निआँ ठँव हके जे हुँकू हुँनिकु दोहो-दोहो लिदिया। 7#मती 26:32; मर 14:28बकिन आपे सेन कोते चेलाकु जोटोः पतरस कथावाइपे चि आपे एतेन मड़ाङ रे गलील रे सेनय, आपे एडे जे लेकाय कथा दोहोलआ आपे हुँनि होंडे ञेलेयापे।”

8-9छकरीत कनते मरघाट एतेन उडुङनकु हेनते बोर ते दोन यनाकु चितानतआचि बोर ते एकला दोहोनाकु जोटोः हुँकू ओके हों ककु सोधव लिड्कुआ, चितानतआचि बोरो दोहोनाकु।

मगदाला रेनि मरियम एडे ईसु दिसतार लेनय

(मती 28:9,10; जोहन 20:11–18)

ईसु हपता रआ पहिल एतवार हिला जीवेड् बिरीड्नय, तब पहिल दो मगदाला रेनि मरियम एडे दिसतार लेनय, जेकर एतेन ईसु सात गोटङ मुवाँ आतमा कुइ उडुङ दोहोलआ। 10हुँनि सेन कोते जे ईसु तयोम सेसेन अवला इयाम जोटोः हतास दोहोनाकु हुँकूइ कथावा लआ। 11हुँकू मरियम रआ दुखमा अयुम केते चि ईसु जीवेड्अय जोटोः हुँनि ञेल लिदियय होना ककु सारीना।

ईसु बरिया चेलाकिन एडे दिसतार लेनय

(लुका 24:13–35)

12हिनाः एतेन हुँनि, ईसु तयोम सेसेन मे से बरिया चेला जे डीही पड़ा किन सेनो गोन दोहोना हुकिन एडे एटाः तरीका रे दिसतार लेनय। 13हुकिन रुवाड़ कोते एटाःकु किन बतलाववा लआ, बकिन हुँकू हुकिन रआ दुखमा हों ककु सारीना।

गरहो गोट एडे ईसु दिसतार लेनय

(मती 28:16–20; लुका 24:36–49; जोहन 20:19–23; बिदा लिड्कु.काम 1:6–8)

14तयोम ते हुँनि मंडी जोमोः घनी गरहो झन एडे दिसतार लेनय। जोटोः ईसु हुँकू रआ का सारीयोः जोटोः मन रआ कठोर ञेल केते हुँकूइ डँटाव लिड्कुआ, चितानतआचि हुँकू, हुँकू तेङ रे ककु सारी दोहोना जे ईसु जीवेड् बिरीड्कोः तयोम ञेल लेदियाकु 15#बि.काम 1:8हेनते ईसु हुँकूइ कथावा लआ, “आपे दुनियाँ रआ गोटा देस रे सेन कोते गोटे होड़कु बढ़ियाँ दुखमा परचार वाकुपे। 16जे सारीयोओकु जोटोः बतिसमा अँगावेअकु हीकु रआ पाप एतेन बंचाव होयावओ बकिन जे काय सारीयोः हुँनि दोसीदर ठहरावओय। 17सारीयोःकु एडे नोंका चिन होयावओ, इञः रआ ञुमुन ते मुवाँ आतमाकु उडुङा, हुँकू नवाँ-नवाँ भाखा तिकु दुखमाया। 18बिञकु अलगाव कुआकु जोटोः महुर ञुवेअकु रे हों हानि एरो होयावना, हुँकू जंडिरा लेनकु एडे अती दोहोयाकु हेनते हुँकू नपाय योअकु।”

ईसु सिरमा ते अलगाव लिदियय

(लुका 24:50–53; बिदा लिड्कु.काम 1:9–11)

19 # बि.काम 1:9–11 परभु ईसु हुँकू सुधा दुखमा कन तयोम सिरमा रे अलगाव इदीया लिदियय हेनते परमेसर रआ जोम होरे दुड़ूः यनय। 20हेनते चेलाकु उडुङ कोते गोटाते परचार लआकु, हुँकू छकरीत चिन ते बचन सबित लआकु जोटोः परभु हुँकू देंगा इञोःयन दोहोनय। अमीन।

Currently Selected:

मरकुस 16: BIX

Highlight

Copy

Compare