मरकुस 15

पिलातुस ठँव रे ईसु

(मती 27:1–2,11–14; लुका 23:1–5; जोहन 18:28–38)

1अँगा ही लेना चि झटहेले मुध पुरोहितकु, धरम पोथी सि-सिखावकु, जोटोः मुध होड़कु जोटोः गोटा महासभा रेकु फयसला लआकु हिना एतेन ईसु तोल केते इदी लिदियाकु जोटोः राजपाल पिलातुस एडे जिमा लिदियाकु। 2तब पिलातुस ईसु सोधाव लअय, “तना अमः जहुदीकु रेनि राजा हके?”

ईसु उतारा एमलअय, “अमः खुद ही कथायतेअम।”

3हेनते मुध पुरोहित हुँनि एडे अगम दुखमा रआ दोस लगाव यति दोहोनाकु, 4पिलातुस फिन ईसु सोधाव लअय, ञेलेमी नुकु अमः एडे अगम दोस लगाव यनाकु, चिताना नोआँ गोटा रआ उतारा अमः एडे कोनाआँ?

5ताइयो ईसु चितानहों काय कथालआ, दो पिलातुस अगम छकरित यनाय।

ईसु गोजे रआ डन्ड

(मती 27:15–26; लुका 23:13–25; जोहन 18:39—19:16)

6रीति रआ मोताबिक पसका परब रआ मोका रे राजपाल जे लेका होड़कु चहावओन दोहोनाकु हुँकू तआ मियड् जेहेल लेनी बय यति दोहोलेनय। 7होना बेरा बरअब्बा ञुमुन मियड् होड़ बिद्रोहीकु तुली जेहेल रे दोहोलेनय, चितानतआचि हुँनि लड़ाइ-झगड़ा रे होड़कुइ गोज् दोहोलिड्कुआ। 8हेनते होड़कु पिलातुस एडे तेंञ रे सेन कोते तुन्दरा यनाकु, जोटोः आरजी लेनाकु अमः जे लेकाम कराव यदा हेंका आले तआ हों करावेमी। 9पिलातुस हुँकूइ सोधाव लआ, “चिताना इञः आपे तआ, जहुदीकु रेनि राजा बयेयाइञ?” 10चितानतआचि पिलातुस ठुवायते दोहोनय चि मुध पुरोहितकु हुँनि ईरसा ते एरसब् दोहो लिदियाकु।

11बकिन मुध पुरोहितकु तुन्दरा लेनकु होड़कु फुसलाव दोहोलिड्कुआकु हुँकू तआ बरअब्बा बये। 12नोआँ अयुम केते पिलातुस फिन हुँकूइ सोधाव लआ, “दो आपे जे जहुदीकु रेनि राजा मेंनगिआपे हुँनिञ चिलकाया?”

13दो हुँकू हकाव केते कथा लआकु, “मुनी कुरुस रे रकाबी!”

14पिलातुस हुँकूइ कथावा लआ, “चितानतआ? नुई चितानय गराह तड्आ?”

दो हुँकू जोटोः हकाव लआकू, “मुनि कुरुस रे रकाबीपे!”

15तब पिलातुस तुन्दरा होड़कु एरखुस रआते बरअब्बा बाय लअय, जोटोः ईसु कोड़राते एर हुमाः केते कुरुस रे रकाबी तआ जिमा लिदियय।

ईसु ककु बेसवा लिदिया

(मती 27:27–31; जोहन 19:2,3)

16थोड़ेः एकेन सिपाहीकु राजपाल रआ बंगला भीतरी रआ राच रे ईसु इदी लिदियाकु जोटोः गोटे पलटनकु राअ् लिड्कुआकु, 17हेनते जनुम रआ मिंडरी लेका मुकुट बनाव केते हुँनि रआ बोहोः रेकु होड़हड् लिदियाकु जोटोः राजाकु होड़हादे लेकाना कुद रंग गेंदराः होड़हड् लिदियाकु। 18जोटोः मजक उडाव तआ जोहार केते कथालअकु, “ओय जहुदीकु रेनि राजा जोहार।” 19हुँकू हुँनि, बोहोः रे ढोड़ही टेम्पा ते हुमाः यति दोहोनाकु, हुँनि एडे थूः लआकु, जोटोः इकड़ुम कोते जोहारवा लिदियाकु। 20जब हुँकू हुँनि रआ मजक केड् तयोम कुद रंग गेन्दराः तुड़ीड् केते अनेज् रआ गेंदराः होड़हड् लिदियाकु, हेनते कुरुस रे रकाबी तआ बहराते इदी लिदियाकु।

ईसु कुरुस काट रे रकाबी तआकु अरावना

(मती 27:32–44; लुका 23:26–43; जोहन 19:17–27)

21 # रोमी 16:13 कुरेन सहर रेनि सिमोन ञुमुन जे सिकन्दर जोटोः रुफुस रेनि अपाते दोहोना, हुँनि डीही पड़ा एतेन वेजोः ञेल लिदियाकु, हुँनि सिपाहीकु धमकाव केते ईसु रआ कुरुस एर गोअ् लिदियाकु। 22हेनते हुँकू, गुलगुता ञुमुन ठाँव, नोआँ रआ माने खरपोही रआ ठाँव रे ईसु इदी लेदियाकु। 23हेनते हसु कमोः वला मीर ञुमुन दवा मेसालआ अँगुर रास ओवा यतिदोहोनाकु बकिन हुँनि काय ञु लआ। 24#सिरिञ 22:18हेनते हुँकू हुँनि कुरुस रे ठोकाव लिदियाकु, जोटोः ओके तआ ञमोआँ ठुवय तआ हुँकू चुटका सजाव केते गेंदराःतय हटिञ लआकु। 25हुँनि ञिन्दवा नाव बजे कुरुस रे रकब् लिदियाकु। 26जोटोः “जहुदीकु रेनि राजा” मेनकेते दोस चिठी ओल केते हुँनि रआ तेङ होरे ठोकाव लआकु 27#जसा 53:12ईसु सुधा बरिया डकुकिन एटाः कुरुस रे रकब् लिड्किनाकु, मियड् जोम होरे जोटोः मियड् कोंजरा होरे। 28[तब धरम पोथी रआ कथा पुरा लेना चि हुँनि मुदाइकु सुधाय लेखाना।]#15:28 अती ते ओल लआ पहिल रआ पोथी रे नोआँ पद कोनाआँ

29 # सिरिञ 22:7; 109:25; मर 14:58; जोह 2:19 हेनते होरा ते से-सेन होड़कु बोहोः डोबोः-डोबोः केते हुँनि रआ निंदा कथायते दोहोलेनकु “मुनि! सेंड़ा बिनती ओड़ाः धसावी जोटोः पे रोज रे ब-बनावी, 30कुरुस एतेन अड़गु कोते अपन अप बंचावओमी।” 31मुध पुरोहितकु हों जोटोः धरम पोथी सि-सिखवकु मजक केतेकु कथा लआ, “नुई एटाःकु दो बंचाव लिड्कुअय बकिन अनेज् दो काय बंचाव ओना। 32इस्राएल रेनि राजा मसी कुरुस एतेन अड़गुयोः दो ञेल केते सारी योओले!”

जोटोः हुँनि सुधा डकुकिन कुरुस रे रकब् लिड्किनय हों ईसु रआ नींदा यति दोहोनकिन।

ईसु रआ जीवि उडुङोः

(मती 27:45–56; लुका 23:44–49; जोहन 19:28–30)

33सीञ बराह बजे एतेन तीन बजे संझिया हमाः गोटा दुनियाँ रे ञोता एंडा लेना। 34#सिरिञ 22:1तीन बजे रआ बेरा रे ईसु अगम जोड़ते इयाम केते हकाव लअय, “एलोइ-एलोइ लमा सबकतानी?” नोआँ रआ माने “ओय इञः रेनि परमेसर, ओय इञः रेनि परमेसर चितान तआ बाय किदिञाम?”

35ठँव रे तींगु लेनकु थोड़ेः एकेन होड़ नोआँ अयुम केते कथा लआकु, “ञेलेपे एलियाह हकाव यनाय!” 36#सिरिञ 69:21मिहोंड़ दोन सेन कोते रुवा लेका दाअ् सोखाव अवला ढोड़ही टेम्पा रे तोल केते जोजो अँगुर रास रे डुबाः केते चेपेजे तआ ओवा लिदियय, “जः मी घड़ी, ञेलेपे मुनि अड़गुइ तआ एलियाह वेजोअय चि कोवन।”

37तब ईसु अगम जोड़ते घोल केते जीवि अड़ाः लअय।

38 # उठलु 26:31–33 जोटोः सेंड़ा बिनती ओड़ाः रआ परदा तेञ एतेन ओतेत हमाः बार टुकरा चीरा यना। 39मी साव सिपाहीकु रेनि अगुवा जे ईसु ठँव रे तींगु दोहोलेना, हुँनि जब ईसु ञेल लिदियय चि चिलका जीवि अड़ाः लअय दो कथालअय, “सनारी नुई होड़ परमेसर रेनि होपोन दोहोनय।”

40 # लुका 8:2,3 संगिङ एतेन अगम लंञीकु ञे-ञेलयन दोहोनाकु, हुँकू मे से मगदाला रेनि मरियम, हुडिञ जाकुब, जोटोः जोसेस रेनि एंगाते मरियम जोटोः सलोमी हों दोहोलेनय। 41ईसु गलील पहटा रे दोहोलेनय दो नुकु हुँनि तयोम से-सेनयन दोहो लेनाकू, जोटोः हिनी रआ सेवा-सुसार यन दोहोनाकु; जोटोः एटाः लंञीकु हों दोहोलेनाकु जे जेरुसलेम एतेन वेज् दोहोलेनाकु।

मरघाट रे ईसु दोहोलअय

(मती 27:57–61; लुका 23:50–56; जोहन 19:38–42)

42जहुदीकु सथावोः रआ पहिल सुक हिला अयुब् जुवार, जे दिन जहुदी होड़ पबितर दिन तआकु सपड़ाव ओन दोहोना। 43हिनाते अरमतिया रे दोहोनी जोसेफ वेज्‌लेनय, जे महासभा रेनि सदस्य दोहोलेनय, जोटोः परमेसर राइज रआ होरा रआ असराय ञेल यन दोहोना, हुँनि डीड केते पिलातुस एडे सेनलेनय जोटोः ईसु रआ गोज् होड़ो कोय लअय। 44पिलातुस छकरीत लेनय चि ईसु नुमेन झटहेले गोज् यनाय, जोटोः मी साव सिपाहीकु रेनि अगुवा राअ् केते सोधाव लिदियय, “तना नुई गोज् कोते अगम डिरी यना?” 45हेनते पिलातुस सिपाहीकु रेनि अगुवा एतेन खभाइर ठुवा केते मुरदा जोसेफ एर ओवा लअय। 46तब हुँनि कफन गेंदराः किरिञ लअय जोटोः लास अड़गु केते होना मलमल कफन गेंदराः ते डबना लअय जोटोः सेरेङ रे बनाव लआ लोपाः लेका मरघाट रे दोहोलअय, जोटोः मरघाट रआ दुवार रे टुकु गुटी इदी केते सीङ केदय। 47मगदाला रेनि मरियम जोटोः जोसेस रेनि एंगाते मरियम मरघाट रे दोहो यती दोहोनय होना ञे-ञेलयन दोहोनकिन।

Currently Selected:

मरकुस 15: BIX

Highlight

Copy

Compare