मरकुस 4

बिहन बेरो-ई रआ हुडिञ गाम

(मती 13:1–9; लुका 8:4–8)

1 # लुका 5:1–3 फिन हुँनि गलील रआ सेंड़ा डहा ओत डुरी रे सि-सिखाव बुहड़ी लअय, होंडे अगम बगरा होड़कु जवार दोहोनाकु हुँनि डहा डुरी रआ डोंगा तेङ रे दुड़ूः यनाय, हेनते गोटे होड़ डहा रआ डुरी तिकु तींगुयना। 2हेनते हुँनि कथनी रे हुँकू अगम दुखमाय सिखाव लिड्कुआ। होना मे से मियड् नोंका दोहोना।

3“अयुमेपे! मुसिञ बिहन बेरोई बिहन बेर उडुङनय। 4बेरोः जुवार अधा होरा डुरी रे ञुरना, होना ओड़ेकु हलङ जोम केदाकु। 5थोड़ेः एकेन बिहन रेगड़ेज् ओत रे ञुरलेना, होंडे बगरा हास का दोहोना चलते झटहेले उमुन लेना चितानतआचि होंडे हास गडा हमाः का दोहोलेना। 6बोंगा तुरलेना दो सितोङ ते झोला यना, हेनते रेहेड् का सब् दोहोलेना चलते रोहोड़यना। 7थोड़ेः एकेन बिहन जनुम झुँड़ रे ञुरलेना, जोटोः जनुम हरा कनते होनाय दबाव केदा। 8बकिन थोड़ेः एकेन बिहन बढ़ियाँ ओत रे ञुरलेना, होना उमुन लेना हेनते हरा कनते जे लेका दुबा पड़ीना तीस गुना, साठ गुना जोटोः साव गुना पयदा होयावना।”

9अखरी रे हुँनि कथालअय अगर आपे एडे “आ-अयुम तआ लुतुर इदानआँ दो हुँकू अयुमेपे।”

हुडिञ गाम बतलावेए रआ कारन

(मती 13:10–17; लुका 8:9,10)

10भीड़ सेनोः कन तयोम हुँनि रेनकु बरहो चेलाकु जोटोः थोड़ेः एकेन होड़ जे होंडेकु दोहोलेना कइक हुडिञ गाम रआ बारे ईसु सोधव लआकु। 11ईसु कथालअय, “आपे तआ परमेसर रआ राइज रआ भेद समझावओ तआ ओवा तड्पेआ,” बकिन बहरा रेनकु तआ गोटा दुखमा हुडिञ गाम रे ही ञमोआँ मेनकेते, ईसु कथालअय। 12#जसा 6:9,10हिनाते,

“हुँकू ञेल केते हों ककु ञेल बेजाया,

जोटोः अयुम केते हों ककु अयुम समझावओ,

अगर हुँकू नोआँ दुखमा समझावओकु रेदो हुँकू पाप बाय केते परमेसर रआ ठँव रेकु वेजोः,

हेनते परमेसर हुँकू रआ पाप माफियय।”

हुडिञ गाम रआ माने

(मती 13:18–23; लुका 8:11–15)

13हुँनि हुँकूइ कथावा लआ, “आपे तना नोआँ हुडिञ गाम कपे समझावओ? दो गोटा हुडिञ गाम चिलकापे समझाव कोओ? 14बेरोई परमेसर रआ बचन बेरेअय। 15होरा डुरी अवला बिहन हुँकू होड़ हके जे बचन अयुम लआकु, दो सयतान झटहेले वेज् कोते बचन ओचोः एंडायय जे हुँकू रआ मन रे बेर दोहोलआ। 16थोड़ेः एकेन हेनका अकु जे सेरेङ तेङ रे बिहन बेरे लेका, हुँकू बचन अयुम केते झटहेले बखनाव तिकु अँगावेए। 17बकिन दो हुँकू अपन रे रेहेड् केटेज् का दोहोन चलते थोड़ेक रोज तआ दोहोनाकु, जोटोः जब बचन रआ चलते संकट जोटोः बिपाइत वेजोआ दो झटहेले डगमगाव एंडायोअकु। 18जोटोः जे जनुम झुँड़ रे बेर लआ होना नोआँ हके, जे बचन अयुमेंएकु, 19बकिन दुनियाँ रआ चिंता हेनते धनीयोः रआ हिछा हुँकू एडे समाव कोते, एटाः जीनिस रआ लोभ समाव कोते हुँकू बचन दबव एंडायाकु हेनते का जोओ योओ 20जे बढ़ियाँ ओत रे बेर लआ बिहन हुँकू निकु हके, जे बचन अयुम कोते मन रेकु दोहोया हुँकू बेर लआ एतेन तीस गुना, साठ गुना जोटोः साव गुना पयदा अगुयाकु।”

दीया रआ हुडिञ गाम

(लुका 8:16–18)

21 # मती 5:15; लुका 11:33 ईसु हुँकूइ कथावा लआ, “तना ढीबरी जब् केते मावनी रे चहे खटिया भीतार रे दोहोयाकु? तना देहड़ी तेङ रे कोवन? 22#मती 10:26; लुका 12:2जे चितानहों डबना लआ कोनाआँ, जोटोः जे डबना लआ इदानआँ होना उघाड़े, जे होना इंजोत रे अगुइ। 23अगर जेकर एडे आ-अयुम तआ लुतुर इदानआँ हुँकू अयुमेपे।”

24 # मती 7:2; लुका 6:38 हेनते हुँकूइ कथावा लआ, “धेयान ते इञः रआ दुखमा अयुमेपे, जे नाप ते आपे नापेअपे हेनेना ते आपे तआ नाप वापेआ, बदे होना एतेन हों बेसते ओवापेआ। 25#मती 13:12; 25:29; लुका 19:26जेकर एडे इदानआँ हुँनि तआ जोटोः ओवाया जोटोः जेकर एडे कोनाआँ जे हुँनि एडे थोड़ेः एकेन इदानआँ हुँनि एतेन होना हों अँगाव एंडाया।”

उमुनोः अवला बिहन रआ कथनी

26जोटोः ईसु कथालअय, “परमेसर रआ राइज नोंकाआ, ओत रे बिहन बेरोई होड़ लेकाआ। 27हुँनि ञीन्द गितिग् नय, ञीन्दवा बिरीड् नाय बेर लआ बिहन दना चिलका उमुन हराना काय ठुवालआ। 28ओत अनेज् ते बिहन उमुनय जोटोः हरायोओ गेले योओ, हिना तयोम पकराव अनाज। 29#जोवे 3:13दना पकराव यना चितानतआचि इरोः बेरा सोदोरयना हुँनि झटहेले दतरोम चलावाय।”

राय-लुटनी दना रआ हुडिञ गाम

(मती 13:31,32,34; लुका 13:18–19)

30ईसु कथालअय, “परमेसर रआ राइज” ओके सुधाइञ तुलावेए, “चितान कथनी तेञ बतलावेए 31होना राय दना लेकाआ, ओत रे बेबेर अवला गोटा बिहन एतेन हों होडिञा। 32होना बेरेआ दो गोटा साग-पत एतेन हों उसुल हरायोओ, हेंनते सेंड़ा-सेंड़ा डँड़ोआ, तला डाँड़ रआ आकास रे ओड़ेकु हों डेरा सकावोओकु।”

33हुँनि नोंका अगम हुडिञ गाम एम-एम ते हुँकू समझाव तआ बढ़ियाँ दुखमाय कथायते दोहोलेना। 34हुँनि बेगर हुडिञ गाम ते चितानहों हुँकू तआ काय कथायते दोहोलेना, बकिन हुँनि चेलाकु ताय सुधा एसकार ते दोहोयोन दोहोनय दो गोटा दुखमा रआ माने बतलाव यते दोहोनय।

बारंडो थंभाव लअय

(मती 8:23–27; लुका 8:22–25)

35जोटोः हेनेन हिला अयुब् घनी हुँनि चेलाकुइ कथावा लआ, “एला सेंड़ा डहा होनहोंर तेबुना।” 36होना एडे जोटोः डोंगा दोहोलेना, हुँकू भीड़ बय केते जे लेका ईसु दुड़ुगोन दोहोनय हेनका ही डोंगा रे संघे इदीया लेदियाकु, 37मड़ाङ रे बारंडो दाअ् बिरीड् लेना, हेनते डोंगा रे हलफा दाअ् पेरेजोन दोहोना। 38हेनते ईसु तयोम होरे तकिया केते ञीदो गोन दोहोनय, हुँनि बिरीड् लेदियाकु “ओय गुरु अमः तआ फिकीर कोनाआँ चि? आले बुराः गोनाले।”

39हुँनि बिरीड् कनते बरंडो डपटाव केते कथावा लअय, “संथोःमी!” जोटोः दाअ् कथावा लअय, “थंभाव ओमी” हेनते होना बरंडो संत यना। 40जोटोः हुँनि हुँकूइ कथावा लिड्कुआ, “आपे चितान तआ बोरो योनापे? नहाः हमाः कापे सारीयोना?”

41हेनते हुँकू मुरुक बोरो यनाकु, “हेनते अकु-अकु रे दुखमा लेनाकु, मुनि चिलकानी होड़ हके, बारंडो जोटोः समुदार दाअ् हों मुनि रआ हुकुम मनावओय!”

Currently Selected:

मरकुस 4: BIX

Highlight

Copy

Compare