मरकुस 8

ईसु चार हजार होड़कुइ खियाव लआ

(मती 15:32–39)

1होनाघनी फिन थइया होड़कु जवार लेनाकु, हेनते हुँकू एडे जो-जोम तआ चितानहों का दोहोलेना, हेनते ईसु चेलाकु अनेज् ठँव रे राअ् केते कथावा लिड्कुअय, 2“इञः नुकु थइया होड़ तेङरे सोगव वेजो गोना, चितानतआचि नुकु पे रोज एतेन इञः सुधा लगातार इदानकुआ, जोटोः नुकु एडे जो-जोम तआ चितानहों कोनाआँ। 3अगर इञः नुकु रंगिज् ते ओड़ाः बिदा यतकुअइञ दो होरा ते ही लगा कोतेकु दोहोकोओ, चितानतआचि नुमेन मे से थोड़ेः एकेन होड़ संगिङ एतेन वेज्‌तनाकु।”

4चेलाकु ईसु कथा रुवड़वा लेदियाकु, “नोआँ पहार रे नुमेन होड़ तआ रुटी ओका एतेन ले अगुया, चि जोम कोते बियोआकु?”

5ईसु चेलाकुइ सोधव लआ, “आपे एडे उकेड् गोट रुटी इदानआँ?” “सात गोट,” मेनकेते कथा लआकु।

6ईसु होड़कु ओत रे दुड़ुगोः तआ हुकुमवा लिड्कुअय, जोटोः हुँनि सात गोट रुटी अँगाव लअय, हेनते परमेसर धनियाबाद केते केचाः लअय जोटोः चेलाकुइ ओवाया लआ चि हुँकू होड़कु-कु हटिङवा, हेनते चेलाकु हटिञ लआकु। 7हुँकू एडे कटी एकेन हुडिञ हाकु हों दोहोलेनाकु; हुँकू हों परमेसर धनियाबाद कोते होड़कु मड़ाङ रे मंडावे तअय हुकुमवा लिड्कुआ। 8गोटे जोम कोते बी यनाकु, जोटोः बंचाव लेना टुकरा मे से सात गोटङ खचली रे पेरेज् केते चेलाकु अलगाव लआकु। 9होंडे चार हजार लेका होड़कु दोहोलेना; ईसु हुँकूइ बिदा लआ। 10जोटोः हुँनि झटहेले चेलाकु सुधा डोंगा रे राकब् कनते दलमनुता देस पड़ा सेनोः लेनय।

फरीसीकु ईसु एतेन सिरमा रआ चिन कोय

(मती 16:1–4)

11 # मती 12:38; लुका 11:16 फरीसीकु ईसु ठँव रे वेज् कनते रेना-टेटा दुखमा यते दोहोलेनकु, ईसु परखावी तआ सिरमा रआ मियड् चिन कोय यते दोहोनकु, 12#मती 12:39; लुका 11:29हुँनि आतमा रे उपर साँस अँगाव केते कथालअय, “तदी रेनकु होड़ सिरमा रआ चिन चितान तआ खोजेआकु? इञः अपे सनारी कथावा यतपेअइञ, तदी रेनकु होड़ तआ चितान चिन हों एरो ञमलेना।”

13हुँनि हुँकू बय केते डोंगा ठँव रे रुवाड़नय हेनते देज् कनते होनहोंर परोम लेनय।

जहुदी नेताकु रआ बिरोद रे ईसु चेतावनी एम

(मती 16:5–12)

14ईसु रेनकु चेला रुटी सब् तआ रिड़िङ केदाकु, जोटोः डोंगा रे हुँकू एडे मियड् ठउका रुटी दोहोलेना। 15#लुका 12:1हुँनि हुँकूइ चेताव केते कथालअय, “ञेलेपे फरीसीकु हेनते हेरोद रआ खमीर#8:15 खमीर - रुटी एर ओवे अवला जीनिस एतेन बंचाव कोते दोहोनपे।”

16चेलाकु अकु-अकु दुखमा लेनाकु, “ईसु नोंका हिना तआ कथा यतेअय चि अबुन एडे रुटी कोनाआँ।”

17ईसु नोआँ दुखमा ठुवा केते हुँकूइ कथावा लआ, आपे चितानतआ दुखमा योनापे चि, “आले एडे जो-जोमा कोनाआँ मेनकेते नोंका चितान तआपे फिकीर यना?, तना नहाः हमाः कपे ठुवा यतेआ जोटोः कपे समझाव ओना, तना मनतापे कठोर यना? 18#जिर 5:21; हेज 12:2; मर 4:12मेड् इदानआँ तियो कपे ञेलेआ, हेनते लुतुर इदानआँ तियो कपे अयुमेआ। तना कपे पहामेए चि। 19जब इञः पाँच हजार होड़ तआ पाँच गोटङ रुटी केचाः केते ओवा लेड्पेआईंञ, दो आपे बंचाव लेना उकेन खचली पेरेज् केतेपे अलगाव लआ?”

हुँनि कथा रुवड़वा लीदियाकु, “बराह खचली।”

20“जोटोः जब सात गोट रुटी ते चार हजार होड़कुञ खियाव लआ दो उकेन खचली पेरेज् केतेपे अलगाव लआ?” हुँनि कथा रुवड़वा लेदियाकु, “सात खचली।”

21“नहाः हमाः कपे समझाव ओना” मेनकेते हुँकूइ कथावा लआ?

बयतसयदा रे मियड् अन्धरा नपाय लअय

22हुँकू बयतसयदा रे वेज्‌लेनाकु, हेनते होड़कु मियड् अन्धरा लेनी ईसु ठँव रे अगु लेदियाकु, हेनते हुँनि एडेकु गोहराव लेना चि हुँनि छुवाँवी। 23ईसु हुँनि रआ अती सब् केते डीही एतेन बहराते इदी लिदियय, जोटोः ईसु मेड् रे थूः केते हुँनि तेङ रे अती छुवाँव लअय, जोटोः हुँनि सोधाव लअय “तना अमः चितानकुन मी ञेल यतेआ?”

24हुँनि ठँव रे बोगाः केते कथालअय, “इञः होड़कुञ ञेल यना; हुँकू काट सेन यते लेकाइञ ञेल यतकुआ।”

25हेनते ईसु फिन हुँनि रआ मेड् रे अती दोहोलअय, हेनते अन्धरा दो धेयान ते ञेल लअय हुँनि फिन ञेल बुहड़ी लअय, हेनते गोटा जीनिस सफ-सफ ञेल लअय। 26ईसु हुँनि हुकुम ओवा लिदियय, “डीही भीतार रे अलोम सेनकोः नोंका कथाकेते हुँनि ओड़ाः बिदा लिदियय।”

पतरस कथाया ईसु परमेसर पड़ा एतेन बिदा लेदी ब-बंचावी

(मती 16:13–20; लुका 9:18–21)

27ईसु जोटोः अनेज् चेलाकु कयसरिया फिलिपी रआ अस पस डीही रे सेनो गोन दोहोनाकु, होरा रे हुँनि अनेज् चेलाकुइ सोधाव लआ, “होड़कु इञः बारे चितानकु मेंनगिआ चि इञः ओके हके?”

28 # मर 6:14,15; लुका 9:7,8 हुँकू ईसु कथा रुवड़वा लेदियाकु, “थोड़ेः एकेन होड़ जोहन बतिसमा एमी” बकिन “ओके-ओके एलियाह, जोटोः ओके-ओके परमेसर पड़ा एतेन दुखमाय अवला मे से मियड् हों मेनगिआकु।”

29 # जोह 6:68,69 हुँनि हुँकूइ सोधाव लआ “बकिन आपे इञः चितानपे मेनवाइञा?”

पतरस हुँनि कथा रुवड़वा लिदियय “अमः मसी#8:29 मसी - राजा पड़ीयोः तआ परमेसर पड़ा एतेन रींबड़ लिदि जे होड़कुइ बंचावा। हके।”

30हुँनि अनेज् चेलाकु चेताव केते कथावा लिदियय चि “इञः रआ बारे नोआँ ओके एडे हों अलोपे कथाके।”

अनेज् गोजोः जोटोः जीवेड् बिरीदोः रआ बारे ईसु रआ आगमजानी

(मती 16:21–23; लुका 9:22)

31होना बेरा एतेन ईसु हुँकूइ सिखाव यतकु दोहोनय चि, “मनवाँ होपोन तआ दरकार इदानआँ अगम दुख उठावे, हुँनि मुध होड़कु जोटोः मुध पुरोहित, जोटोः धरम पोथी सि-सिखवकु हुँनि बेकमा समझाव कोते गोजेयाकु, बकिन हुँनि पे रोज तयोम जीवेड् बिरीदोओय।” 32-33हुँनि नोआँ दुखमा अछाते हुँकू एडे बतलाव लअय, तब पतरस हुँनि एटाः रे इदी कोते डपटाव लिदियय। तब हुँनि घुमराव कोते चेलाकु पड़ाय बोगाः लआ, हेनते डपोट केते कथावा लिदियय, “ओय सयतान इञः ठँव एतेन ञीरेमी” चितानतआचि अमः “परमेसर रआ दुखमा रे कोवन मनवाँ रआ दुखमा रे मन लगावेअम।”

ईसु तयोम सेने रआ माने

(मती 16:24–28; लुका 9:23–27)

34 # मती 10:38; लुका 14:27 ईसु अनेज् ठाँवरे थइया होड़कु जोटोः चेलाकु, राअ् केते हुँकूइ कथावा लआ, “जे ओके हों इञः तयोम वेजोः अरावओय, अपन-अप हवाँव केते अखरी हमाः खंद रे कुरुस गोअ् केते इञः तयोम रे वेजोः। 35#मती 10:39; लुका 17:33; जोह 12:25चितानतआचि जे अपन जीवि बंचावेए अरावओय हुँनि होनाय अदेआ, बकिन जे ओके हों इञः जोटोः बढ़ियाँ दुखमा तआ अपन जीवि अदेअय हुँनि होनय बंचावेए। 36अगर होड़ गोटा दुनियाँय ञमें, हेनते अपन जीवि गवाँव एंडाय दो, हुँनि तआ चितान फयदा? 37मनवाँ अपन जीवि बदला रे चितानय एमा? 38ईसु बे-लाज काम करावे अवला कथावा लअय जे निई पापी जोटोः सचा परमेसर रआ तयोम रे का सेसेन अवला पीढ़ी रे इञः जोटोः इञः रआ बढ़ियाँ दुखमा रे लजोअय, मनवाँ होपोन हों, अनेज् हेनते अनेज् बबा रआ जोटोः पबितर सिरमा दुतकु रआ बड़ाइ सहित वेजोअय, दो हुँकू सुधा लजोआय।”

Currently Selected:

मरकुस 8: BIX

Highlight

Copy

Compare