मरकुस 7
7
जहुदीकु रआ परमपरा बारे सवाल
(मती 15:1–9)
1ईसु ठँव रे मुसिञ फरीसीकु जोटोः थोड़ेः एकेन धरम पोथी रआ बचन सि-सिखवकु जे जेरुसलेम एतेन वेज् जवार दोहोनाकु। 2जोटोः हुँकू ईसु रेनकु थोड़ेः एकेन चेलाकु छुत अती माने जहुदीकु रआ रीति-रिवाज मोताबिक अछाते बेअबुङते रुटी जोमोः ञेल लिड्कुअय।
3(चितानतआचि फरीसी हेनते गोटे जहुदीकु, पुरखाकु रआ रीति-रिवाज रे सेन यते दोहोनाकु हिना करने जबरे अछाते ककु अबुङोः तब रे ककु जोम यते दोहोना। 4जोटोः बाजार एतेन रुवाड़ कोते जबरे ककु उमोः गोन दोहोना तब रे ककु जोमोः गोन दोहोलेना, जोटोः दुखमा इदानआँ, जे हुँकू एडे मनावे तआ ञमतना, जे लेका लोटा, डुभा हेनते तम्बा रआ बसन-बरतन मंजावेए जोटोः खटिया सुधेअकु।)
5हिनाते हुँकू फरीसी हेनते धरम पोथी सि-सिखवकु हुँनि सोधव लेदियाकु, “अमः रेनकु चेला चितान तआ पुरखाकु रआ रीति-रिवाज रे ककु सेनेआ, जोटोः बेगर अबुङ, छुत अतीते रुटी जोमेअकु?”
6 #
जसा 29:13
ईसु हुँकूइ कथावा लआ, “जसायाह दो आपे कपटीकु बारे रे ठीक अगामजानी लअय जे लेका ओल तड्आ;
“‘नुकु होड़ अहा ते दो इञः रआ इजात तिञाकु,
बकिन नुकु रआ मन इञः एतेन संगीञ रेए।
7नुकु बेकार इञः रआ अराधनायकु,
चितानतआचि मनवाँ रआ रीति-बिधि धरम सिछा हके मेनकेते सिखाव कुआकू!’” 8“चितानतआचि आपे परमेसर रआ हुकुम बाय कोते होड़ रआ रीति पे मनावाँ।”
9“आपे अपन रीति-रिवाज रआ चलते परमेसर रआ हुकुम बाय कोते होड़ रआ रीति पे मनावाँ। 10#उठलु 20:12; नियम 5:16; उठलु 21:17; लेबी 20:9समझावओ तआ मुसा कथा तड्अय चि, ‘आपे अपन अया-बबा रआ इजात दोहोयपे, अगर जे होड़ एंगा-अपा रआ निंदायय हुँनि होड़ गोजे चही।’ 11बकिन आपे होड़कु नोंकापे सिखावकुआ चि, आपे रेनकु एंगापे-अपापे आपे एतेन चितानकुन कोये रेदो आपे हुँकू कथावाकुपे चि नोआँ दो परमेसर तआ दान रकब् तड्आ। 12जोटोः आपे नोंका सिखाव केते होड़कु हुँकू रेनकु एंगात-अपातकु कापे एर सेवा वकुआ। 13नोंका रआ रीति-रिवाज जे होड़कु बनाव लआ इदानआँ मनावे तआ परमेसर रआ बचन टलावेअकु; जोटोः नोंकन-नोंकन काम होयावोः जे आपे करावेपे।”
होड़ छुतो अवला दुखमा
(मती 15:10–20)
14हुँनि अनेज् ठँव रे होड़कु राअ् केते कथालअय, “आपे गोटे इञः रआ दुखमा अयुमेपे जोटोः समझाव ओपे! 15बहरा एतेन होड़ रआ भीतारे बोलो कोते होड़कु छुतोअकु नोंका चितानहों कोनाआँ, बकिन जे होड़ रआ मन भीतार एतेन उडुङोओ, हिनाते होड़कु छुतोअकु। 16[अगर जेकर एडे अयुमे तआ लुतुर इदानआँ दो अयुमे।]” #7:16 अती ते ओल लआ पहिल रआ पोथी रे नोआँ पद कोनाआँ
17ईसु होड़ तला एतेन ओड़ाः सेनोः लेनय, चेलाकु नोआँ कथनी रआ बारे हुँनि सोधाव लेदियाकु। 18ईसु हुँकूइ कथावा लआ, “तना आपे नहाः हमाः हों नासमझ इदानपेआ? जे जीनिस बहरा एतेन मनवाँ रआ भीतारे बोलोयोओ होनाते ककु छुतोआ? 19चितानतआचि होना हुँनि रआ मन रे कोवन?, बकिन होना पोटा रे अड़गु योओ हेनते बहेरेए पड़ा एतेन उडुङोओ,” नोंका कथाकोते हुँनि गोटा जो-जोम जीनिस सुध ठहराव लअय।
20जोटोः हुँनि कथालअय, “जे मनवाँ एतेन उडुङोओ हेनेना ते होड़कु छुतोअकु। 21चितानतआचि भीतार एतेन मनेकी मनवाँ रआ मन एतेन बेकार-बेकार ओइहर, बे-लाज काम, लोकड़े, गो-गोज्, 22एटाः लंञी-मरदना ओतोंगी, लालचावोः, दुस्टता, छल, लुचा, जलन, निंदा, घमंड हेनते मुरखाई उडुङोओ। 23नोआँ गोटा बुरा दुखमा भीतार एतेन उडुङोओ हिना ही ते होड़कु छुतोआ।”
लंञी रआ सारीयोः
(मती 15:21–28)
24ईसु गलील देस बाय केते सुर देस रे अगल बगल रआ ठँव रे वेज्नय, हेनते मियड् ओड़ाः रे सेनलेनय, हुँनि रआ हिछा दोहोलेना चि ओके हों अलोकु ठुवाकी; बकिन काय उकु बुजालेना। 25झटहेले मियड् लंञी ईसु बारे अयुम कोते वेज्लेनय, हुँनि रेनि हुडिञ कुड़ी होपोन एडे छुत आतमा समाव दोहोनय, ईसु रआ जँगा ठँव रे वेज् कनते इकड़ुम कोते कथालअय, 26हुँनि लंञी जुनानी जाइत रेनि दोहोलेना जोटोः हुँनि रआ जनम सिरया देस रआ फिनिकी पहटा रे होयव दोहोना, ईसु एतेन गोहराव लेनय, इञः रेनि मइयाँ एतेन मुवाँ आतमा उडुङीमी। 27ईसु हुँनि कथावा लअय, “मड़ाङ रे सेंगोज्कु इकाएर बी वाकु, चितानतआचि सेंगोज्कु रआ रुटी इदी केते सेताकु ओवा बढ़ियाँ ना लागे।”
28हुँनि ईसु कथा रुवड़वा लिदियय, “सनारी परभु; बकिन सेता हों मचिया ओतेत रे ञुरलेना सेंगोज्कु रआ सखड़ी जोमेअय।”
29ईसु हुँनि कथावा लअय, “नोंका कथाय चलते अमः ओड़ाः सेनोः जुनोःमी, कुड़ी होपोनमी एतेन मुवाँ आतमा उडुङ यनाय।”
30हुँनि ओड़ाः रे रुवाड़ कनते खटिया तेङ रे होपोन ते ञेल लिदियय दो मुवाँ आतमा उडुङ यनाय।
ईसु बहिरा जोटोः थोथड़ा लेनी नपाय लअय
31फिन ईसु सुर देस एतेन उडुङ कनते सयदा जोटोः दस सहर अवला दिकापुलिस सोझ गलील रआ सेंड़ा डहा रे सोदोरनय। 32दो होंडे मियड् बहिरा जे थोथड़ा होड़ दोहोनय, हुँनि ठँव रे अगुकेते गोहराव लेनाकु चि अपन अती हुँनि एडे दोहो केते बिनतीवाइ। 33तब ईसु हुँनि अगम होड़ भीड़ एतेन एटाः रे इदी लिदियय, हेनते अनेज् रआ सेर-सेर हुँनि लुतुर रे जोड़ाव लअय जोटोः थूः कोते जीब छुवाँव लअय। 34जोटोः सिरमा पड़ा बोगाः केते उपर साँस लअय हेनते हुँनि कथावा लअय, “इफत्तह” माने “जिजोःमी।”
35हुँनि रआ लुतुर जीज्यना, जोटोः जीब रे दअ् लेना हों टोटाः यना, हुँनि फुटगर ते दुखमा लेनय। 36ईसु होड़कुइ चेताव लिड्कुआ चि ओके एडे हों अलोपे कथाके; बकिन जताइ हुँकू चेताव दोहो लीड्कुआ ओताइ ही जोटोः परचार केदाकु। 37हुँकू अगम छकरीत कोते कथा लआकु हुँनि जे कराव लअय अछाय कराव लआ, “बहिराकु अयुमे तआ हेनते थोथड़ाकु दुखमायोः तआ सकती ओवा कुआय।”
Currently Selected:
मरकुस 7: BIX
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
