1CO 9
9
ना अधिकारलाद उपयोग शेय्यान आंका पौलदी उदाहरण
1इंगोगोर लेका निन स्वतंत्र लेन येम? निन प्रेषित लेन येम? निन मना प्रभु येशुन सुडालेद येम? प्रभुला मीर ना मेहनतदी फळ लेर येम? 2जरी निन इंगोगोर इचांग प्रेषित लेकुन्ना, तरी निन मी इचांग प्रेषित उंडान येनटीक की मीर प्रभुला निन प्रेषित उंडान आंका शिक्का उंडार. 3यवार नाक दोष आंचतार वारकी इद्दे नाद उत्तर उंडाद: 4माक येम मी इंटल्या निलची तिनेद तागेद अधिकार लेद येम? 5इंगोगोर प्रेषितलु, प्रभुन तम्मुळ्ळु इंगा कैफाड, शेस्तार आल्ले यादाना विश्वासी शेल्यालनी वडती बनाय मतकेन, मा जताक येकेन तिरगेद माक अधिकार लेद येम? 6का फक्त नाक इंगा बर्णबानकी फनी शेशेद लेद इल्ला अधिकार उंडाद? 7स्वता खर्चता सैनिक आंका सेवा शेशेतोड इल्ला यवाड उंडाड? यवाड अंगुरदी बगीच्या आंचताड इंगा दानलोनी फळलु तिनाड? इंगा यवाड मेंढऱ्यालदी खांड राखास्ताड इंगा मेंढऱ्यालदी फाल तागाड? 8निन इ माटलु मनशी रितीलेका माटलाडतुनान येम? मोशेन नियमशास्त्र पण इद्दे शप्पाद येम? 9येनटीक की, मोशेन नियमशास्त्रला राशीनेद उंडाद की, 'मळणी शेशे यद्दुद मुती कट्टाक.' परमेश्वरकी फक्त यद्दुद चिंता उंडाद येम?#अनुवाद 25:4. 10इंगा विशेष शेशी मना इचांग आंटाड? इदी नक्की मना इचांगे राशीनेद उंडाद येनटीक की नागराशेतोड आशाता नागरायाला इंगा यवाड पेरणी शेस्ताड वाड मनाक हिस्सा शिक्के आशाता शेयाला. 11मिम जर मी इचांग आत्मिक माटा पेराशीनाम, तर माक मी तीकेल शारीरिक माटलाद कापणी शेशेद उंडाद इदी शेंगेम फेद्दाद माटा उंडाद येम? 12जर इंगोगोर मी मिंदुडदी इदी अधिकार फंचकुंटार, तर मिम विशेष शेशी इल्ला येनटीक शेयाराद? इंगा तरी मिम इ अधिकारदी उपयोग शेयालेद, पण ख्रिस्तन शुभवर्तमाननी मिम थांबाय मताराद आंका, मिम आंताच सहन शेस्ताम. 13यवार भवनलोन पवित्र वस्तुलाद सेवा शेस्तार वार भवनलोंदी वंटा तिंटार इंगा यवार वेदी मुंदार सेवा शेस्तार वार वेदी जताक भागीदार आयतार, इदी मिक यरका लेद येम? 14प्रभुड इल्ले आज्ञा इच्चीनाड की, यवार शुभवर्तमानदी घोषणा शेस्तार वार शुभवर्तमानताने जगाशार, 15पण निन दिंटल्योन यादुच अधिकारदी उपयोग शेयालेद इंगा निन इ माटलु दिनिचांग रायान की ना इचांग येमाना शेयाला यवाडाना नन्नु ना इ घमंडनोट धुराम शेशे काना निन नाद सच्ची फोयेद शिंगार समजास्तान. 16येनटीक की जरी निन शुभवर्तमानदी घोषणा शेस्तान, तरी घमंड शेशेद नाक येमीच कारण लेद येनटीक की इदी नाक शेय्याने बेक; जर निन शुभवर्तमान शप्पान, तर ना मिंदा धिक्कार उंडाद. 17येनटीक की, निन जर ना इच्छाता शुभवर्तामानदी घोषणा शेस्तान, तर नाक पगार शिक्ताद, पण ना इच्छा विरुद्धला उंटे, तरी नाक इदी जबाबदारी सोपाशी इच्चीनेद उंडाद. 18तर नाद पगार येम उंडाद? इद्दे की, निन शुभवर्तमान शप्पेताप्पुड आदी फुकट शप्पाला इंगा शुभवर्तमान अधिकारदी निन दुरुपयोग शेयाराद.
आंदारदी सेवा
19येनटीक की निन आन्नी तीकेल स्वतंत्र उंडी पण इंगा शेंगेम मंदी शिक्काला आंका निन आंदार दास आयतीन. 20निन यहुद्योर इचांग यहुदी आयतीन; निन नियमशास्त्र अधिन लेकुंटीन तरी निन नियमशास्त्र अधिन आयतीन दिनिचांग की, वारनी जक्का दावाला यवार नियमशास्त्र अधिन उंडार. 21(निन परमेश्वर नियमला बैट्या लेन, पण ख्रिस्तन नियमला अधिन उंडान) निन नियमशास्त्र अधिन उंडीनोरनी जक्का दावाला, आंका नियमशास्त्र अधिन इल्ला आयतीन. 22इंगा निन कमजोर उंडीनोरनी जक्का दावाला, आंका निन कमजोर उंडीनोर इचांग कमजोर आयतीन. निन आंता मंदी इचांग आंताच आयतीन, दिनिचांग की यल्लाना यल्ला वार दिंटल्योन वगानदी तरी तारण कावाला. 23इंगा निन इदी आंता शुभवर्तमान इचांग शेस्तान, दिनिचांग निन पण दांटल्या सहभागी कावाला.
ख्रिस्ती फारेद स्पर्धा
24स्पर्धाला फारेताप्पुड तर आंदारुच फारतार पण बक्षीस वगानके शिकताद, इदी मिक यरका लेद येम? दिनिचांग इल्ला फारना की, मिरे झिकायाला. 25स्पर्धा इचांग मेहनत शेशेतोड प्रत्येक मनशी प्रत्येक माटाला दम फट्टेतोड उंटाड. वार नाशवंत मुकुट शिक्के इचांग इल्ला शेस्तार पण मनाम अविनाशी मुकुट मिळाय मतेदेंक इल्ला शेस्ताम. 26दिनिचांग निन तर इल्ले फारतान पण व्यर्थ लेद, निन पण आल्ले गुद्दीगास लढास्तान, घालीमिंदा गुदलाडेतोन लेका लढायान. 27पण निन ना फयीक वगा खिलाडी लेका शिस्त आंचतान इंगा दानकी आदी शेशेदेंक नेरपुतान याद दानकी शेयाबेक लेकाते इल्ला कावाराद की निन इंगोगोरकी नेरपी स्वताने अयोग्य ठरायाराद.
Currently Selected:
1CO 9: WNT
Highlight
Share
Compare
Copy
Want to have your highlights saved across all your devices? Sign up or sign in