1CO 10
10
इस्राएल मंदी इतिहास मिंदकेल चेतावनी
1हे आक्का तम्मुळ्ळालाला, नाक इल्ला वाटास्ताद की मिक इदी यरका उंडाला, मना आंदार पुर्वजलु मोडाम किंदा सुरक्षित उंडीर. वार आंदार तांबडा समुद्र दाटी फोईर.#निर्गम 14:29. 2मोशेन अनुयायी रुपला वार आंदार मोडाम इंगा समुद्रला बाप्तिस्मा तिस्कुनीर. 3वार आंदार वक्काटे आत्मिक आन्नाम तिनीर. #निर्गम 16:3. 4इंगा वार वक्काटे आत्मिक नेळ तागीर येनटीक की वार-वार यंका नडशे आत्मिक खडक लोन्केल तागतुनीर इंगा आदी खडक ख्रिस्त उंड्या.#निर्गम 17:6. 5पण परमेश्वर वार दिंटल्या शेंगेम मंदी बद्दल आंनदी लेकुंड्या इंगा वारी फिनग्याल मरु भुमीला फडीन्या. 6इंगा इ माटलु मना इचांग उदाहरण आंका घडाशा, दिनिचांग की मनाम पण वार लेका वाईट माटलाद लालुच शेयाराद यल्ला वार शेशीनीर. 7वार दिंटल्योन्टोर काही मंदी मुर्तीपुजाक उंडीर आल्ला काकुंडा. पवित्र शास्त्रला राशीनेद उंडाद, “मंदी तिनेदेंक तागेदेंक किंदा कुसनीर इंगा वार मुर्तीला मुंदार नाचाशेदेंक लेशीर.” 8यल्ला वार दिंटल्या काही मंदी शेशीर आल्ला व्यभिचार मनाम यप्पुडुच शेयाराद. दानदी परिणाम इल्ला आय्या की, वगा नाळाला तेवीस हजार मंदी सच्ची फोईर.#गणना 25:1-9. 9इंगा वार दिंटल्योन्टोर काही मंदी सुशीर आल्ला मनाम ख्रिस्तद परीक्षा सुडाराद. दानदी परिणाम इल्ला आय्या की, वारकी फामुल कोरकीने इचांग सच्ची फोईर. 10कुरकुर शेयाकुंडा, यल्ला वार दिंटल्योन्टोर काही मंदी शेशीर, दानदी परिणाम इल्ला आय्या की, वार मृत्युदुत शेयता सच्ची फोईर. 11इ माटलु वार जताक दिनिचांग आय्या की मनाक उदाहरण शिक्काला आय मना चेतावनी इचांग, यवार मनाम आखरी काळला निलस्तुनाम राशेदेंक वच्चीन्या. 12दिनिचांग निन विश्वासला मजबुत नीला फडी उंडान इल्ला यवार विचार शेस्तार वाड मनाम फडाराद आंका जपायाला. 13याद मनशीक सामान्य लेद इल्ला यादुच परीक्षाला मीर फडालेद. पण परमेश्वर विश्वासयोग्य उंडाड. मी सहनशक्ती काना आतुक वाड मिद परीक्षा तिस्कुनाक फोई. पण आ परीक्षा जताक, दांटलेल बैटीक फडेद दावा पण तैयार शेशी. आंटे मिक सहन शेया दावाला.
मुर्तीपुजा विरोधला चेतावनी
14दिनिचांग, ना प्रिय मंदीलाला मुर्तीपुजाकेल धुराम फारी फोंडा. 15निन मिमलान बुध्दीमान समजाशी माटलाडतुनान. निन येम माटलाडतुनान दानदी मीरे न्याय शेयना. 16याद अंगुरदी रस मनाम प्रभुभोज आप्पुड परमेश्वरकी धन्यवाद इच्ची तागताम आदी ख्रिस्तन रक्तामदी सहभागीता उंडीनेद प्याला लेद येम? याद रोट्या मनाम इरगा मतताम आदी ख्रिस्तन शरीर सहभागीताद रोट्या लेद येम? 17इंगा मनाम शेंगेम मंदी उंडी वगाटे रोट्या तेंपी तिंटाम, दिनिचांग शेंगेम उंडी पण मनाम वगाट उंडाम, येनटीक की मनाम आंदार वगाटे रोट्याक भागीदार उंडाम. 18इंगा यवार फुट्टीनगाला इस्राएली उंडार वारनी सुडना. येम पण वेदी मिंदा अर्पण शेस्तार आदी वार तिनीगास वेदीक भागीदार आयतार. 19तर निन आंटान दानदी अर्थ येम उंडाद? मुर्तीक यक्पीचीने वस्तुद येमाना महत्व उंडाद येम? का आ मुर्तीद येमाना महत्व उंडाद? 20लेद, पण उलटा नाद आनेद अर्थ इल्ला उंडाद की, याद अर्पण परमेश्वर इचांग यहुदी लेनोर मंदी शेस्तार आदी अर्पण दैयालकी शेस्तार, परमेश्वरकी शेयार इंगा मीर दैयालकी भागीदार कावाला इल्ला नाक वाटायाद. 21मीर परमेश्वर इंगा दैयाम इल्ला रोंडु प्यालाला तागी शकायार. मीर प्रभुन मेज इंगा दैयामदी मेज इल्ला रोंडु इटलाक भागीदार आय्यी शकायार.#मत्तय 6:24. 22मनाम प्रभुनकी कोफाम येका वस्ताम येम? मनाम परमेश्वर काना सामर्थ्यशाली उंडाम येम?
आंताच परमेश्वर गौरव इचांग
23“इंगा मी दिंटल्योन्टोर काही मंदी आंटार मिम येम पण शेशेदेंक स्वतंत्र उंडाम.” पण आन्नी माटलु मंदी इचांग शिंगार लेव. “मी दिंटल्योन्टोर काही मंदी आंटार मिम येमी पण शेशेदेंक स्वतंत्र उंडाम.” पण आन्नी माटलु मंदीक सामर्थ्ययुक्त आयेदेंक मदत शेयाव. 24यवारुच स्वतादे फायदा सुडाराद तर इंगोगोरदी पण सुडाला. 25संताला याद नंजुर आम्मुतार विवेक बुद्धीता चौकशी शेयानदे आ नंजुर बद्दल यादुच प्रश्न आडगांदे तिनना. 26येनटीक की यल्ला पवित्र शास्त्र आंटाद, “पृथ्वी मिंदुडदी आंताच प्रभुनदी उंडाद.”#स्तोत्रसंहिता 24:1. 27अविश्वासी मंदी लोन्केल यवाराना मिमलान तिनेदेंक फिलस्ते इंगा मिक फोयेद उंटे तर विवेक बुद्धीता चौकशी शेयानदे यादुच प्रश्न आडगांदे मी मुंदार सदरीनेद आंता तिनना. 28पण जर यवाराना मिक शप्पीर की, “इदी नंजुर मुर्ती इचांग अर्पण शेशीनेद उंडाद,” तर विवेक बुद्धी इचांग इंगा या मनशी शप्या वान इचांग तिनाकुंडा. 29इंगा यप्पुड निन “विवेक” आंटान तर नाद आनेद अर्थ नीद विवेक लेद तर इंगोगोरदी इदी फक्त वगाट कारण उंडाद येनटीक की ना स्वतंत्र्यद इंगोगोर सदसदविवेक बुद्धीता न्याय येनटीक कावाला? 30जर निन परमेश्वरकी धन्यवाद इच्ची रोट्या तिनेदेंक सहभागी आयतान तर नन्नु दोषी येनटीक ठराय मततार येनटीक की इ माटला इचांग तर निन परमेश्वरकी धन्यवाद इस्तान. 31दिनिचांग मीर तिनना का तागना, इंगा येमाना शेस्ते आंताच परमेश्वर गौरव इचांग शेयना. 32यहुदी मंदी, यहुदी लेनोर मंदी इंगा परमेश्वर मंडळीलाक अडखळन आय्येद कारण काकुंडा. 33यल्ला निन प्रत्येक बाबतीला आंदारनी संतुष्ट शेशेद प्रयत्न शेस्तान इंगा ना इचांग येम शिंगार उंडाद इदी शेयान पण इंगोगोर इचांग शेस्तान दिनिचांग की शेंगेम मंदीद तारण कावाला.
Currently Selected:
1CO 10: WNT
Highlight
Share
Compare
Copy
Want to have your highlights saved across all your devices? Sign up or sign in