2CO 1
1
पौल तीकेल वान सेवाद स्पष्टीकरण— 1:1—7:16
पौलदी दंडाम
1निन पौल परमेश्वर इच्छाता ख्रिस्त येशुन वगा प्रेषित#1:1 प्रेषित ख्रिस्त तीकेल आंपीनोड वगा मनशी यवानकी सुवार्ता प्रसार शेशेद इंगा नेरपेद अधिकार उंडाद. उंडान, इंगा तम्मुड तीमथ्यन जताक कुडी; करिंथ शहरलोन परमेश्वर मंडळीक इंगा आंता अखया प्रांतलोन आंता परमेश्वर मंदीक इदी पत्र रास्तुनान.#1:1 पौल इ पत्रन राशा इंगा तीमथ्यड फक्त दंडामला वान जताक कुडीन्या.
2मना परमेश्वर आब्बाड इंगा प्रभु येशु ख्रिस्त तीकेल मिक कृपा इंगा शांती शिक्कुका उंडाला.
शांती इच्चेतोड परमेश्वर
3मना प्रभु येशु ख्रिस्तन परमेश्वर इंगा आब्बानकी धन्यवाद, यवाड दयाळु आब्बाड#1:3 दयाळु आब्बाड वगाट यहुदी वाक्य यादानदी अर्थ उंडाद, परमेश्वर मय्याद स्तोत्र उंडाड इंगा आन्नी प्रकारे शांती इच्चेतोड परमेश्वर उंडाड. 4वाड मना आन्नी संकटलाला मनाक शांती इस्ताड; दिनिचांग की, याद शांती मनाक परमेश्वर तीकेल शिक्कीनाद आद्दे शांतीता मनाम यवार संकटला उंडार वारकी शांती इच्ची शकायाला. 5येनटीक की ख्रिस्तय दुखलु यल्ला मना मिंदा शेंगेम वस्ताय आल्ले ख्रिस्त तीकेल मनाक शेंगेम शांती शिक्ताद. 6इंगा मा मिंदा संकटलु वस्ताय आय मिद सांत्वन इंगा तारण कावाला आंका वस्ताय; जर माक शांती शिक्ताद, आंटे इल्ला की, याद दुख मिम सहन शेस्ताम, आदी दुख सहन शेशेदेंक परमेश्वर मिक शांती इस्ताड. 7इंगा मी बद्दल माद आशा मजबुत उंडाद येनटीक की माक इदी यरका उंडाद की, यल्ला मीर दुखला भागीदार उंडार आल्ले शांतीला पण भागीदार उंडार.
दुखकेल वाचायमत्या
8हे आक्का तम्मुळ्ळालाला, मा मिंदा आशिया प्रांतला याय संकटलु वच्चीन्या दान बद्दल मिक यरका लेवाराद इल्ला माद इच्छा लेद; आदी इल्ला की, मिम मा शक्ती काना फेद्दा भोरुता दबाशीन्टीम की, मिम माद जगाशेद आशा पण इडस्काड निन्टीम. 9खरेमे माक इल्ला वाटायदु की, मिम सच्चीने फोयाम#1:9 सच्चीने फोयाम आशियाला इंगा इफिसला छळ इचांग पौलदी साव देगारदी अनुभव , पण मिम स्वता मिंदा विश्वास फेट्टाराद, तर या परमेश्वर सच्चीनोरनी लेप्ताड वान मिंदा मिम विश्वास फेट्टाला, आंका इदी आय्या. 10आ परमेश्वर मोमलान सच्चे संकटलेल इडपीच्या, वाड इप्पुड इडपीस्तुनाड इंगा वाड मोमलान दिन मुंदारकी पण इडपीच्ची, इल्ला वान बद्दल माद आशा उंडाद. 11मीर पण मा इचांग प्रार्थना शेशी माद मदत शेस्तार; आप्पुड शेंगेम मंदी मा तीकेल वार प्रार्थनाल उत्तरला परमेश्वर सुपीचीने कृपा इचांग धन्यवाद इच्यार.
पौल यात्रा योजनाला परिवर्तन
12माक घमंड शेशेद कारण, आंटे मा सद्सदविवेकबुद्धी साक्ष इस्ताद, की दुन्यामलोन ज्ञानता लेद, तर परमेश्वर कृपाता दुन्यामला इंगा विशेष मी जताक पवित्र इंगा इमानदारीता वागास्तीम. 13मा पत्रला इल्ला येमीच लेद, याद मिक वाचाया दाद लेकाते तेल्वाद इंगा नाक इल्ला आशा उंडाद की मीर आखरीक आंता तेल्चकुन्यार. 14यल्ला मीर मोमलान तेल्चकुंटीर, दिनिचांग की मना प्रभु येशुन वच्चे दिनमुला मीर मा बद्दल घमंडदी विषय आय्यार, आल्ले मिम पण मी घमंडदी विषय आय्याम.
वारदी भेट रद्द शेशेदेंक वच्या
15इंगा इद्दे विश्वास इचांग नाक इल्ला वाटास्ताद की, पहिला निन मी तीकुड दावाला, दिनिचांग की मिक वापस आशिर्वाददी फायदा शिक्काला. 16निन मासेदोनिया प्रांतकी फोयेताप्पुड मिक भेटाशेद योजना शेस्तीन इंगा मासेदोनिया शहरकेल वापस वच्चेताप्पुड मी तीकुड वच्चेद ठराय मततीन इंगा दान बाद इप्पुड नाद इच्छा उंडाद की मीर यहूदा प्रदेशकी फोयेदेंक नाद मदत शेयना. 17मीर इल्ला विचार शेस्तुन्याला की निन नाद योजना येनटीक बदलास्तीन. मिक इल्ला वाटास्ताद येम की निन नाय योजनाल इल्ले बनाय मततान? मिक इल्ला वाटास्ताद येम की निन दुन्यामलोन आ मंदी लेका उंडान यवार “हुं” आंटार पण दानदी अर्थ खरेम सुस्ते तर “लेद” उंटाद? 18पण परमेश्वर विश्वासयोग्य उंडाड; आंका माद मी जताक माटलाडेद “हुं” इंगा “लेद” इल्ला लेद. 19येनटीक की मिम, आंटे निन, सिल्वान इंगा तीमथ्यड कुडी, मी देगार यवानदी घोषणा शेस्तीम वाड परमेश्वर कोडकु येशु ख्रिस्त उंडाड. हुं इंगा लेद लेकुंड्या, पण वान दिंटल्या नेहमी हुं उंडाद. 20येनटीक की परमेश्वरी आन्नी अभिवचनलु ख्रिस्तलाने 'हुं' इल्ला उंडाय, आंका मनाम परमेश्वर गौरवला वान तीकेल 'आमेन' आंटाम. 21इप्पुड, यवाड माद अभिषेक शेशी मी जताक ख्रिस्तला मजबुत शेस्तुनाड वाड परमेश्वर उंडाड. 22यवाड मना मिंदा वान अधिकारदी शिक्का#1:22 अधिकारदी शिक्का परमेश्वर अधिकारदी वगा चिन्ह याद सुपिस्ताद की विश्वासी मंदी जताक वानदी संबंध उंडाद इंगा वार देगार सार्वकालिक जीवन उंडाद. मतीनाड इंगा मना लोना विसार आंका आदी पवित्र आत्मा इच्चीनाड याद इ माटाद खात्री उंडाद की येम इच्चेद अभिवचन वाड मनाक इच्चीनाड, आदी वाड मनाक इच्ची.
23निन परमेश्वरनी ना साक्षी बनाय मततान की निन मिक दुख इयाराद आंका निन करिंथ शहरकी वापस दालेद. 24मिम मी विश्वास मिंदा अधिकार शेस्तुनाम इल्ला लेद पण मिम मी आनंदला मी सहकारी उंडाम येनटीक की मीर विश्वासला मजबुत नीला फडीनार.
Currently Selected:
2CO 1: WNT
Highlight
Copy
Compare
Share
Want to have your highlights saved across all your devices? Sign up or sign in