1CO 16
16
यरुशलेम शहरलोन मंडळीक दान
1इप्पुड, पवित्र मंदी इचांग वर्गणी जमा शेशे बद्दल, यल्ला निन गलतीलोन मंडळीक आज्ञा इच्चीनान मीर पण आल्ले शेयना. 2मी लोन्केल प्रत्येक मनशी, वानकी शिक्कीने पगारलोन्केल, प्रत्येक हफ्ता पहिला दिनमुनाड दुडलु जमा शेशी फेटना. 3इंगा यप्पुड निन वच्यान, आप्पुड मीर स्वीकार शेशीने मंदी मिद देणगी यरुशलेम शहरकी येकेन फोवाला आंका निन वारकी पत्र आंप्यान; 4इंगा जर नाद पण फोयेद योग्य उंटे तर वार ना जताक वच्यार.
पौल यात्राद योजना
5निन मासेदोनिया प्रांतलेल फोयान आप्पुड मी तीकुड वच्यान येनटीक की मासेदोनियाकेल फोयेद नाद योजना उंडाद. 6इंगा जमास्ते तर निन मी जताक निलच्यान इंगा सलीकालाम तिशान, आंटे निन फोयान आक्काड मीर नन्नु दावाक आंच्यार. 7पण नाक रव्वा वेळ इचांग मिमलान भेटाशेद नाद इच्छा लेद येनटीक की जर प्रभुनदी इच्छा उंटे तर मी देगार काही वेळ निलवाला इल्ला निन आशा फेटतान. 8याबय दिनमुद फंडगा (पेन्टेकॉस्ट) नंताक निन इफिसला निलच्यान 9येनटीक की ना इचांग फेद्दाद इंगा सामर्थ्यशाली कवाड तेरशीनेद उंडाद इंगा इल्लोन शेंगेम मंदी उंडार यवार नाक विरोध शेस्तार.
10जर तीमथ्य वच्या तर वाड मीर देगार यरस्कुनांदे यल्ला निलची दान तीकुड लक्ष इंडा येनटीक की वाड पण ना लेकाने प्रभुनदी फनी शेस्ताड. 11दिनिचांग यवारुच वान तुच्छ मानायाकुंडा. पण वाड ना तीकुड दावाला आंकेन वान शांतीता आंपेस काडना आंटे इंगोगो विश्वासी तम्मुळ्ळा जताक वानदी वच्चेद निन दावा सुस्तुनान. 12पण तम्मुड अपुल्लोन बदल इल्ला उंडाद की, वाड इंगोगो तम्मुळ्ळा जताक मी तिकुड दावाला, इल्ला निन वानकी शेंगेम विनंती शेस्तीन पण वारदी इप्पुड वच्चेद खरेमे इच्छा लेकुंड्या पण वानकी यप्पुड वानकी वेळ शिक्की आप्पुड वाड वच्ची.
आखरी आदेश
13सावध उंडना, मी विश्वासला मजबूत निलना. धैर्यशाली कांडा. सशक्त कांडा. 14प्रत्येक माटा याद मीर शेशार आदी प्रेमता शेयना.
15इप्पुड आक्का तम्मुळ्ळालाला स्तेफन घरानाद मिक शिंगार माहिती उंडाद. वार अखया प्रांतलोन पहिला फळ उंडार; इंगा पवित्र मंदी सेवा इचांग तैयार उंटार. निन मिक विनंती शेस्तान की, 16प्रत्येक व्यक्ती यवाड इ फनीला कुडताड इंगा प्रभुन इचांग श्रम शेस्ताड मीर इल्लोन मंदी अधिन निलना. 17स्तेफन, फर्तुनात, इंगा अखायिक इर वच्चीर आंका नाक आनंद आय्या येनटीक की वार नाद आदी गरज पुर्ण शेशीर याद मीर शेशी शकायाक उंटीर. 18येनटीक की वार नाद इंगा मिद आत्मा पण प्रसन्न शेशीर. इल्लोन मंदीन मानायना.
19आशिया खंडलोन मंडळीला तीकेल मिक दंडाम. अक्वीला, प्रिस्कील्ला इंगा याद मंडळी वार इंटल्या जमा आयताद, आदी प्रभुला मिक दंडाम आंटार, 20आंदार तम्मुळ्ळु मिक दंडाम शपतार, प्रेमता शेतल्या शेय इच्ची वगामेगारकी दंडाम शेयना.
21निन, पौल स्वता ना शेयता इदी सलाम रास्तान. 22जर यवाडाना प्रभुन मिंदा प्रेम शेयाड, तर वाड शापित कावाला, “हे मा प्रभु दा” 23प्रभु येशुनदी कृपा मी जताक उंडाला! 24ख्रिस्त येशुला नाद प्रेम मी आंदार जताक उंडाला. आमेन.
Currently Selected:
1CO 16: WNT
Highlight
Copy
Compare
Share
Want to have your highlights saved across all your devices? Sign up or sign in