2CO 8
8
यरुशलेमलोन गरीबोर इचांग संकलन — 8:1—9:15
मासेदोनियाद उदारता
1हे आक्का तम्मुळ्ळालाला, मासेदोनिया प्रांतलोन मंडळीला#8:1 मासेदोनिया प्रांतलोन मंडळीला उत्तरी ग्रीस (फिलिप्पै, थेस्सलनी, बेरेआ) लोन मंडळील, यवार गरीब उंडीर तरी मोकळा मनता दान इच्चीर. लोन्टोर विश्वासी मंदी मिंदा आय्यीने परमेश्वर कृपा बद्दल मिम मिक शपताम. 2आदी इल्ला की, वारदी कठीण परीक्षा तिस्कुनेदेंक वच्या तरी पण वार शेंगेम आनंदीत उंडीर इंगा वार गरीबीला उंडीगास पण वारदी उदारता शेंगेम वाढाशा. 3येनटीक की निन साक्ष इस्तान की, वार तीकेल यंता आय्या आंता वार इच्चीर इंगा वार शक्ती काना जास्त इच्चीर. वार मोकळा मनता इच्चीर.
4वार यहूदा प्रांतलोन परमेश्वर मंदी सेवा इचांग आशिर्वादलु कुडेदेंक माक जामुक-जामुक शेंगेम विनंती शेशीर. 5इदी मा आशा काना जास्त उंड्या, पहिला वार स्वतान प्रभुनकी इच्चीर इंगा परमेश्वर इच्छाता स्वतान मा सेवा इचांग इचकाडीर. 6दिनिचांग मिम तीतकी विनंती शेस्तीम की, यल्ला वाड पहिला सुरु शेशीन्या आल्ले मी नडमा कृपाद इदी फनी पुर्ण शेशेदेंक मदत शेय्याला. 7दिनिचांग मीर आन्नी माटलाला, आंटे विश्वासला, माटलाडदेंक, ज्ञानला इंगा प्रत्येक प्रयत्नला इंगा मा मिंदुड प्रेमला वाढाशीनार, आल्ले मीर इ दान इच्चे सेवाला पण शेंगेम वाढायना.
ख्रिस्तद इच्चेद उदाहरण
8इदी निन आज्ञा आंका आनान, तर इंगोगोर आस्था मिंदकेल मिद प्रेम यंता खरेम उंडाद इदी सुशेदेंक आंटुनान. 9येनटीक की मना प्रभु येशु ख्रिस्तद कृपा मिक यरका उंडाद, वाड धनवान उंडीगास पण मी इचांग कंगाल आय फो#8:9 वाड धनवान उंडीगास पण मी इचांग कंगाल आय फो येशुड स्वर्गद गौरव इडशी मनशी रुपला दुख सहन शेशा, दिनिचांग वाड मनाक तारण इच्ची इयाला., दिनिचांग वाड कंगाल आयने इचांग मीर धनवान कावाला. 10दिन बद्दल निन नाद मत शपतान, येनटीक की इदी मी इचांग शिंगार उंडाद, मीर वगा याडाद मुंचार दान इच्चेदेंक सुरु शेशीनार, इंते लेद तर दान इच्चेद इच्छा पण शेस्तीर. 11तर इदी फनी पुर्ण शेयना, दिनिचांग की यल्ला इच्छा शेशेदेंक मीर तैयार आयतीर आल्ले मीर मी शक्तीता यंता आयताद आंता दान इच्चेद फनी पण पुर्ण शेयना. 12येनटीक की मीर जर दान इच्चेदेंक तैयार उंटे, तर परमेश्वर मिद दान मी देगार येम उंडाद दिन मिंदकेल स्वीकार शेशी, मी देगार लेद दिन मिंदकेल लेद. 13माद इल्ला इच्छा लेद की इंगोगोरकी सुकुम शिक्काला इंगा मिक दुख; पण माक तर समानता बेक. 14इ वेळला मी भरपुरी लोन्केल वारदी गरज भागायाला, दिनिचांग की यंकसार वार भरपुरी लोन्केल मिद गरज भागायाला, इल्ला समानता कावाला. 15यल्ला पवित्र शास्त्रला राशीनेद उंडाद,
“यवार शेंगेम जमा शेशीनीर, वारकी शेंगेम कालेद.
यवार रव्वा जमा शेशीनीर, वारकी कमी फडालेद.”#निर्गम 16:18.
तीतनी उत्तेजन इच्चेदेंक आंपेद
16याद कळवळा ना लोना मी इचांग उंडाद आद्दे कळवळा परमेश्वर तीत अंतकरणला येशा आंका निन परमेश्वरकी धन्यवाद इस्तान, 17येनटीक की तीत मा आव्हानदी स्वागत शेशा इल्ला लेद तर वाड शेंगेम उत्सुकताता इंगा वान स्वता इच्छाता मी तीकुड वस्तुनाड. 18इंगा मिम वान जताक वगा विश्वासी तम्मुन आंपतुनाम, यवाड सुवार्ता प्रसार शेशे वान फनी इचांग आन्नी मंडळीलाला शेंगेम महत्वपुर्ण उंडाड. 19इंते लेद, पण वानदी मंडळी लोन्टोर विश्वासी मंदी निवड शेशीनार दिनिचांग की इ दान फनीला वाड मा यंका फोवाला इंगा मिम इदी सेवा प्रभुन गौरव इचांग इंगा मदत शेशेद मा मनुद तैयारी सुपेदेंक शेस्ताम. 20मिम इ माटाला सावध उंटाम, दिनिचांग आ विश्वासी तम्मुन तीत जताक आंपतुनाम दिनिचांग की इ उदारता दान बद्दल येनटीद सेवा मिम शेस्ताम, यवारुच माक दोष इयाराद. 21माद उद्देश इदी उंडाद की याद फक्त “प्रभुन कंडलाला लेद” तर, “मनशी” कंडलाला पण योग्य उंडाद, आदी शेशेद उंडाद. 22वार जताक मिम मा इंगा वगा तम्मुन आंपीनाम. वान उत्सुकताद ओळख मिम शेंगेम माटलाला शेंगेम तुकुल शेशीनाम इंगा इप्पुड मी मिंदा वानदी शेंगेम विश्वास उंडाद आंका वाड शेंगेम उत्सुक उंडाड.
23तीत बद्दल शप्पाला तर, वाड मी दिंटल्योन्टोड वगा सहकारी इंगा सहकर्मी उंडाड, मा इंगोगा तम्मुळ्ळा बद्दल शप्पाला तर, वार ख्रिस्तक गौरव इंगा मंडळीक प्रेषित उंडार. 24दिनिचांग इ मंदीक मी प्रेमदी सबुत इंडा दिनिचांग की आन्नी मंडळीलाक इदी कमसाला इंगा यरका कावाला की माक मिद बद्दल वाटाशेद अभिमान खरेम उंडाद.
Currently Selected:
2CO 8: WNT
Highlight
Copy
Compare
Share
Want to have your highlights saved across all your devices? Sign up or sign in