Lukas 11

Jesus ma longo okukumba

(Mat. 6:9-13; 7:7-11)

1Iya Jesus hiaa li pompuka pamo ama kumbu, hiaa mana, umo owomovalongwa ve we mu heele ha tyaa: “Muhona, tu longa okukumba, ngaJohannes hiaa longa ovalongwa ve.”

2Jesus we ve heela ha tyaa: “Andaa mamu kumbu, tyen̯ii:

‘Taa, ena lyoye ngali dhilikwe.

Otjilongo tjoye ngatji ye.

3Tu pa wo ndino otjithima tjetu tjetango alihe.

4Tu ithila po odhonkali dhetu,

ngahi matu ithile po mbava lundha kunt̯e.

Hó tu twala momatyoletho.’ ”

5Jesus we ve heela ha tyaa: “Aan̯i mun̯e nguu na epanga lye ngume ya koye mokati kovit̯iku, ha tyaa: ‘Epanga lyandje, mpandje wo omingome vitatu, mena lyokutya ndji na 6omuyenda wandje ngwaa dhi mondjila ngwee ya okumbalulila po, atjaa ame hí na hime mu twiile po a lye.’ 7Iya ngwinya owomonganda ma yaka ha tyaa: ‘Hó ndjuyile, omuvelo wa ikwa, nt̯e novanwandje twa lala, híme ulu okwiimuka po ndji ku pe.’ 8Me mu heele okutya andaa nan̯i kaa imuka po e mu pe mena lyoupanga, ma imuka po mena lyokutya ma uyilwa, he mu pa mbima hala.

9“Iya otjo me mu heele okutya kumben̯i, mamu pewa; taendhen̯i, mamu mono; popithen̯i, mamu itavelwa. 10Iya omuntu auhe nguma kumbu, ma pewa; nguma taendha, ma mono; nanguma popitha, ma itavelwa. 11Omulumentu omuyumuki aan̯i, andaa omuna me mu kumbu ohi, u mu pa onyoka? 12Ne andaa me mu kumbu ei, u mu pa onge? 13Iya n̯e mbamu li ovavi, andaa mu tji i okuyandja ovipuka oviwa kovanwen̯i, unene tuu Iho owomeulu ma yandja Ombepo Ondhilikwa kumboka mbamave mu kumbu.”

Jesus naBelsebul

(Mat. 12:22-30; Mark. 3:20-27)

14 Jesus wa ta mo ondemoni ndjaa patetha omulumentu ondaka, ondemoni hiya dhi mo, omuhapopi wa uta okupopya, owingi wovantu hau kumwa. 15Iya vamo owomuwo hava tyaa: “Odhondemoni me dhi ta mo kodhonkono dhaBelsebul, omunene wodhondemoni.”#Mat. 9:34; 10:25 16Vamo ve mu lola, have mu pula etangan̯eko ndimali dhi meulu.#Mat. 12:38; 16:1; Mark. 8:11 17Iya Jesus wa li ae i omalipulo awo, ha tyaa: “Otjilongo atjihe himatji lit̯ile onki otjene, matji teka po, nonganda ndjimai lit̯ile onki oyene, mai teka po. 18Iya Satana andaa me lit̯ile onki omwene, otjilongo tje matji kala po vi? Iya me popi hinyahi mena lyokutya n̯e mamu tya odhondemoni me dhi ta mo naBelsebul. 19Iya ame andaa odhondemoni me dhi ta mo naBelsebul, ovanwen̯i mave dhi ta mo naan̯i? Iya ovanwen̯i owo mave mu koyo. 20Iya ame andaa odhondemoni me dhi ta mo kodhonkono dhaKalunga, okutya otjilongo tjaKalunga tje ya kun̯e.

21“Omulumentu nguu na odhonkono andaa wa maneke omauta e okulalela onganda ye, ovipuka vye vi li mouwa. 22Iya ndaku dhi nguu na odhonkono puye, me mu ulu odhonkono, he mu nyeka omauta e ngoka ngae liun̯ika, mbyaa pundu, he vi yandjayandja po.

23“Ngoka nguhe li pamo naame, u na onki naame, nangoka nguhama ongedha pamo naame, ma handjaneke.#Mark. 9:40

24“Ombepo ombi amai dhi mo momuntu, i endaenda momakuti muhamu na omeva okutaendha oluvedhe lwokuthuva, iya ahai lu mwene, mai tyaa: ‘Ame me tjuna monganda yandje, mumba dhile.’ 25Iya aye ya mo, mai vadha amwa kombwa, mo mwa ningwa nawa. 26Iya mai i, hai ka eta odhombepo odhonkwawo epanduvali, odhombi oku i pon̯a, hamo dhi ya okukala. Iya onkalo yomulumentu hengu pehulilo mai ka kala ombi okupon̯a oyolutenga.”

Ovanalao oowaan̯i

27Tainkolo Jesus a li ama popi ovipuka hembi, omukadhintu umo owomowingi wovantu wa popya peulu ha tyaa: “Edhimo ndyee ku tjinda, nomahini ngawa yama, e na elao.”

28Jesus wa yaka ha tyaa: “Otjatjili, ovanalao owomboka mbamava tee odhondaka dhaKalunga, wo have dhi takametha.”

Jesus ma pulwa omatangan̯eko

(Mat. 12:38-42)

29Owingi wovantu hiwe mu onganene, Jesus wa uta okupopya ha tyaa: “Ekula hendi evi mali taendha etangan̯eko, iya kaali pewa etangan̯eko limo, olyo ndyoka vala olyomuprofeti Jona.#Mat. 16:4; Mark. 8:12 30Iya ngaJona hiaa li etangan̯eko kOvanineve, nOmuna wOmuntu otjo ma ka kala etangan̯eko kekula hendi.#Jona 3:4 31Omukadhintu ohamba yokomakumbinda otjilongo mai ka imuka kout̯e, he ya mekoyo pamo novalumentu vekula hendi. Iya me ke ve pa onkali, mena lyokutya ye wa dhile kodhontyo dhouye, he ya okuteelela ounongo waSalomo, iya taa tuutuu, hengu nguu li hempa, wa pon̯a Salomo.#1 Hamb. 10:1-10; 2 Hip. 9:1-12 32Ovalumentu Ovanineve mava ka imuka kout̯e, have ya pamo nekula hendi mekoyo, have li pa onkali, mena lyokutya wo ve liteyulula keteetho lyaJona, iya hengu nguu li hempa, wa pon̯a Jona.#Jona 3:5

Eho otjiten̯i tjolutu

(Mat. 5:15; 6:22-23)

33“Kaku na tja omuntu nguu ten̯a olamba, he i twaa motjitholito ne kohi yotjihayo. Iya me i twaa kotjituliko, ovantu mbamave ya mo, opo va mone otjiten̯i.#Mat. 5:15; Mark. 4:21; Luk. 8:16 34Eho lyoye olyo li li olamba yolutu. Iya eho lyoye andaa li li nawa, olutu lwoye aluhe lu na otjiten̯i. Iya eho andaa kali li nawa, olutu lu li met̯iku. 35Iya lungama, otjiten̯i hitji li mwoove ahamatji ningi et̯iku. 36Iya olutu lwoye aluhe andaa lwe yula otjiten̯i, ahamu na tja olumbembela lumo nduu li met̯iku, lwa ninga otjiten̯i ngangumo tungatelwa kotjiten̯i tjolamba.”

Jesus ma yumaneke ovalongiveta nOvafarisai

(Mat. 23:1-36; Mark. 12:38-40)

37Tainkolo Jesus ama popi, Omufarisai umo we mu ithana va lye pamo naye. Jesus wa ya mo, ha kala pohi pokulya. 38Iya Omufarisai we kumwa hiaa mono Jesus ama li aheye likoha komawoko. 39Muhona we mu heela ha tyaa: “N̯e Ovafarisai mu koha oneka nelonga kombanda, iya mokati mwe yula enyeko nouvi. 40Vahima n̯e, ngwaa uta ovyokombanda, haye wo a uta ovyomokati? 41Iya yandjen̯i mbyoka mbivi li movimbundu vyen̯i otjali kovathona, iya avihe mavi kala avye mu kohokele.

42“Utatyei, n̯e Ovafarisai, mena lyokutya mu yandja otjityamulongo tjondundukadhe notjodhondungu notjombidhi kwalukele, iya mu yetha ouvyuuki nohole yaKalunga, hembi ovyo vya thele okuundapwa, nambyoka ahamamu vi yetha.#Lev. 27:30

43“Utatyei, n̯e Ovafarisai, himu hole kovipundi vyokomeho modhosinagoga nokupopithilwa pomalandethelo. 44Utatyei, n̯e himu ngala odhombila ndhihadhi lwetwe, ovantu va enda kombanda yadho, wo kave tji i.”

45Umo owomovalongiveta wa yaka ha tyaa: “Mulongethi, ovipuka hembi mbimo popi, mavi tu t̯itha wo ohon̯i.”

46Jesus we mu yaka ha tyaa: “Utatyei, nan̯e wo ovalongiveta, himu twika ovantu omitenge mbyaa lema, mbiva tjinda noudheu n̯e ovene kamu lolo okut̯in̯a ko omunwe nokanunu. 47Utatyei, n̯e mboka mbamu tunga odhombila dhovaprofeti, wo ava dhipawa kowoihoombwale. 48Iya nyahoka mwe lihipulula okutya mwa itavela hitja undapwa kowoihoombwale, mena lyokutya wo va dhipaa ovaprofeti, iya n̯e hamu ve tungile odhombila. 49Iya ounongo waKalunga mau tyaa: ‘Me ke ve tumina ovaprofeti novayapostoli, vamo owomuwo mave ke ve dhipaa, navamo mave ke ve taata,’ 50ekula hendi opo li pulwa ombindhi yovaprofeti avehe ndjaa tilwahi okudha keuto lyouye, 51okudha kombindhi yaAbel katee kombindhi yaSakaria, ngwaa dhipaelwa pokati kotjiyambelo notempeli. Iinga, me mu heele okutya mai ka pulwa kekula hendi.#Gen. 4:8; 2 Hip. 24:20-21

52“Utatyei, n̯e ovalongiveta, himwa punda osapi younongo, n̯e ovene kaamu hiti mo, mu tjaela mboka mbava hala okuhita mo.”

53Jesus hiaa dhi po mpoka, Ovalongiveta nOvafarisai va uta oku mu tumin̯in̯a unene noku mu pulapula ovingi 54noku mu vandela, ve tjiiwe oku mu vela odhombedhi mena lyodhondaka dhe.

Currently Selected:

Lukas 11: DBNT

Highlight

Copy