Lukas 15
15
Parumpamaan mangenai domba je niho
(Mat. 18:12-14)
1Kare Pamungut Cukai tutang dorang ulun badosa biasaah dumah nangguh Yesus akan meneh aoh Iye. 2Maka kabaratanih ulun-ulun Farisi tutang ahli Taurat, kuaiah: “Narima ulun-ulun badosa tutang kuman haya-hayak umba inde.” 3Palus Yesus ngesah parumpamaan hi akan inde. 4“Eweih ndeng antara ikoje ngina saratus kungan domba, tutang amun niho icekungan ndeng antaraah, balihi tisa jalatien puluh jalatien kungan ndeng padang baras iko tulak gao je hayang je nyamah ie supa. 5Tutang amun ie eleh supa, ie palus nanggungah jung ambu hahuiah hayak katanyaiah. 6Limbasje ie ngaya hocok ndeng pasah ie ngaho dorang injahah tutang tetangga-tetangga ie mander akan inde: hawi domba je niho eleh supadai. 7Aku mander akamu: Limbahjije jua akan tege sukacita ndeng sorga awin ice ulun badosa je batobat, labih dari pada sukacita awin jalatien puluh jalatien ulun bujur je eam merluah pertobatan.”
Parumpamaan mangenai dirham je niho
8“Yesus ngesah soal kesah beken. Kuan Yesus, jakai icebeti lunbawi ngina sapuluh kabilab duit perak tutang niho ice. Pasti ie nutang sumbu, akan gao duit je hayak hati-hati ie gao nyamah supa. 9Limbasje ie nyupaah, ie ngaho dorang injahah tutang tetangga akan dumah nangguh pasah tutang mander akan inde, dumah tutang tanya umba aku, hawin duit ku je niho jadi supadai 10Yesus manderah, Limbasje jua Allah tutang kare mahluk roh je melayani Allah akan sanang hawin ice ulun badosa je haluli guang Allah.”
Yesus bakesah mangenai icebeti apang narima anakje haluli
11Yesus manderah jua: “Tege icebeti ngina due beti anak hatue. 12Anak hatue je tabela pander umba apangah, dohop nenga akaku bagian panato warisan sahelu bara apangah matei apangah satuju nguan hal cihi tutang apangah magi panatoah ndeng antara kadue anakah je. 13Pire-pire ando limbasje, anak tambusui cihi manjual panato panuhai tutang ngalihi pasah ngaya duit bagin ai tulak nangguh negeri je kecu. Ndeng anih ie mahambur-hambur uras duit hapan mamjalani pambelum je mewah tutang eam bamoral. 14Limbasje ie ngalepah uras panatoah, terjadiih kalau je parah ndeng negeri jije, tutang segra ie manjadi miskin tutang balau. 15Jadi, limbasje ie tulak bagawi umba ulun tepun tana negeri jije. Ulun jije nyuhu ie akan mangurus kawan bawui ndeng tana. 16Awi eam mare je nenga panginai Iye puna balau, sahingga buan jeiye nenga akan bawui-bawui jije tagitai lamus akaiah. 17Palus ie manyadari keadanah, ndeng aje ie pander kepai upahan apangku je balimpah-limpah panginaiah, tapi aku ndeng ahi mate balau. 18Aku akan haluli nangguh apangku. Katika aku hasupa umbaie, aku akan umba apangku tutang mander akaiah: Apang, aku eleh badosa umba Allah tutang eleh napa sala umba-Ko. 19Aku eam patas jua ngaho aku anak apang; nguaiih aku arak icebeti upahan apang. 20Maka hikat ih ie tutang buho guang apangah. Katika ie masih kecu, apangah eleh napayah, ie lalu tagarakih ateah awin anyam asiah. Apangah je takoru palus nawan iye ngahawe nyimak iye. 21Anak jije pander, Apang, apang, aku eleh badosa umba Allah tutang nguan sala umba-Ko. Jadi, aku eam pantas iko nyewut sebagai anak-Mu. 22Tetapi apangah je mander akan palayan-palayanah: capatih ngaya ie nangguh ahi jubah je lamus, masangah akaiah tutang masangah tisin nitu tinjukah tutang sandal je lamus akan hapaiah. 23Tutang ngindu anak sapi tambun jije, nyambalihah napa pesta akan maraya hawin anaku jadi haluli. Tutang katanyai. 24Ita harus marayaah hawin anaku hi arak ulun jadi mate, tapi wayahi ie belum haluli! Ie arak ulun je niho, tapi ita eleh supa ie haluli! Jadi inde uras napara marayaah. 25Tetapi anakje tambakas ngundong ndeng tana tutang katika ie buli tutang dani nangguh pasah, ie meneh suara suling tutang nyanyian tari-tarian. 26Lalu ie ngaho icebeti palayan tutang ngisek umnbaie narai arti urasah je. 27Jawab palayan je: Aringmu eleh haluli tutang apangmu eleh nyambalih anak sapi tambun, hawin ie ngandinuah haluli hayak selamat. 28Maka geriih anak tambakas je tutang ie eam huang tame pasah Lalu, apangah balua tutang lakuie akan tame pasah. 29Tetapi ie manjawab aoh apangah, kuaiah: Eleh banyelu-nyelu aku malayani apang tutang jeham beci aku malanggar paretah apang, tetapi akaku jeham beci apang nengaah icekungan anak kambing akaku maraya umba dorang injahku. 30Tetapi haruiih dumah anakje kasayang apang je eleh ngaraus ramu panatoah apang hayak umba dorang bawije eam bamoral, maka apang nyambalih anak sapi tambun je akai. 31Kuan apangah umbaie: Anaku, iko palus haya-hayak umba Aku, tutang kakare je kutepuiah iyeje akamu. 32Ita patut tanya tutang sanang hawin aringmu eleh mate tutang belum haluli, ie eleh niho tutang tadinun haluli.”
Currently Selected:
Lukas 15: AMV
Highlight
Copy
Compare
Share
Want to have your highlights saved across all your devices? Sign up or sign in
Mahalat Bible by Beyond Translation is licensed under Creative Commons Attribution-ShareAlike 4.0 License.
