Lukas 14
14
Yesus paamat ulun je dia barigas
1Metuh andau Istirahat je kana sewut andau Sabat, ice beti pamimpin ulun Farisi ngundang Yesus akan kuman hayak umba ulun beken melai pasah e dan ulun-ulun Farisi umba ahli Taurat ngawas umba taliti akan gau-gau kasalai-E. 2Salenga ice beti hatue umba pai kembang mendeng melai baun Ie. 3Yesus bakisek umba ulun-ulun Farisi dan guru hukum Musa: “Enkah Hukum Musa nyuhu ice beti paamat ulun dia barigas metuh andau Istirahat je kana sewut andau Sabat, atau dia ie nyuhu e?” 4Tapi ise dia manimai e. Limbas je Yesus nahan lengen lun je dia barigas je dan paamat ie, pasau nyuhu ie buli. 5Limbas je Yesus bakisek umba ise: “Amun ice bara anakmu atau ice harangan balawu guang suang sumur metuh andau Istirahat je kana sewut andau Sabat, ikau harus pasau narik e balua, aluh andau je iyeje andau istirahat je arai e andau Sabat.” 6Tapi ise heam tau mbaleh pander e.
Ela nguan arepmu penting
7Metuh Yesus perhati amun pire-pire beti tamu kuman hamalem milih ukan je kana sadia akan kawan tamu tahormat, Ie ningak ise hapan tanding dan bapander: 8“Amun ikau kana undang gawin ice beti akan hadir melai ice pesta pangawin, ela ikau milih ukam munduk melai ukan je tahormat. Gawin mungkin jadi tege ulun je labih tahormat bara ikau je kana undang gawin ulun tepun pesta. 9Metuh ulun je dumah, ulun tepun pesta je ngundang ikau dan ie akan guang ikau dan bapander: ‘Laku dohop nenga ukan munduk jituh akan kawalku tuh.’ Akibat e, ikau akan keme kahawen melai taharep ulun are. Ikau harus mendeng dan munduk melai ukan je biasa ih. 10Jadi, amun ikau kana undang, munduk melai ukan melai nguwei ulun je paling dia kana hormat munduk, sapai metuh ulun je ngundang dumah, ie akan bapander umba ikau: ‘Paharikku, munduk melai baun melai ukan je labih tahormat.’ Maka ikau akan narima kahormatan melai taharep ulun are. 11Ikau harus belum kilau je, gawin satiap ulun je bausaha pagatung arep e akan kana randah gawin Tuhan, dan ulun je marandah arep e akan kana gatung gawin Tuhan.”
Ewei je harus kana undang
12Limbas je Yesus bapander umba tepun pasah je: “Amun ikau nguan panginan akan kuman betuk andau atau kuman hamalem ela tarus ngundang kawal kawalmu, kula betimmu, keluargamu, atau ulun-ulun baduit, gawin ise akan ngundang ikau haluli guang pesta se kabuat, dan umba kilau je ise akan mambaleh narai je jadi kau nguai. 13Sebalik e, satiap kali ikau nguan pesta, ngundang ih ulun-ulun je heamti duit, ise je cacat, ulun je lumpuh, dan ise je babute. 14Maka Hatalla akan mamberkat ikau, gawin ulun-ulun je dia akan mampu mbayar e. Hatalla akan mbaleh e metuh andau metuh Ie belum haluli ulun are je tutu bara papatei.”
Tanding tentang ulun-ulun je are alasan e
15Ise je kuman hayak Yesus hening Ie bapander kilau je, dan ice beti bara ise bapander umba Yesus: “Ulun je akan hadir perjamuan melai Karajaan Hatalla kana berkat gawin Hatalla.” 16Tapi, kuan Yesus umba ie: “Tege ice beti je nguan pesta hae dan ie ngundang lun are akan dumah guang pesta e. 17Metuh pesta je jadi siap akan mulai dai, ie ngutus ice beti palayan akan nyapai undangan jituh je jadi kana undang: ‘Uras e jadi siap! Takan dumah.’ 18Tapi ise uras napara, ice per ice, nenga alasan. Je pakasulak bapander umba palayan je: ‘Maaf aku, aku heam tau dumah gawin aku jadi meli kabun dan harus miar mariksa e.’ 19Ice beti hatue je beken bapander: ‘Laku dohop maaf aku. Aku heam tau dumah gawin aku harun ih meli lime pasang sapi hatue, dan aku akan miar wayah tuh akan payah enkah ise tau bagawi umba baik.’ 20Ulun katelu bapander: ‘Maaf aku. Aku heam tau hadir pesta jituh, gawin aku harun kawin ih.’ 21Palayan je haluli dan malapor akan tuan e narai je jadi ise mander, dan tepun pasah je jadi basingi tutu umba ise. Limbas je ie bapander: ‘Miar guang satiap jalan dan melai saran jalan melai kota jituh. Ngundang ih ulun-ulun je heamti duit, ise je cacat, ise je heam tau nanjung gawin lumpuh, dan ise je babute akan dumah guang pesta jituh.’ 22Limbas palayan je nguan taluh gawi e je, ie malapor akan tuan e. Ie bapander: ‘Tuan, aku jadi laku uras ulun akan dumah guang pestamu. Tapi, masih tege pire-pire kursi melai pesta tuh je kosong.’ 23Limbas je tuan je pander umba palayan e: ‘Miar guang jalan-jalan melai raya dan jalan-jalan je korik mbujuk ih ulun-ulun je melai nganih akan dumah guang pesta je. Satiap kursi melai pestaku harus taisi. 24Aku bapander umba ikau, dia ti ice betipun bara ise je jadi kana undang je akan keme panginan je jadi-Ku nyadia.’”
Kapehe akan jadi murid Yesus
(Mat. 10:37,38)
25Metuh sinde andau, are ulun je metuh nanjung umba Yesus miar manuju kota Yerusalem. Ie payah ise dan bapander, 26“Amun ice beti dumah dan huang ngayak Aku, cinta e umba-Ku harus labih hae bara cinta e umba indang dere apang e, umba sawai dan kawan anak e, Dan umba kula babuhai e. Dan malah cinta e umba arep e kabuat dia tau labih hae bara cinta e umba-Ku. Amun dia kilau je, maka ie dia tau jadi murid-Ku. 27Ewei bewei je dia nanggung salib e dan ngayak Aku, ie dia tau jadi murid-Ku. 28Amun ice beti barencana akan pendeng gedung gatung, pakasulak e ie akan munduk dan maluangkan waktu akan mamperkirakan biaya akan pendeng e sapai ie tau mamutus e enkah ie tege duit je cukup akan nyalesai pembangunan e. 29Amun dia, ie mungkin baya nyalesai pondasi e ih tapi dia akan tau nyalesai saluruh bangunan. Maka uras ulun je payah e akan natawe e. 30Ise akan bapander: ‘Ulun jituh napara pendeng gedung je gatung tapi kalepahan duit ie dia sanggup manyalesai e!’ 31Sinde jua, amun ice beti raja balua umba sapuluh ribu beti akan malawan raja beken je dumah umba due puluh ribu beti, ie akan munduk salabih helu dan mamutuskan enkah ie cukup kuat akan mangalah raja je beken. 32Amun raja je manyadari amun dia mungkin manang, maka ie akan ngirim utusan akan nyundau raja musuh sementara raja je beken umba pasukan e masih kecau akan ngisek narai je harus ita nguai mangat ita dia usah perang. 33Kilau je kia taluh je umba ikau. Masing-masing bara kame harus mamutuskan enkah kame siap akan jadi murid-Ku, gawin kame dia tau jadi murid-Ku kacuali kame lihi kare taluh je kame tepui e.”
34Limbas je Yesus bapander: “Kahing tege are kagunaan e. Tapi amun kahing je heamti rasa e dai, maka kahing je heamti gunai e. Ikau dia tau napa e jadi mangat jua. 35Kahing semacam jituh dia tau baguna dai malah akan pupuk kandang akan nyubur petak mahi heam tau, sapai ulun nganan e. Ewei bewei je huang mamaham narai je Aku mander harus hening aku umba bujur buah.”
Currently Selected:
Lukas 14: CAV
Highlight
Copy
Compare
Share
Want to have your highlights saved across all your devices? Sign up or sign in
capur açu Bible by Beyond Translation is licensed under Creative Commons Attribution-ShareAlike 4.0 License.
Lukas 14
14
Yesus paamat ulun je dia barigas
1Metuh andau Istirahat je kana sewut andau Sabat, ice beti pamimpin ulun Farisi ngundang Yesus akan kuman hayak umba ulun beken melai pasah e dan ulun-ulun Farisi umba ahli Taurat ngawas umba taliti akan gau-gau kasalai-E. 2Salenga ice beti hatue umba pai kembang mendeng melai baun Ie. 3Yesus bakisek umba ulun-ulun Farisi dan guru hukum Musa: “Enkah Hukum Musa nyuhu ice beti paamat ulun dia barigas metuh andau Istirahat je kana sewut andau Sabat, atau dia ie nyuhu e?” 4Tapi ise dia manimai e. Limbas je Yesus nahan lengen lun je dia barigas je dan paamat ie, pasau nyuhu ie buli. 5Limbas je Yesus bakisek umba ise: “Amun ice bara anakmu atau ice harangan balawu guang suang sumur metuh andau Istirahat je kana sewut andau Sabat, ikau harus pasau narik e balua, aluh andau je iyeje andau istirahat je arai e andau Sabat.” 6Tapi ise heam tau mbaleh pander e.
Ela nguan arepmu penting
7Metuh Yesus perhati amun pire-pire beti tamu kuman hamalem milih ukan je kana sadia akan kawan tamu tahormat, Ie ningak ise hapan tanding dan bapander: 8“Amun ikau kana undang gawin ice beti akan hadir melai ice pesta pangawin, ela ikau milih ukam munduk melai ukan je tahormat. Gawin mungkin jadi tege ulun je labih tahormat bara ikau je kana undang gawin ulun tepun pesta. 9Metuh ulun je dumah, ulun tepun pesta je ngundang ikau dan ie akan guang ikau dan bapander: ‘Laku dohop nenga ukan munduk jituh akan kawalku tuh.’ Akibat e, ikau akan keme kahawen melai taharep ulun are. Ikau harus mendeng dan munduk melai ukan je biasa ih. 10Jadi, amun ikau kana undang, munduk melai ukan melai nguwei ulun je paling dia kana hormat munduk, sapai metuh ulun je ngundang dumah, ie akan bapander umba ikau: ‘Paharikku, munduk melai baun melai ukan je labih tahormat.’ Maka ikau akan narima kahormatan melai taharep ulun are. 11Ikau harus belum kilau je, gawin satiap ulun je bausaha pagatung arep e akan kana randah gawin Tuhan, dan ulun je marandah arep e akan kana gatung gawin Tuhan.”
Ewei je harus kana undang
12Limbas je Yesus bapander umba tepun pasah je: “Amun ikau nguan panginan akan kuman betuk andau atau kuman hamalem ela tarus ngundang kawal kawalmu, kula betimmu, keluargamu, atau ulun-ulun baduit, gawin ise akan ngundang ikau haluli guang pesta se kabuat, dan umba kilau je ise akan mambaleh narai je jadi kau nguai. 13Sebalik e, satiap kali ikau nguan pesta, ngundang ih ulun-ulun je heamti duit, ise je cacat, ulun je lumpuh, dan ise je babute. 14Maka Hatalla akan mamberkat ikau, gawin ulun-ulun je dia akan mampu mbayar e. Hatalla akan mbaleh e metuh andau metuh Ie belum haluli ulun are je tutu bara papatei.”
Tanding tentang ulun-ulun je are alasan e
15Ise je kuman hayak Yesus hening Ie bapander kilau je, dan ice beti bara ise bapander umba Yesus: “Ulun je akan hadir perjamuan melai Karajaan Hatalla kana berkat gawin Hatalla.” 16Tapi, kuan Yesus umba ie: “Tege ice beti je nguan pesta hae dan ie ngundang lun are akan dumah guang pesta e. 17Metuh pesta je jadi siap akan mulai dai, ie ngutus ice beti palayan akan nyapai undangan jituh je jadi kana undang: ‘Uras e jadi siap! Takan dumah.’ 18Tapi ise uras napara, ice per ice, nenga alasan. Je pakasulak bapander umba palayan je: ‘Maaf aku, aku heam tau dumah gawin aku jadi meli kabun dan harus miar mariksa e.’ 19Ice beti hatue je beken bapander: ‘Laku dohop maaf aku. Aku heam tau dumah gawin aku harun ih meli lime pasang sapi hatue, dan aku akan miar wayah tuh akan payah enkah ise tau bagawi umba baik.’ 20Ulun katelu bapander: ‘Maaf aku. Aku heam tau hadir pesta jituh, gawin aku harun kawin ih.’ 21Palayan je haluli dan malapor akan tuan e narai je jadi ise mander, dan tepun pasah je jadi basingi tutu umba ise. Limbas je ie bapander: ‘Miar guang satiap jalan dan melai saran jalan melai kota jituh. Ngundang ih ulun-ulun je heamti duit, ise je cacat, ise je heam tau nanjung gawin lumpuh, dan ise je babute akan dumah guang pesta jituh.’ 22Limbas palayan je nguan taluh gawi e je, ie malapor akan tuan e. Ie bapander: ‘Tuan, aku jadi laku uras ulun akan dumah guang pestamu. Tapi, masih tege pire-pire kursi melai pesta tuh je kosong.’ 23Limbas je tuan je pander umba palayan e: ‘Miar guang jalan-jalan melai raya dan jalan-jalan je korik mbujuk ih ulun-ulun je melai nganih akan dumah guang pesta je. Satiap kursi melai pestaku harus taisi. 24Aku bapander umba ikau, dia ti ice betipun bara ise je jadi kana undang je akan keme panginan je jadi-Ku nyadia.’”
Kapehe akan jadi murid Yesus
(Mat. 10:37,38)
25Metuh sinde andau, are ulun je metuh nanjung umba Yesus miar manuju kota Yerusalem. Ie payah ise dan bapander, 26“Amun ice beti dumah dan huang ngayak Aku, cinta e umba-Ku harus labih hae bara cinta e umba indang dere apang e, umba sawai dan kawan anak e, Dan umba kula babuhai e. Dan malah cinta e umba arep e kabuat dia tau labih hae bara cinta e umba-Ku. Amun dia kilau je, maka ie dia tau jadi murid-Ku. 27Ewei bewei je dia nanggung salib e dan ngayak Aku, ie dia tau jadi murid-Ku. 28Amun ice beti barencana akan pendeng gedung gatung, pakasulak e ie akan munduk dan maluangkan waktu akan mamperkirakan biaya akan pendeng e sapai ie tau mamutus e enkah ie tege duit je cukup akan nyalesai pembangunan e. 29Amun dia, ie mungkin baya nyalesai pondasi e ih tapi dia akan tau nyalesai saluruh bangunan. Maka uras ulun je payah e akan natawe e. 30Ise akan bapander: ‘Ulun jituh napara pendeng gedung je gatung tapi kalepahan duit ie dia sanggup manyalesai e!’ 31Sinde jua, amun ice beti raja balua umba sapuluh ribu beti akan malawan raja beken je dumah umba due puluh ribu beti, ie akan munduk salabih helu dan mamutuskan enkah ie cukup kuat akan mangalah raja je beken. 32Amun raja je manyadari amun dia mungkin manang, maka ie akan ngirim utusan akan nyundau raja musuh sementara raja je beken umba pasukan e masih kecau akan ngisek narai je harus ita nguai mangat ita dia usah perang. 33Kilau je kia taluh je umba ikau. Masing-masing bara kame harus mamutuskan enkah kame siap akan jadi murid-Ku, gawin kame dia tau jadi murid-Ku kacuali kame lihi kare taluh je kame tepui e.”
34Limbas je Yesus bapander: “Kahing tege are kagunaan e. Tapi amun kahing je heamti rasa e dai, maka kahing je heamti gunai e. Ikau dia tau napa e jadi mangat jua. 35Kahing semacam jituh dia tau baguna dai malah akan pupuk kandang akan nyubur petak mahi heam tau, sapai ulun nganan e. Ewei bewei je huang mamaham narai je Aku mander harus hening aku umba bujur buah.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
capur açu Bible by Beyond Translation is licensed under Creative Commons Attribution-ShareAlike 4.0 License.