Lukas 16
16
Tanding tentang bendahara je dia jujur
1Yesus ngesah ice tanding je beken akan kawan murid-E: “Sinde katika tege ice beti ulun baduit je tege ice beti bendahara akan mangurus panatau e. Limbas je ulun baduit je hening amun pangurus je mahambur-hambur panatau e. 2Limbas je ulun baduit je ngahau e dan bapander umba e: ‘Aku hening amun ikau jadi mahambur-hambur panatauku, aku dia suka umba ikau. Jadi, ikau dia tau malanjut jadi bendaharaku, nenga aku laporan en rak tapai ikau mangalola hartaku.’ 3Limbas je bendahara je bapander umba arep e kabuat: ‘Aku heam tawan narai je harus aku nguai, gawin bosku jadi patende aku bara gawikku aku akan nguan gawi e je babehat kilau macangkul dan aku mahawen laku-laku umba ulun beken. 4Aku tege akal. Aku akan nguan taluh mangat ulun are huang nenga aku ukan melai limbas aku dia dai bagawi ngituh.’ 5Jadi, bendahara je ngahau uras ulun je butang umba tuan e. Ie bakisek umba ulun je dumah pakasulak e: ‘Pire utangmu umba tuanku?’ 6Ulun je manimai: ‘Saratus tong minyak zaitun.’ Bendahara bapander umba e: ‘Jituh tagihanmu, capat munduk dan nulis amun ikau butang lime puluh tong minyak zaitun.’ 7Bendahara bakisek umba ulun beken: ‘Pire kakaren utangmu?’ Ulun je manimai: ‘Saribu karanjang gandum.’ Limbas je bendahara bapander umba: ‘Jituh tagihanmu, nulis ih amun ikau butang hanya ratus karanjang gandum.’ 8Ulun baduit je bangga umba bendahara e je gawin taluh nguai e je cerdik. Umba cara je sama, ulun-ulun je dia manaati Tuhan dengan bijaksana baurusan umba ulun beken je sama umba ise. Tapi, ulun je taat umba Tuhan dia baurusan dengan bijaksana.”
9Jadi, aku mander akam, nguna duit je akammu dohop ulun beken mangat ise jadi kawalmu. Limbas je metuh ikau matei dan heam tau dai nguna kakayaan mu je, kawan kawalmu akan nyambut ikau melai puduk je katatahie melai nguwei ikau akan melai katatahie.
Satia melai perkara je korik Tingak ajar
10Amun ikau satia umba tanggung jawab je korik, ikau akan satia umba masalah je hae. Tapi amun ikau dia satia dan tanggung jawab umba masalah je korik, ikau kia dia akan satia umba urusan je labih hae. 11Gawin je, amun ikau dia satia dan nguna kakayaan je ikau tepui melai dunia tuh, maka Tuhan dia akan mangijin ikau akan mangurus kakayaan je sebenarnya je Ie marega-E. 12Amun ikau dia ulih kana percaya akan mangalola kakayaan je ulun beken tepui e, pasti Tuhan dia akan nenga taluh akan ikau ngalola kabuat.
13Dia mungkin bagi ulun akan malayan due tuan secara saimbang. Amun ie nguan taluh je, maka ie akan mangasihi ice tuan e labih bara je beken atau ie akan mangabdi umba ice tuan e je beken, gawin je, ikau heam tau manyembah Hatalla dan kakayaan dunia metuh katika je haya-hayak.
14Metuh pire-pire beti ulun Farisi hening Yesus mander taluh je, ise malea-lea Ie gawin ise sarakah umba duit. 15Tapi Yesus bapander umba ise: “Ikau napa arepmu mangat tapayah lun ikau je tutu melai sambang baun ulun, Tapi Hatalla tawan pikiranmu je jahat. Hatalla bajilek umba taluh je kana anggap banilai hae gawin kalunen.
16Sahelu Yohanes Pambaptis dumah, ikau, ulun-ulun Yahudi, mangayak Hukum Musa dan kawan nabi. Tapi wayah tuh, Kabar Lamus tentang Karajaan Hatalla jadi ngabar dan are ulun bajuang umba samangat akan tame melai suang Karajaan je. 17Tapi satiap pander je tatulis melai Hukum Musa pasti akan terjadi. Labih murah langit umba dunia akan kana hancur bara ice kata suang Hukum Musa je dia akan terjadi.
18Ice beti hatue heam tau pisah umba sawai e dan limbas je kawin umba bawi beken. Amun ie nguai e, maka ie jadi nguan perzinahan. Dan kia, ice beti hatue heam tau mangawin ice bawi je jadi bapisah. Je kia termasuk perzinahan.”
Tanding tentang ulun baduit dan Lazarus je susah
19Limbas je Yesus ngesah tanding jituh akan se: “Tege ice beti je baduit je tarus hapa jubah ungu je mahal tutu dan pakaian je paling halus. Ie bapesta satiap andau umba panginan je paling mangat.” 20Dan tege kia ice pangemis je arai e Lazarus. Ulun are nganya e guang atep gerbang pasah ulun baduit dan manahan e melai nganih. Ie buah panyakit bagai melai sakujur beti e. 21Ie balau tutu sapai ie huang kuman sisa-sisa panginan je balawu bara meja melai ukan ulun baduit je kuman. Selain je, je labih buruk jua, kawan asu dumah dan nyelap bagai-bagai e. 22Limbas je, Lazarus matei dan malaikat utusan bara Hatalla ngaya e guang ukan je tahormat melai silan Abraham. Ulun baduit je kia matei dan hatui e kana kubur. 23Melai Hades, ukan pandehan kupul roh-roh ulun je jadi matei pandehan nunggu kana hakim, ie manderita tutu. Limbas je, ie nganjongah kuluk e dan payah Abraham bara kakecau dan Lazarus munduk melai ukan kahormatan melai balikat Abraham. 24Limbas je ulun baduit je ngombak, Bapa Abraham, ngasi aku! Laku Lazarus culup tinjuk e melai suang danum dan dumah melai ngituh akan ngina e melai jela ku sapai jadi sadingen. Aku kapehe tutu melai suang apui tuh! 25Tapi Abraham bapander umba ulun baduit je, anakku, amun samasa pambelummu, ikau je tepun uras taluh je ikau huang e, tapi Lazarus heamti nara-narai. Jadi, wayah tuh ie belum mangat, dan ikau belum melai panderitaan je mangerikan. 26Dan dia baya jie, Hatalla jadi napa jarak je kecau antara ikei umba ikau. Jadi, ise je huang miar bara ngituh guang ukan kame, heam tau buhau dan ise je huang dumah bara nganih umba ikei heam tau dumah: 27ulun baduit je bapander umba Abraham: Aku laku umba ikau, oo Bapa Abraham, satidak e ngirim Lazarus akan kaluargaku. 28Aku tepun lime pahari hatue je melai guang nganih. Mander akai e akan paingat kalime pahari ku akan batobat bara dosa-dosa se. Maka metuh ise matei, ise dia akan dumah guang ukan panderitaan je mangerikan jituh. 29Tapi kuan Abraham bapander kawan paharimmu tepun Hukum Musa dan kawan nabi. Ise harus mamatuhi narai je ise nulis! 30Ulun baduit je bapander: Bapa Abraham, je dia cukup akan se akan batobat. Tapi amun ice beti ulun je jadi matei belum haluli dan dumah mander ise, maka ise akan batobat bara dosa-dosa se. 31Tapi Abraham bapander umba ulun baduit je: Amun ise manolak akan batobat limbas hening narai je tatulis melai Hukum Musa dan kawan nabi, maka ise akan manolak akan batobat aluh ulun matei je belum haluli mander ise.
Currently Selected:
Lukas 16: CAV
Highlight
Copy
Compare
Share
Want to have your highlights saved across all your devices? Sign up or sign in
capur açu Bible by Beyond Translation is licensed under Creative Commons Attribution-ShareAlike 4.0 License.
