2 Korinto 13
13
Liafuan Ikus
1Ida nee mak dala tolu nebee hau atu baa vizita imi. Bainhira ita akuza ema, ita presiza sasin nain rua ka tolu hodi hametin liafuan nee.#13:1 Hosi Deuteronómiu 19:15. 2Hau foo hanoin ona ba sira nebee halo sala uluk, no sira seluk hotu. No hau foo hanoin fali ba sira agora, bainhira hau laos iha nebaa, katak bainhira hau sei baa fali, hau sei la husik deit sira. 3Imi hakarak hau prova katak Kristu koalia liu hosi hau. Nia la hatudu laran fraku ba imi, maibee Nia hatudu kbiit iha imi nia leet. 4Tanba ema prega Nia ba krús ho isin fraku, maibee Nia moris liu hosi Maromak nia kbiit. Tanba ami mos fraku iha Nia, maibee bainhira ami koalia ho imi ami sei moris hamutuk ho Kristu liu hosi Maromak nia kbiit.
5Haree took imi nia aan atu hatene imi moris iha fiar ka lae. Koko aan ba. Imi kompriende ka lae kona ba imi nia aan rasik katak Jesus Kristu mak iha imi nia laran? Bainhira imi koko aan nee, imi haree katak imi la too! 6Hau hein katak imi haree katak ami mak too. 7Maibee ami halo orasaun ba Maromak katak imi la halo aat. Ida nee laos ami hatudu aan loos, maibee katak imi bele halo buat nebee loos, maski imi hanoin katak ami la too. 8Ami la bele halo buat ida hasoru lia loos, tanba ami suporta lia loos. 9Tanba ami kontenti bainhira ami fraku no imi iha kbiit. Ami halo orasaun katak imi bele sai diak fali. 10Tanba nee mak hau hakerek buat sira nee bainhira hau la hamutuk ho imi, hodi bainhira hau too ba imi hau la presiza uza kbiit ho liafuan makaas. Nai foo kbiit nee mai hau hodi hametin, laos atu sobu rahun.
Kumprimentus Ikus
11Ikus mai, maun-alin sira, haksolok ba. Sai diak fali. Foo kamaan ba malu, simu malu, moris iha dame laran, no Maromak Domin Nian no Dame Nian sei hamutuk ho imi. 12Kumprimenta malu ho rei santu ida. 13Santu sira hotu kumprimenta imi.
14Grasa hosi Nai Jesus Kristu, no domin hosi Maromak, no moris ho Espíritu Santu, sei hamutuk ho imi hotu. Amén.
Currently Selected:
2 Korinto 13: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.