2 Korinto 12
12
Paulo Nia Vizaun No Ai Tarak
1Hau tenki kontinua gaba aan, maski hau la hetan benefísiu hosi liafuan nee. Maibee hau sei foo hatene kona ba vizaun sira no liafuan hosi Nai. 2Hau konhese ema ida iha Kristu nebee tinan sanulu resin haat liu ba, Nai lori nia sae ba lalehan terseiru nian. Karik nia sae iha isin ka ketak hosi isin, ida nee hau la hatene, só Maromak mak hatene. 3Hau hatene katak ema nee sae ba, karik iha isin ka ketak hosi isin, ida nee hau la hatene, só Maromak mak hatene. 4Nai lori nia sae ba fatin furak, no nia rona buat ruma nebee la bele konta, nebee bandu atu ema la bele foo sai. 5Hau sei gaba ema hanesan nee, maibee hau sei la gaba hau nia aan rasik, só deit kona ba oinsaa mak hau fraku. 6Maibee se karik hau hakarak gaba aan, hau sei la koalia nudar ema beik tanba hau koalia lia loos. Maibee hau sei la halo ida nee atu ema la bele hanoin katak hau diak liu fali buat nebee sira haree iha hau ka rona hosi hau. 7Entaun, hodi hau la bele foti aan kona ba buat nebee Nai hatudu mai hau nebee furak tebes, hau hetan ai tarak ida iha hau nia isin. Ida nee mak mensajeiru#12:7 Lian Gregu angelos katak ‘anju’ ka ‘mensajeiru’. ida hosi Satanás nebee mai atu baku hela hau hodi hau la foti aan. 8Dala tolu hau husu ho laran ba Nai atu buat nee bele sai hosi hau. 9Maibee Nai dehan mai hau, “Hau nia grasa nee too ona ba o, tanba Hau nia kbiit sei sai perfeitu#12:9 Lian Gregu telioo katak ‘kompletu’ ka ‘perfeitu’. Haree Filipe 3:12 no nota. iha isin fraku.” Entaun hau kontenti atu gaba aan liu tan kona ba hau nia isin fraku atu Kristu nia kbiit bele hela iha hau. 10Nunee tanba Kristu hau kontenti bainhira hau fraku no bainhira ema koalia aat hau. Hau kontenti ho tempu susar, terus no difikuldade sira. Tanba bainhira hau fraku, hau iha kbiit.
Paulo Hanoin Igreja Iha Korinto
11Hau sai ema beik ona! Imi obriga hau. Tuir lo-loos imi mak gaba hau. Tanba tebes hau la kiik liu fali apostolu boot sira nee, maski hau laos buat ida. 12Tanba apostolu ida nebee loos mak halo sinál sira iha imi nia leet ho pasiénsia boot, sinál sira, milagre sira no kbiit. 13Tanba oinsaa mak ami hafolin imi kiik liu igreja sira seluk, só deit hau rasik la sai todan ba imi? Foo perdaun mai hau tanba sala nee!
14Tebes, ba dala tolu ona hau prontu atu baa vizita imi. No hau sei la sai todan ba imi. Tanba hau la buka buat nebee imi nian, maibee hau buka imi rasik. Tanba tuir lo-loos oan sira la halibur riku-soin atu foo ba sira nia inan-aman, maibee inan-aman mak halibur riku-soin atu foo ba sira nia oan sira. 15No hau sei kontenti liu atu gasta buat nebee hau nian no gasta hau nia aan rasik tanba imi. Se hau aumenta hau nia domin ba imi, nunee imi sei hamenus imi nia domin mai hau ka? 16Maibee se ida nee loos, katak hau la foo todan ba imi, nunee imi dehan katak hau manipula imi no kastigu imi liu hosi hahalok nebee lohi imi. 17Hau hamatak imi liu hosi sira nebee hau haruka ba imi ka? 18Hau husu Tito atu baa vizita imi no haruka alin ida fali baa hamutuk ho nia. Tito hamatak imi ka? Laos ami hatudu hahalok ho espíritu hanesan? Laos ami lao hanesan?
19Durante tempu hotu nee, imi hanoin katak ami defende aan ba imi ka? Iha Maromak nia oin ami koalia iha Kristu. No ami halo buat hotu nee hodi hametin imi, ami nia doben sira. 20Tanba hau tauk katak bainhira hau too ba imi, hau sei la hetan imi tuir hau nia hakarak, no katak imi sei la hetan hau tuir imi nia hakarak. Karik imi istori malu, laran moras, hirus, provoka malu, koalia aat malu, lori lia, foti aan no halo rungu-ranga. 21Hau tauk katak bainhira hau too fali ba imi, hau nia Maromak sei hatuun hau iha imi nia leet no hau sei presiza tanis kona ba ema barak nebee uluk halo sala maibee seidauk arepende hosi hahalok la moos, sala seksuál no laran kaan nebee uluk sira halo.
Currently Selected:
2 Korinto 12: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.