2 Korinto 3
3
Ministériu Ba Aliansa Foun
1Ami komesa atu gaba aan fali ka? Ami presiza, hanesan ema seluk presiza, surat rekomendasaun atu hatudu ba imi ka ami presiza surat rekomendasaun hosi imi? 2Imi rasik mak ami nia surat rekomendasaun nebee hakerek iha ami nia fuan laran, nebee ema hotu bele lee no hatene. 3No imi hatudu katak imi mak surat ida hosi Kristu nebee ami lori. Nia hakerek surat nee, laos ho tinta maibee ho Maromak Moris nia Espíritu, no laos iha fatuk belar maibee iha ema nia fuan laran.#3:3 Iha tempu Moisés, Maromak hakerek ukun fuan sanulu iha fatuk belar (Exodu 20:1-17; 34:1), maibee agora Kristu hakerek iha ita nia fuan laran.
4Ami iha konfiansa hanesan nee ba Maromak liu hosi Kristu. 5Ami la dehan katak ami too tanba buat nebee mai hosi ami, maibee ami too tanba buat nebee mai hosi Maromak. 6Nia mak halo ami too atu sai atan ba aliansa foun, laos liu hosi surat, maibee liu hosi Espíritu. Tanba surat nee oho, maibee Espíritu nee foo moris.
7Agora ministériu mate nian, nebee hakerek ho letra iha fatuk, mai ho glória boot too ema Israel la bele hateke ba Moisés nia oin tanba glória nee, nebee sei lakon. 8Se hanesan nee, oinsaa mak ministériu Espíritu nian iha glória boot liu tan? 9Tanba se ministériu kastigu mate nian iha glória, oinsaa mak ministériu moris loos nian iha glória boot liu tan. 10Nee duni, buat nebee uluk iha glória, agora la iha glória ida, tanba glória nebee boot liu fali ida nee. 11Tanba se buat nebee atu remata mai ho glória, oinsaa liu tan buat nebee hela nafatin mak iha glória.
12Tanba ita iha esperansa hanesan nee, nunee ita iha brani boot. 13Ida nee laos hanesan Moisés, nebee tenki taka ninia oin ho veo ida hodi ema Israel sira la bele haree ba rezultadu nebee atu lakon.#3:13 Lee kona ba Moisés nia oin nabilan iha Exodu 34:29-35. 14Maibee sira nia neon sai toos. Tanba too ohin loron, bainhira sira lee testamentu tuan, sira sei hatais hela veo. Tanba liu hosi Kristu deit mak ita bele hasai veo nee. 15Nee duni, too ohin loron, bainhira sira lee hosi Moisés nia livru, sei iha veo ida nebee taka sira nia fuan laran. 16Maibee bainhira ema fila ba Nai, veo nee sai tiha. 17Agora, Nai mak Espíritu. No iha fatin nebee Nai nia Espíritu hela, iha nebaa mak liberdade. 18No ita hotu haree Nai nia glória#3:18 Ka “ita hotu hatudu Nai nia glória hanesan liu hosi espelhu ida.” ho oin nebee veo la taka. No tanba nee ita nakfilak ba ilas hanesan Nia, hosi glória ba glória. No ida nee mai hosi Nai nebee Espíritu.
Currently Selected:
2 Korinto 3: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.