2 Korinto 2
2
Paulo Hadomi Ema Korinto
1Tanba hau rasik desidi katak hau sei la vizita fali imi no halo imi tristi. 2Tanba se hau halo imi tristi, entaun see mak bele halo hau kontenti? Só ida nebee hau halo ona tristi ka? 3No uluk hau hakerek surat hanesan nee ba imi, atu nunee bainhira hau vizita imi hau sei la sai tristi ho sira nebee tuir lo-loos tenki halo hau haksolok. Tanba hau hanoin duni kona ba imi hotu katak hau nia ksolok bele halo imi hotu haksolok. 4Tanba bainhira hau hakerek ba imi hau iha terus boot no laran susar no hau tanis barak. Hau lakohi atu halo imi tristi maibee atu imi bele hatene katak hau hadomi imi ho domin boot tebes.
Foo Perdaun
5Maibee se ema ida halo tristi, nia la halo hau tristi, maibee nia halo imi hotu tristi. Hau lakohi foo liafuan todan liu ba imi. 6Ba ema ida nee, kastigu nebee nia simu hosi ema barak nee too ona. 7Nunee diak liu imi foo perdaun ba nia no foo kamaan ba nia, atu nunee nia la bele lakon ho laran tristi. 8Tanba nee hau husu imi atu hatudu fali imi nia domin ba nia. 9Tanba nee mak uluk hau hakerek hanesan nee, atu hau bele koko imi no hatene imi bele halo tuir hau nia liafuan iha buat hotu ka lae. 10Ema ida nebee imi foo perdaun nee, hau mos foo perdaun. Nee duni, buat nebee hau foo perdaun ona nee, se hau foo perdaun duni, nee tanba imi nebee iha Kristu nia prezensa. 11Ita lakohi atu Satanás bele manaan ita. Tanba ita hatene kona ba ninia planu aat sira nee.
Manaan Iha Kristu
12Uluk bainhira hau baa iha Tróade atu haklaken Kristu nia evanjelhu, hau hetan odamatan nebee loke tiha ba hau iha Nai. 13Maibee hau nia espíritu la hakmatek tanba hau la hetan hau nia maluk Tito iha nebaa. Entaun hau foo adeus ba sira no hau baa Masedónia.
14Agradese ba Maromak! Nia sempre halo ita manaan iha Kristu. No liu hosi ita, Nia habelar morin diak atu halo ema iha fatin hotu hatene kona ba Nia. 15Tanba ita mak Kristu nia morin midar ba Maromak iha ema nia leet nebee hetan salvasaun no iha ema nia leet nebee sei lakon. 16Ba ema iha sorin ida nee ita mak morin mate nian nebee lori ba mate. Maibee ba ema iha sorin seluk nee ita mak morin moris nian nebee lori ba moris. See mak too ba buat sira nee? 17Tanba ita la hanesan ema barak nebee faan deit Maromak nia liafuan. Maibee nudar ema laran loos nebee Maromak haruka ona, ita koalia iha Kristu, iha Maromak nia oin.
Currently Selected:
2 Korinto 2: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.