Jénesis 2

Maromak Deskansa

1Nunee lalehan no rai kompletu ona, ho buat hotu#2:1 Ebreu dehan ‘forsa hotu’, hanesan tropas hotu. Liafuan nee iha mos Jénesis 1:31. Maromak kria forsa hotu nunee Nia mak ‘forsa nain’. Haree 1 Samuel 1:3 no nota. nebee iha laran nee. 2Iha loron hitu, Maromak nia servisu nebee Nia halo remata ona. Nunee Nia deskansa iha loron hitu hosi Ninia servisu hotu nebee Nia halo ona.#2:2 Haree Ebreu 4:4. 3Maromak foo bensaun ba loron hitu, Nia halo loron nee santu, tanba iha loron nee Nia deskansa hosi Ninia servisu hotu nebee Nia halo iha kriasaun nee.

Maromak Kria Mane no Feto

4Nee mak istória#2:4 Ebreu ‘jerasaun sira’ nebee konta istória.

kona ba lalehan no rai bainhira Nia kria sira,

iha loron nebee Nai#2:4 Maromak nia naran NAI, ida nee mak YHWH ho sentidu ‘Hau mak Hau’. Iha Bíblia nee ita hakerek ‘Nai’ ho letra boot hodi hatudu naran YHWH. (Haree Exodu 3:15). Maromak halo rai no lalehan.

5Molok ai horis ida mosu iha rai, no molok duut matak moris iha rai (tanba Nai Maromak seidauk haruka udan ba rai no la iha ema ida hodi halo toos, 6maibee abu-abu sae hosi rai no habokon rai leten hotu.) 7Nai Maromak forma mane ida hosi rai rahun, no huu iis moris nian ba nia inus, no mane nee sai klamar ida nebee moris.#2:7 Haree 1 Korinto 15:45. 8Nai Maromak kuda jardín ida iha Eden, iha parte lorosae, no Nia tau mane ida nebee Nia forma ona iha fatin nebaa. 9No Nai Maromak kuda iha rai nee ai horis oi-oin nebee furak no diak atu haan. Ai Huun Moris Nian mak iha jardín nee nia klaran, no Ai Huun Hodi Hatene Diak No Aat.

10Mota ida suli sai hosi Eden hodi foo bee ba jardín nee. Depois mota nee fahe ba mota ulun haat. 11Mota ba dala ida naran Pizón, mota ida nee haleu rai Havila tomak, iha fatin nebee iha osan mean. 12No osan mean iha rai nee diak. Rai nee iha mos ai been morin no fatuk onix.#2:12 Fatuk onix mak toos no iha kór makerek. Fatuk nee iha folin karun. 13Mota ba dala rua naran Gión, ida nebee haleu rai Kuxe tomak. 14Mota ba dala tolu naran Tigre, ida nebee suli liu hosi Asíria nia parte lorosae. Mota ba dala haat naran Eufrates.

15 Nai Maromak foti mane ida nee no tau nia iha jardín iha Eden hodi servisu no tau matan ba jardín nee. 16Nai Maromak foo orden ba mane nee dehan, “O bele haan hosi ai huun hotu iha jardín nee. 17Maibee o keta haan hosi Ai Huun Hodi Hatene Diak No Aat. Tanba iha loron nebee o haan hosi ai huun nee, o sei mate duni.”

18 Nai Maromak dehan, “Mane hela mesak nee la diak. Hau sei halo maluk ida hodi ajuda nia.” 19Nai Maromak forma animál fuik hotu iha rai no manu hotu iha loro leten. Nia lori sira ba mane nee atu haree mane nee foo naran saida ba sira. No naran saida deit nebee mane foo, nee mak ida-idak nia naran duni. 20Mane nee foo naran ba animál hakiak hotu, ba manu sira iha loro leten, no ba animál fuik hotu iha rai. Maibee nia la hetan maluk ida hodi ajuda nia. 21Nunee Nai Maromak halo mane nee toba dukur loos. Bainhira nia toba dukur, Maromak foti ruin knosen ida hosi nia no taka fatin nee ho isin. 22No Nai Maromak halo feto ida hosi ruin knosen nebee Nia foti hosi mane nee. Depois Nia lori feto nee ba mane. 23Mane nee dehan,

“Ida nee mak ruin hosi hau nia ruin,

no isin hosi hau nia isin.

Hau sei hanaran nia ‘Feto’

tanba foti nia hosi Mane.”#2:23 Iha lian Ebreu, mane mak ish no feto mak ishah.

24Tanba nee mane ida sei husik ninia inan-aman, no hela hamutuk#2:24 Liafuan nee hanesan ‘belit’. Haree Rut 1:14, Mateus 19:5, Marcos 10:7-8, 1 Korinto 6:16, Éfezu 5:31. ho ninia feen, no sira sei sai isin ida deit. 25Sira nain rua nee isin molik, mane no feto, maibee sira la senti moe.

Currently Selected:

Jénesis 2: BK

Highlight

Copy

Compare