Jénesis 4

Kaín No Abel

1Adão toba#4:1 Lian Ebreu uza liafuan ‘hatene’ hodi foo sentidu katak feen-laen halo relasaun seksuál. ho ninia feen Eva, no Eva sai isin rua. Eva tuur ahi hetan Kaín no dehan, “Hau hetan#4:1 Iha lian Ebreu, ‘hetan’ mak hanesan liafuan ‘Kaín’. mane ida hosi Nai.” 2Depois nia tuur ahi hetan Kaín nia alin, Abel. Abel hein bibi, maibee Kaín fila rai. 3Tuir mai, iha tempu nebaa, Kaín lori produtu hosi rai hodi foo oferta ba Nai. 4Abel mos lori bibi oan primeiru nebee bokur hosi ninia bibi lubun. No Nai simu Abel no ninia oferta. 5Maibee Nai la simu Kaín no ninia oferta. Kaín hirus makaas no nia oin suar.#4:5 Liafuan Ebreu, ‘oin monu’. 6Nai hatete ba Kaín, “Nusaa mak o hirus? Tanba saa mak o nia oin suar? 7Se karik o halo diak, laos Hau sei simu o? No se karik o la halo diak, sala mak hein iha o nia odamatan. Nia hakarak lasu o, maibee o tenki domina nia.”

8Kaín koalia ho nia alin Abel. No bainhira sira lao too iha rai luan, Kaín ataka nia alin Abel, no oho nia. 9Depois, Nai dehan ba Kaín, “O nia alin Abel iha nebee?” Nia hataan, “Hau la hatene, hau tenki hein hau nia alin ka?” 10Nai dehan, “O halo saida? Lian hosi o nia alin nia raan hakilar mai Hau hosi rai. 11Agora, o hetan malisan hosi rai nebee loke nia ibun hodi simu o nia alin nia raan hosi o nia liman. 12Bainhira o fila rai, rai nee sei la foo rezultadu diak ba o. O sei sai ema lao rai no lao tuun-sae nafatin iha rai nee.” 13Kaín hataan ba Nai, “Hau la bele lori hau nia kastigu nee tanba todan liu. 14Tebes, loron ohin O duni hau hosi rai nia oin, no hau sei subar hosi O nia oin. Hau sei sai nudar ema lao rai no hau sei lao tuun-sae nafatin iha rai. Nunee, ema see deit nebee hetan hau sei oho hau.” 15No Nai hatete ba nia, “La bele! Ema see deit nebee oho Kaín sei hetan kastigu todan liu dala hitu.” Depois Nai tau sinál ida iha Kaín, hodi ema see deit nebee hetan nia la bele oho nia. 16No Kaín sai hosi Nai nia prezensa no baa hela iha rai Node iha Eden nia sorin lorosae.

17Kaín toba ho ninia feen, no ninia feen sai isin rua. Feen nee tuur ahi hetan Enok. Nia harii sidade ida no tau naran ba sidade ida nee tuir nia oan mane nia naran, Enok. 18Enok iha oan naran Irad. Irad iha oan naran Meujael. Meujael iha oan naran Metusael. Metusael iha oan naran Lamek. 19Lamek hola feto nain rua: ida naran Ada no ida fali naran Zila. 20Ada iha oan naran Jabál. Nia mak aman ba sira nebee hela iha tenda no hakiak animál. 21Ninia alin nia naran Jubál. Nia mak aman ba ema hotu nebee toka harpa no huu flauta. 22No Zila mos tuur ahi hetan Tubal-Kaín. Nia bele baku besi no riti hodi halo sasaan oi-oin. Tubal-Kaín nia alin feto mak Naama.

23Lamek hatete ba nia feen rua nee,

“Ada no Zila, rona hau nia lian,

Lamek nia feen sira, rona saida mak hau dehan:

Hau oho ona mane ida tanba nia hakanek hau,

joven ida tanba nia baku hau.

24Se karik Kaín nia vingansa kastigu dala hitu,

entaun Lamek nian sei kastigu dala hitu-nulu resin hitu.

25Adão toba fali ho nia feen. Ninia feen tuur ahi hetan oan mane ida no hanaran nia Set. Tanba nia dehan, “Maromak tau#4:25 Iha lian Ebreu, ‘tau’ mak hanesan liafuan ‘Set’. oan ida mai hau hodi troka Abel, tanba Kaín oho tiha nia.” 26Set mos hetan oan mane ida no nia hanaran oan nee Enos. Iha tempu nebaa, ema komesa bolu ba Nai Maromak nia naran.

Currently Selected:

Jénesis 4: BK

Highlight

Copy

Compare