Jénesis 5
5
Adão Nia Jerasaun Too Noé
1Ida nee mak livru kona ba Adão nia jerasaun sira. Bainhira Maromak kria ema, Nia halo ema tuir Maromak nia ilas. 2Nia kria ema mane no feto, no Nia foo bensaun ba sira. Bainhira Nia kria sira Nia hanaran sira ‘Ema’.#5:2 Lian Ebreu dehan adam ka Adão.
3Bainhira Adão moris too tinan atus ida tolu-nulu (130), nia hetan oan ida hanesan ho nia no tuir ninia ilas, no nia hanaran oan nee Set. 4Liu tiha nee, bainhira nia hetan ona Set, Adão moris tan tinan atus ualu (800), no nia hetan tan oan mane no oan feto sira. 5Nunee Adão moris too tinan atus sia tolu-nulu (930), depois nia mate.
6Bainhira Set moris too tinan atus ida resin lima (105), nia hetan Enos. 7Liu tiha nee, bainhira nia hetan ona Enos, Set moris tan tinan atus ualu resin hitu (807), no nia hetan tan oan mane no oan feto sira. 8Nunee Set moris too tinan atus sia sanulu resin rua (912), depois nia mate.
9Bainhira Enos moris too tinan sia-nulu (90), nia hetan Kenan. 10Liu tiha nee, bainhira nia hetan ona Kenan, Enos moris tan tinan atus ualu sanulu resin lima (815), no nia hetan tan oan mane no oan feto sira. 11Nunee Enos moris too tinan atus sia resin lima (905), depois nia mate.
12Bainhira Kenan moris too tinan hitu-nulu (70), nia hetan Maalalel. 13Liu tiha nee, bainhira nia hetan ona Maalalel, Kenan moris tan tinan atus ualu haat-nulu (840), no nia hetan tan oan mane no oan feto sira. 14Nunee Kenan moris too tinan atus sia sanulu (910), depois nia mate.
15Bainhira Maalalel moris too tinan neen-nulu resin lima (65), nia hetan Jared. 16Liu tiha nee, bainhira nia hetan ona Jared, Maalalel moris tan tinan atus ualu tolu-nulu (830), no nia hetan tan oan mane no oan feto sira. 17Nunee Maalalel moris too tinan atus ualu sia-nulu resin lima (895), depois nia mate.
18Bainhira Jared moris too tinan atus ida neen-nulu resin rua (162), nia hetan Enok. 19Liu tiha nee, bainhira nia hetan ona Enok, Jared moris tan tinan atus ualu (800), no nia hetan tan oan mane no oan feto sira. 20Nunee Jared moris too tinan atus sia neen-nulu resin rua (962), depois nia mate.
21Bainhira Enok moris too tinan neen-nulu resin lima (65), nia hetan Matusalém. 22Liu tiha nee, bainhira nia hetan ona Matusalém, Enok lao hamutuk ho Maromak#5:22 Septuaginta dehan ‘Enok halo Maromak kontenti’. tinan atus tolu (300), no nia hetan tan oan mane no oan feto sira. 23Nunee Enok moris too tinan atus tolu neen-nulu resin lima (365). 24Enok lao hamutuk ho Maromak depois nia la iha ona, tanba Maromak foti nia.
25Bainhira Matusalém moris too tinan atus ida ualu-nulu resin hitu (187), nia hetan Lamek. 26Liu tiha nee, bainhira nia hetan ona Lamek, Matusalém moris tan tinan atus hitu ualu-nulu resin rua (782), no nia hetan tan oan mane no oan feto sira. 27Nunee Matusalém moris too tinan atus sia neen-nulu resin sia (969), depois nia mate.
28Bainhira Lamek moris too tinan atus ida ualu-nulu resin rua (182), nia hetan oan mane ida. 29Nia hanaran oan mane nee Noé, tanba nia dehan, “Oan nee sei halo kamaan ita nia servisu no moris nebee todan iha ita nia liman, tanba Nai foo ona malisan ba rai nee.” 30Liu tiha nee, bainhira nia hetan ona Noé, Lamek moris tan tinan atus lima sia-nulu resin lima (595), no nia hetan tan oan mane no oan feto sira. 31Nunee Lamek moris too tinan atus hitu hitu-nulu resin hitu (777), depois nia mate.
32Bainhira Noé moris too tinan atus lima (500), nia hetan Sem, Kam no Jafet.
Currently Selected:
Jénesis 5: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
