Levítiku 1
1
Oferta Tunu Motuk
1 Nai bolu Moisés no koalia ba nia hosi Tenda Enkontru nia laran, no dehan, 2“Koalia ba ema Israel, no dehan ba sira, Se iha ema hosi imi nebee lori oferta ba Nai, imi tenki lori oferta nee hosi animál hakiak, nebee hosi karau no hosi bibi.
3Se ninia oferta nee mak sakrifísiu tunu motuk hosi karau lubun, nia tenki foo karau aman nebee perfeitu.#1:3 Ebreu tomim, nebee iha sentidu ‘kompletu’ no perfeitu hanesan buat aat ka foer la iha. Haree Jénesis 6:9, 17:1 no Deuteronómiu 18:13. Nia tenki lori ba odamatan iha Tenda Enkontru, nunee Nai kontenti ho nia. 4Depois nia tau nia liman ba oferta tunu motuk nee nia ulun, nunee Nai simu ninia oferta hodi taka nia sala. 5Depois nia tenki oho karau nee iha Nai nia oin, no saserdote sira, nebee Arão nia oan sira, sei foti raan nee no fakar raan haleu iha altár nebee iha odamatan ba Tenda Enkontru. 6Depois nia tenki loke oferta tunu motuk nee nia kulit no tesi tuir parte ida-idak nian. 7Saserdote Arão nia oan mane sira tenki tau ahi iha altár nia leten no organiza ai iha ahi nia leten nee. 8No saserdote sira, nebee Arão nia oan sira, tenki organiza oferta nebee tesi ona, nia ulun no nia bokur, iha ai nia leten, nebee iha ahi iha altár nia leten. 9Maibee tee oan no nia ain tenki fasi ho bee, no saserdote nee tenki tunu hotu iha altár nia leten hanesan oferta tunu motuk, hanesan oferta ahi nebee morin no halo Nai kontenti.
10Se ninia oferta nee hosi bibi lubun sira, hosi bibi malae ka hosi bibi timor, nia tenki foo aman ida nebee perfeitu. 11Nia tenki oho iha altár nia sorin norte iha Nai nia oin. Depois saserdote sira, nebee Arão nia oan mane sira, sei fakar nia raan haleu altár nee. 12No nia tenki tesi naan sira tuir parte ida-idak, hamutuk ho nia ulun no nia bokur. No saserdote sira tenki organiza iha ai nia leten, nebee iha ahi iha altár nia leten. 13Maibee tee oan no nia ain tenki fasi ho bee, no saserdote sira tenki lori oferta nee hotu no tunu iha altár leten. Ida nee mak oferta tunu motuk, hanesan oferta ahi nebee morin no halo Nai kontenti.
14Se nia foti manu hodi halo oferta tunu motuk nebee nia oferese ba Nai, nia tenki foo oferta nee hosi manu lakateu ka hosi manu pombu nia oan. 15Saserdote tenki lori ba altár, nia dulas sai nia ulun no tunu iha altár nia leten. Manu nia raan tenki hasai iha altár nia sorin. 16Nia tee oan ho nia fulun tenki hasai no soe iha altár nia sorin leste, iha ahi kdesan nia fatin. 17No nia tenki koa manu nee iha nia liras, maibee la bele too kotu; depois saserdote tenki tunu iha altár, iha ai nebee iha ahi. Ida nee mak oferta tunu motuk, hanesan oferta ahi nebee morin no halo Nai kontenti.”
Currently Selected:
Levítiku 1: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
