Levítiku 10
10
Nadab No Abiú Mate
1Nadab no Abiú, Arão nia oan mane sira, mane ida-idak nee foti ninia manko#10:1 Manko sunu insensu haree dezenhu iha Exodu 28. no tau ahi iha laran, no tau insensu iha ahi leten nee no oferese ahi nebee la loos#10:1 Ebreu: ‘ahi estranjeiru’. iha Nai nia oin, nebee la tuir Ninia orden. 2No ahi sai hosi Nai no haan hotu sira, nunee sira mate iha Nai nia oin. 3Depois Moisés dehan ba Arão, “Ida nee mak buat nebee Nai koalia bainhira Nia dehan, ‘Sira nebee hakbesik mai Hau tenki hatene katak Hau mak santu, no iha povu tomak nia oin Hau sei hetan glória.’” Nunee Arão nonook deit.
4Moisés bolu Misael no Elzafan, nebee Arão nia tiu nia oan mane sira, no dehan ba sira, “Mai iha nee no lori imi nia maluk sira hosi Fatin Santu nia oin ba iha akampamentu liur.” 5Entaun sira mai no lori mate isin sira nee iha sira nia ropa no sai hosi akampamentu tuir Moisés nia liafuan. 6Moisés dehan ba Arão, no ba Eleazar no Itamar, nebee Arão nia oan mane sira, “Keta husik imi nia fuuk sai sabraut, no keta lees imi nia ropa sira,#10:6 Bainhira ema mate sira husik fuuk sabraut no lees ropa hodi hatudu sira tristi. keta halo be imi mate no buat hirus kona povu tomak. Maibee husik imi nia maluk sira, família Israel tomak, tanis lelir tanba ahi nebee sunu nee, nebee Nai halakan ona. 7No imi la bele sai hosi odamatan ba Tenda Enkontru, hodi imi la bele mate. Tanba mina unsaun hosi Nai kose ona ba imi.” No sira halo tuir Moisés nia liafuan.
8 Nai koalia ho Arão no dehan, 9“Bainhira o tama ba Tenda Enkontru, keta hemu tua uvas ka tua forti, laos o ka o nia oan mane sira nebee hamutuk ho o, hodi imi la bele mate. Ida nee mak estatutu too tinan ba tinan ba o nia jerasaun sira. 10Nunee imi sei haketak buat nebee santu no la santu, buat nebee la moos no moos. 11Hodi imi bele hanorin ema Israel sira kona ba estatutu hotu nebee Nai koalia ona ba sira liu hosi Moisés nia liman.
12Moisés koalia ho Arão, no Eleazar no Itamar, nebee Arão nia oan mane sira nebee sei iha, “Foti oferta trigu nian nebee sei iha hosi Nai nia oferta sira nebee halo ho ahi, no haan paun nee, nebee la kahur ho fermentu, iha altár nia sorin, tanba buat nee santu liu. 13Ita tenki haan iha Fatin Santu nee, tanba buat nee mak ita nian, no ita nia oan mane sira nian, hosi Nai nia sakrifísiu sira nebee halo ho ahi, tanba hau simu orden ona kona ba buat nee. 14Maibee naan hirus matan nebee ita foti sae no kelen nebee ita oferese nee bele haan iha fatin moos - ita, no ita nia oan mane sira no ita nia oan feto sira nebee hamutuk ho ita. Tanba buat nee ita nian, no ita nia oan mane nian, nebee ita hetan hosi sakrifísiu dame sira nebee mai hosi ema Israel sira. 15Sira sei lori mai naan hirus matan nebee ita foti sae no kelen nebee ita oferese nee hamutuk ho bokur nebee oferese ho ahi, hodi ita bele foti sae oferta foti sae nee iha Nai nia oin. No buat nee sai ita nian, no ita nia oan mane sira nian. Ida nee mak estatutu too tinan ba tinan, tuir orden nebee Nai foo ona.
16Depois Moisés buka bibi ida nebee sakrifísiu sala nian, no tebes sira tunu tiha, no nia sai hirus ho Eleazar no Itamar, Arão nia oan mane sira nebee sei iha, no nia dehan, 17“Tanba saa mak imi la haan sakrifísiu sala nian iha Fatin Santu? Haree katak buat nee santu liu, no Maromak foo buat nee ba imi hodi lori komunidade nee nia sala, no hodi taka sira nia sala iha Nai nia oin. 18Tebes, imi la lori raan nee tama iha Fatin Santu. Lo-loos imi tenki haan iha Fatin Santu tuir hau nia orden.” 19Arão dehan ba Moisés, “Tebes, ohin loron sira oferese ona sira nia sakrifísiu sala nian, no sira nia sakrifísiu tunu motuk nian iha Nai nia oin, no buat sira nee akontese ona ba hau. Se karik hau haan sakrifísiu sala nian ohin loron, nunee Nai sei simu ka?” 20Bainhira Moisés rona, nia haree diak.
Currently Selected:
Levítiku 10: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.