Roma 13
13
Halo Tuir Autoridade
1Ema ida-idak tenki halo tuir autoridade sira. Tanba la iha autoridade nebee la mai hosi Maromak. Maibee Maromak foti sira hotu. 2Ema nebee kontra autoridade sira nee, kontra buat nebee Maromak foti ona. No ema nebee kontra sira sei hetan kastigu. 3Tanba ukun nain sira la halo ema tauk nebee iha hahalok diak, maibee tanba hahalok aat. Imi hakarak hela ho laran nebee la tauk ema nebee kaer autoridade ka? Entaun halo buat nebee diak, no nia sei gaba imi. 4Tanba nia mak Maromak nia atan atu halo diak ba imi. Maibee se imi halo buat nebee aat, imi sai tauk ba. Tanba nia la lori surik saugati deit. Tanba nia mak Maromak nia atan atu selu fali Maromak nia laran hirus ba ema nebee halo aat. 5Tanba nee imi tenki halo tuir sira, laos tanba laran hirus nee deit, maibee tanba mos konsiénsia. 6Tanba ida nee mos imi selu taxa. Tanba sira mak Maromak nia atan sira nebee servisu kona ba buat sira nee. 7Selu ba ema hotu buat nebee sira merese atu simu: taxa ba sira nebee simu taxa, impostu ba sira nebee simu impostu, respeitu ba sira nebee simu respeitu, no onra ba sira nebee simu onra.
Domin Kumpri Lei
8Keta iha tusan ho ema ida, só deit atu hadomi malu. Tanba nia nebee hadomi ema seluk kumpri ona lei. 9Tanba ukun fuan sira nee, “O keta halo sala seksuál, O keta oho, O keta naok, O keta kaan,” no ukun fuan sira seluk nia huun mak liafuan nee: “O sei hadomi o nia maluk hanesan o nia aan rasik.”#13:9 Hosi Exodu 20:13-17 no Levítiku 19:18. Sala seksuál nee ho ema nebee laos ita nia kaben, nebee sala adultériu. 10Domin la halo buat aat ba ninia maluk. Nunee domin kumpri lei.
11No mos, imi hatene tempu nee, katak tempu too ona atu imi hadeer hosi toba. Tanba salvasaun nee agora besik liu fali tempu nebee ita foin fiar. 12Kalan besik liu ona, no rai besik loron ona. Mai ita soe tiha hahalok nakukun nian no hatais armas naroman nian.#13:12 Paulo koalia kona ba hatais armas iha Éfezu 6:11-17. 13Mai ita lao lo-loos hanesan iha tempu loron, laos ho hahalok nebee lao arbiru no lanu, laos ho sala seksuál no kaan buat seluk, no laos ho istori malu no laran moras. 14Maibee hatais Nai Jesus Kristu, no keta foo fatin ba isin atu halo tuir buat nebee isin kaan.
Currently Selected:
Roma 13: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
