Ɛsedɔ 16
16
Ɣâla è mana da kpuyíri tɛ̀ɛ
1Nya ƃe Eezuɛ-ŋai kélee dí kùla Iliŋ dí lí Siŋ fɛ̃ɛ-kpalaŋ su, ƃɛ́i nàa káa Iliŋ da Sana díloai, a Eezuɛ-ŋai kuláa Ize lɔii su ŋɔɣaloŋ veerɛi ŋɔfólo buu káo lɔ́ɔlu ɣele. 2Díkelee dí dílii ŋwàna Mose mà da Eelɔŋ vɛ̃ɛ-kpâlaŋ su. 3Dí mò dîa dîyɛɛi, “Èi pɔ̂ri kɛ̂i a ǹɛ́lɛɛ a gɛɛ Yâwɛɛ é kúpaa Ize lɔii su. Kú kɛ̀ nàa kúkɛ kúlaa mìi a kúnîa-pere. Kɛ́lɛ ka pá a kúa vɛ̃ɛ-kpâlaŋ su ƃɛ́ puru kɛ́ kúpâa.”
4Yâwɛɛ è mò Mose mà ǹyɛɛi, “Gáa, ŋa pâi kpólo kulâi ŋ̀elei su ŋá bu kámɛni ma. Tɔɔ ǹûai dí lí a ɣele kélee dí ɣele tɔnɔ kpólo ɣɛ́ɛ. Bere sîi tí su ƃé ŋa pâi dísu kɔ̂ɔnii la à kɛ̀ da pâi ŋátɔ̂ŋ-ŋai mɛi kâai. 5Tɔɔ dí ɣele-kûu feerɛ ŋɔ ɣɛ́ɛ a ŋ̀ele-kûui mɛi da ɣelei, dí gbɛ̀tɛ.”
6Nya ƃe Mose da Eelɔŋ dí mò Eezuɛ-ŋai kélee dîa dîyɛɛ, “Ka pâi gɔ́lɔnîi ŋ̀ele-wulii ŋí su a gɛɛ Yâwɛɛ ƃé kákùla Ize lɔii su. 7Ka pâi Yâwɛɛ ŋɔfólo-laai kâai tínaa ɣele-wâla. A kálii-ŋwanai maa mɛni mɛ̂ni nyii ká gɛ̀ mai. Gbɛ̂ɛ ƃa kúa a gɛɛ ká kálii ŋwána kûa?” 8Nya ƃe Mose è mò ǹyɛɛi, “Yâwɛɛ ƃé pâi sua tɛ̂ɛi kápɔ ka mii a ɣele-wûlii é kpólo tɛ́ɛ kápɔ a ɣele-wala ka mii kálii é láa. Kpɛ́ni fêi, a kálii ŋwanai maa mɛni mɛ̂ni nyii ká gɛ̀ mai. Gbɛ̂ɛ ƃa kûa a gɛɛ ka kálii ŋwanai pú kûa? Kua fé ka kálii ŋwanai kûa. Kɛ́lɛ Yâwɛɛ ƃè.”
9Nya ƃe Mose è mò Eelɔŋ ma ǹyɛɛi, “M̀ó Eezuɛ-ŋai kélee dîa dí pá dí tɔ́ɔ Yâwɛɛ ŋɛ́i-tuɛ. Kpɛ́ni fêi, a dílii ŋwânai maa mɛ̂ni mɛ̀ni.” 10Tãi Eelɔŋ è kɛ̀ lônoi la Eezuɛ-ŋai kélee pɔ́i, dí kɛ̀ vɛ̃ɛ-kpâlaŋ su-pere kâai, ǹyaŋ Yâwɛɛ ŋɔfólo-laai è kùla díŋɛi ɣele-kɔlɔŋ kole su. 11Yâwɛɛ è mò Mose mà ǹyɛɛi, 12“Ŋa Eezuɛ-ŋai dílii-ŋwanai maa mɛ̂ni m̀ɛni. M̀ó dîa a gɛɛ da pâi sua miî a ŋ̀ele-wulii, gbóloi kélee da ŋ̀wɛ̂lii dí mii a Ŋ̀ele-wâlai. Gɛ̀ ní da pâi gɔ́lɔnii a gɛɛ ŋgáa a Yâwɛɛ nyii gáa a Díɣâlai.”
13Nya ƃe kpuyíri-ŋa dí pà a ŋ̀ele-wûlii dí mûui láa fɛ́ɛ. Ɣele-wala kɛ́ɛ, lúu è pɛ̀lɛ mûui mɛi. 14Tãi ǹúui è tàa lai, sɛŋ da-ni dí lɛ̀ɛ vɛ̃ɛ-kpâlaŋ su a m̀éla kpua-kpua yɛ̂ɛ lúu kane ŋa 15Tãi Eezuɛ-ŋai dí gàa lai, dí díkîe-ni marê kɛ̀ dîyɛɛi, “Lé ƃé ŋí?” Kpɛ́ni fêi, dífe kɛ́ ní a gɔ́lɔŋɔɔ.
Nya ƃe Mose è mò dîa ǹyɛɛi, “M̀ii-sɛŋ ká tí Yâwɛɛ a dɛɛ kápɔ mìi mɛ̂ni mai. 16Yâwɛɛ a è mò a gɛɛ ká ŋɛ́ɛ tɛi-tɛi nyii ka pɔ̂ri miî. Núu kélee é ŋɛ̀ɛ yɛ̂ɛ berei ŋɔpɛ́rɛi mu ƃelai díkaa lai.”
17Nya ƃe Eezuɛ-ŋai dí gɛ̀ tí. Ǹúui da-ni dí dámaa ɣɛ̀ɛ, da-ni dífe dámaa ɣɛ́ɛ ni. 18Kɛ́lɛ tãi dí gɔ̀ɔŋ lai, diai dámaa ɣɛ̀ɛi, díwɔi da fé kula ní pôlu. Diai dífe dámaa ɣɛ́ɛ níi, da fé lɛ̀ɛ ní pôlu. Nyii nɔ́ núu tɛi-tɛi kélee da pɔ̂ri miî, ǹyaa nɔ́ ƃé dí ŋɛ̀ɛ. 19Mose è mò dîa ǹyɛɛi, “Káfe da lɛ̀ɛ ɣele wâla mɛni ma.” 20Kɛ́ɛ dífe díwoli tɔ̀ɔ ní Mose wóo ma. Nuui da-ni dí díwɔi da lɛ̀ɛ é lɛ́ɛ la zu ɣele-wala é kɛ́. Ŋ̀ele-walai kɛ́ɛi, kolo è pù zu é kara. Mose líi è ŋwàna dîa. 21Nyii da kâa pɔ̂ri miî a ɣele tɔnɔi, dí ŋɛ̀ɛ a ɣele wâla kélee. Kpɛ́ni fêi, vóloi a kâa kùla nɔ́, é séɣeŋ.
22Dí ɣele-kûu feerɛ kpolo ɣɛ̀ɛ a ŋ̀ele-kûui mɛi da ɣelei, nyii kɛ̀ a omɛ feerɛ núu tɔnɔ mɛni mai. Eezuɛ-ŋai laa tuɛ-ƃelai kélee dí pà dí m̀ó Mose ma. 23È mò dîa ǹyɛɛi, “M̀ɛnii ŋí ƃé Yâwɛɛ è mò ǹyɛɛi, tínaa ƃa fii-tɔ̂ɔ ɣele nyii gáa a ɣele maa waa Yâwɛɛ mɛni mai. Gbóloi nyii ka pâi gbɛtɛ̂i ka gbɛtɛ, m̀ii-sɛŋ ka pâi ŋîlii ká ŋíli. Nyii pâi lɛɛ̂i, ka zêei kɛ́ tínaa mɛni ma.” 24Gbóloi nyii lɛ̀ɛi, dí zeêi kɛ é lɛ́ɛ la zu ɣele-wala é kɛ́ yɛ̂ɛ berei Mose è mò la diai. Kolo fé pú ní zu, ǹyaŋ vé kara ní. 25Mose è mò dîa ǹyɛɛi, “Ka mii sâa, kpɛ́ni fêi, sâa ƃa fii-tɔnɔ ɣele Yâwɛɛ mɛni ma. Káfe pâi sâa kpólo kâai vɛ̃ɛ-kpâlaŋ su. 26Ka ŋɛ̀ɛ a fólo lɔ́ɔlu mɛi da, kɛ́lɛ mɛi feerɛ ɣelei, nyii gáa a vii-tɔɔ ɣelei, káfe pâi da kâai.”
27Ǹûai da-ni dí lì vɛ̃ɛ-kpâlaŋ su a ŋ̀ele-kûui mɛi feerɛ-ɣelei a gɛɛ dí kpólo ɣɛ́ɛ dífe da káa ní. 28Nya ƃe Yâwɛɛ è Mose marê kɛ̀ ǹyɛɛ mai, “Tãi ɣɛɛlu ƃé káfe pâi fâai la a gɛɛ ka ŋatɔ̂ŋ-ŋai mɛi káa ká ŋalîa-woo-ŋai siɣei? 29Ka gáa, ŋa Vii-tɔɔ ɣelei tɛ́ɛ kápɔ. M̀ɛni ƃé ŋa mii-sɛŋ tɛ̀ɛ la kápɔ ɣele-kûu feerɛ mɛ̂ni ma a ŋ̀ele-kûui mɛi da ɣelei. Núu da fé kùla panaŋ ma a ŋ̀ele-kûui mɛi feerɛ ɣelei.” 30Nya ƃe ǹûai dí dífii tɔ̀ɔ a ŋ̀ele-kûui mɛi feerɛ ɣelei.
31Eezuɛ-ŋai dí nâa gbóloi ŋí tòli a mana. È kɛ̀ yɛ̂ɛ mɛsɛ kao, golɛɛ. È kɛ̀ a nɛ̃ɛ yɛ̂ɛ kɔ̃́iŋ-wulɔ kpolo. 32Nya ƃe Mose è mò ǹyɛɛi, “M̀ɛnii ŋí ƃé Yâwɛɛ è mò ǹyɛɛi, ‘Ka ŋɔomɛ tɔnɔ seêi kɛ́ kálônii díwɔ lonii mɛni ma a gɛɛ dí m̀ii-sɛŋ káa ŋá káŋa kɔ̀ŋ la vɛ̃ɛ-kpâlaŋ su tãi ŋá kákùla la Ize lɔii sui.’ ” 33Mose è mò Eelɔŋ ma ǹyɛɛi, “Sane síɣe í Manai ŋɔkɔ̂pu tɔnɔ pú zu í zee Yâwɛɛ ŋɛ́i-tuɛ a gɛɛ ká zeêi kɛ́ kálônii díwɔ̂ lonii mɛni ma.” 34Eelɔŋ è zèe Yâwɛɛ ŋɛ́i-tuɛ zeêi kɛ́ mɛni ma, yɛ̂ɛ berei Yâwɛɛ è mò la Mose mai. 35Eezuɛ-ŋai dí mana mìi a kóraŋ buu náaŋ é lɛ́ɛ la zu dí seri ǹɔii su ƃɛ́i nûa dí kɛ̀ naai. Dí lɛ̀ɛ mana mîi dí seri Keena lɔii ŋɔkoyaŋ-perei ma. 36Omɛ tɔnɔ káa a kɔ̂pu náaŋ, êfa kɛ́ ƃò a kɔ̂pu buu náaŋ, nyii gáa a kulûŋ tɔnɔi.
Currently Selected:
Ɛsedɔ 16: KWB
Highlight
Share
Compare
Copy
Want to have your highlights saved across all your devices? Sign up or sign in
© 2012 Bible Society in Liberia
