Levetekɔ 10
10
Nada da Abiu dí sɔnyɔ̂ŋ kɛ̀
1Eelɔŋ ǹônii veerɛ, Nada da Abiu dí díŋɔŋ siɣe sɛŋ folo ŋai síɣe díŋɔŋ pú zu dí kéreŋ-sɛŋ kúŋ nɛ̃ɛ pú mɛi dí dɛ́ɛ Yâwɛɛ pɔ́. Kɛ́lɛ ŋ̀ɔŋ ŋí fé kɛ́ ní a maa waa, kpɛ́ni fêi Yâwɛɛ fé m̀ó ní dîa a gɛɛ dí gɛ́ tí. 2Ǹyaŋ Yâwɛɛ è ŋɔŋ tɛ̀ɛ é díkereŋ dí sàa kpɔ́ nɔ́ naa Yâwɛɛ ŋɛ́i-tuɛ. 3Nya ƃe Mose è m̀o Eelɔŋ ma ǹyɛɛi, “M̀ɛnii ká ŋí Yâwɛɛ è mòi, ‘Ŋa pâi ŋ́gîŋ lɛ̂i a ḿaa waa diai sáma díkaa ŋ́gɔlɛi, ǹyaŋ ǹûai kélee da pâi ńaa maa tɛ̂i.’ ” Eelɔŋ è lɛ̀ɛ a m̀ɛi saa.
4Mose è Eelɔŋ gêra Uzii ǹônii Misaa da Eɛzafiŋ tòli ǹyɛɛ dîai, “Ka pá ká kámâleŋ-ni poma kúla Yâwɛɛ ŋɔpɛ́rɛ maa waai lá ká lí a dia ká díkula m̀ûui su.” 5Nya ƃe dí pà dí buma-ŋai lɛ́ɛ nɔ́ díseɣe-ŋai su kɛ̀ dîa dí kɛ́ saai, dí lí a dîa dí díkula m̀ûui su yɛ̂ɛ berei Mose è mò lai.
6Mose è mò Eelɔŋ ǹônii Ilieazɛ da Itama-ni dîa ǹyɛɛi, “Káfe káŋuŋ leɣa lɛ̀ɛ a gbiniŋ-kpiniŋɔɔ kpaa máŋ ká káseɣe-ŋai fála yɛ̂ɛ ka kɛ̀ malôŋ see ƃoi. Ka gɛ̀ tí ka pâi saâi. Ǹyaŋ Yâwɛɛ líi a pâi ŋwanâi Eezuɛ-ŋai kélee dîa. Kɛ̀lɛ Eezuɛ ƃelai kpéli-ŋai da pɔ̂ri ŋɔŋ saai ŋí maa wɔ̂lɔ kɛ̂i nyii Yâwɛɛ a dooi. 7Káfe kùla Yâwɛɛ ŋɔpɛ́rɛ maa waai láƃelei. Ka gɛ̀ tí, ka pâi saâi, kpɛ́ni fêi, wúlɔ puɔɔi káŋua Yâwɛɛ ŋɔtíi kɛ́ mɛni ma.” Dí gɛ̀ yɛ̂ɛ berei Mose è mò la diai.
Dɔ̂ŋ-ŋai díkaa zâla láa soŋ-ƃelai mɛ̂ni mai
8Yâwɛɛ è mò Eelɔŋ ma ǹyɛɛi, 9“Ka ílônii káfe ŋwãai kpele kpaa máŋ lɔɔ kpanaŋ sii kélee da a tãi ka kɛ̀ liî la ŋápɛrɛi mui. Ka gɛ̀ tí, ka pâi saâi. Dɔ̂ŋ ká ŋí ímɛni ma ka ílônii wɔlɔ-wɔlɔ da wɔlɔ-lɔlɔ. 10Fɛ̂ɛ ka sɛŋ nyii maa waai da nyii maa fé waa ni loai kɔ́lɔŋ. 11Fɛ̂ɛ ka dɔ̂ŋ-ŋai ŋí lɛ́ Eezuɛ-belai kélee dîa nyii Yâwɛɛ è dɛ̀ɛ Mose pɔ́i.”
12Ǹyaŋ Mose è mò Eelɔŋ ǹônii feerɛi Ilieazɛ da Itama-ni dîa nyii lɛɛi ǹyɛɛi, “Ka m̀ii-sɛŋ sala-sɛŋ kpéli siɣe nyii ka gùla Yâwɛɛ ma a kéreŋ salai, ká gbɛtɛ a kpólo nyii tɛ́-sɛŋ fé kɛ̀ zu ka m̀ii ŋ̀âla-teƃelei kɔlɛ, kpɛ́ni fêi, maa waai a ŋánaa. 13Ka ílônii ka pɔ̂ri miî gwaa ma waai ma, kpɛ́ni fei, géreŋ sala-sɛŋ Yâwɛɛ mɛni mai kawɔ̂i ká ŋí yɛ̂ɛ, berei Yâwɛɛ è mò la ḿâi. 14Kɛ́lɛ zuai keɣe-la da ǹáa mii yee mɛi wɛrɛi, nyii gáa a zama-sɛŋ gbîŋ kpîŋ Yâwɛɛ mɛni ma, gɛ́ ƃò a zâla láa soŋ-ƃelai díwɔ̂ m̀ii, ka ínia-pɛlɛɛi ka pɔ̂ri miî kwaa maa waa ma. Gáa a Eezuɛ-ƃelai dílii-see sala-sãai káwɔ̂i mîi. 15Da pâi pâi a zuai ŋ̀wɛ́rɛ da geŋe-la a tãi da kɛ̂ zua wûlɔi tɛɛ̂i la a mii-sɛŋ sama-sɛŋ Yâwɛɛ pɔ́i. Zuai m̀ɛ́i-ŋai ŋí káa a íwɔ̂ ka ínîa-pɛlɛɛi wɔlɔ-wɔlɔ da wɔlɔ-wɔlɔ, yɛ̂ɛ berei Yâwɛɛ è mò lai.”
16Tãi Mose è m̀olii marê kɛ̂ɛ kɛ̀ la nyii kɛ̀ zɔnyɔ̂ŋ salai mɛni mai, è gɔ̀lɔŋ a gɛɛ dí m̀oli suai kèreŋ. Ńii è ŋwãna kpɔ́ Eelɔŋ ǹônii Ilieazɛ da Itama dîa è mò dîa ǹyɛɛi, 17“Káfe zɔnyɔ̂ŋ sala-sɛŋ mii ní gwaa ma waai ma lé mɛni ma? Gáa a sama-sɛŋ maa Waa kɛ́tɛ ǹyaŋ Yâwɛɛ a dɛ́ɛ ípɔ Eezuɛ-ŋai dísɔnyɔ̂ŋ su mɛni lɛɛ mɛni ma. 18Tãi nɔ́ káfe pá ni là a zuai ŋãa gwaa maa waai mai, kâi pɔ̂ri zuai gbîŋ miî gwaa maa waai ma yɛ̂ɛ berei ŋá mò la kâai.”
19Eelɔŋ è zu tòo ǹyɛɛ Mose mai, “Eêi kɛ̀ ŋái zɔnyɔ̂ŋ sala-sɛŋ miî sâa Yâwɛɛ eêi pâi ǹyée seêi mu. Ǹûai dí pà a dísɔnyɔ̂ŋ sala-sɛŋ da díkereŋ sala-sâa Yâwɛɛ ǹyaŋ mɛni kpɔlu-ŋai ŋí da láa mâ.” 20Tãi Mose è mɛnii ŋí mɛni lai, ǹíi è làa.
Currently Selected:
Levetekɔ 10: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia