Levetekɔ 20
20
Sɔnyɔ̂ŋ ŋɔfela-fei
1Yâwɛɛ è mò Mose ma ǹyɛɛi, 2“Mó Eezuɛ-ŋai dîa a gɛɛ Eezuɛ nuu da kélee kpaa máŋ ŋ̀ɔ̃ya-ŋai kásamai da kélee a ǹóŋ da tɛ̀ɛ ŋ̀âlai Molɛ pɔ́, da pâi maa nuui sɔɔ̂i a kɔni é lɛ́ɛ la zu é saa. 3Nuui nyii a ǹóŋ tɛɛ Molɛ pɔ́ nyii pâi ŋá pɛ́rɛi kɛ̂i maa fa kɛ̀ a ŋ̀waai, é tela ƃâa kula náa maa waai mai, ŋa pâi ḿbɔ̂lu tɔ̂ɔi maa nuui tí ma. Ǹyaŋ vé ŋɔ́nɔ pâi kɛ̂i a ŋá ǹûai da. 4Kɛ́lɛ à kɛ̀ káai a Eezuɛ-ŋai ka káŋɛi pôlu fé nuui mí ǹóŋ tɛ̀ɛ Molɛ pɔ́ káfe báa ní, 5gɛ̀ ní ńyãa kpîŋ ŋa pâi ŋ̀ɛ́i seêi maa nuui ḿâ da ŋɔnûai é pɛlɛ diai kélee da pîlaŋ gɔ́ɔ pɔɔi a gɛɛ dí Molɛ fɛlii. Ǹyaŋ dífe pâi ŋɔ́nɔ kɛ̂i a ŋánûai da.
6“À kɛ̀ núu da a tinaŋ dɛli kpɛ́-ƃelai da diai da lòno zaa-ƃelai pɔ́i, ŋa pâi ŋ̀ɛ́i seêi maa nuui ma ǹyaŋ vé pâi ŋɔ́nɔ kɛ̂i a ŋánûai da. 7Ka kɛ́ a kámaa waa, kpɛ́ni fêi, Ńyãa ƃa Káɣâlai, Yâwɛɛ. 8Ka ŋátɔ̂ŋ-ŋai mɛi káa ka mɛni ŋai kɛ́ ŋá mò kâai. Ńyãa ƃa Yâwɛɛ nyii kámaa waai.
9“Ǹúu kélee a ǹâŋ kpaa máŋ ǹee laraŋ, fɛ̂ɛ dí maa nuui tí páa. Zaa mɛni a pâi lɛɛ̂i gbîŋ ŋ̀ûa.
10“À kɛ̀ núu da kélee a lɔ-pɔ̂rɔŋ kɛ̀ a m̀arâŋ nuu ŋɔnɛnî fɛ̂ɛ dí maa nuui tí páa da nɛnii nyii è ǹɔ-pɔrɔŋ kɛ̀ lai. 11À kɛ̀ núu da a lɔ-pɔ̂rɔŋ kɛ̀ a ǹâŋ ŋɔnɛnî gɛ̀ ní a ƃâa kula ǹâŋ ma. Fɛ̂ɛ dí maa nuui tí páa da maa nɛni dífeerɛŋɔɔ dísaai mɛni káa díŋûa. 12À kɛ̀ núu da a lɔ-pɔ̂rɔŋ kɛ̀ a ǹóŋ ŋɔnɛnî, fɛ̂ɛ dí dífeerɛ dí páa. Da kai kara. Dísaai mɛni káa díkpîŋ díŋûa. 13À kɛ̀ surɔ̂ŋ da a lɔ-pɔ̂rɔŋ kɛ̀ a m̀arâŋ surɔ̂ŋ gɛ̀ ní dífeerɛ da mɛni nyɔ́mɔɔ kɛ́. Fɛ̂ɛ dí dífeerɛ dí páa. Dísaai mɛni káa díkpîŋ díŋûa. 14À kɛ̀ núu da a nɛnî da ǹee kula a nɛnî, gɛ̀ ní sɔnyɔ̂ŋ ká tí. Fɛ̂ɛ dí dísaaƃa-ŋɔɔ díkereŋ a gɛɛ sɔnyɔ̂ŋ kɛ-ƃela dífe kɛ̀ kásama. 15À kɛ̀ núu da a lɔ-pɔ̂rɔŋ kɛ̀ a fɛnɛ-sɛŋ fɛ̂ɛ dí maa nuui páa da vɛnɛ-sɛŋ kpîŋ. 16À kɛ̀ nɛnî da a lɔ-pɔ̂rɔŋ kɛ̀ a fɛnɛ-sɛŋ fɛ̂ɛ dí maa nɛnii páa da vɛnɛ-sɛŋ kpîŋ. Dísaai mɛni káa díkpîŋ díŋûa.
17“À kɛ̀ núu da a zaaƃɔlɔ kùla a nɛnî é máŋ kɛ́ a ǹâŋ ǹóŋ nɛni kpaa máŋ ǹee ǹóŋ nɛni, fɛ̂ɛ dí díkula banaŋ ma dí ƃâa kula dîa dínûai ŋɛ́i. Zurɔ̂ŋ ɣelei a mɛni nyɔ́mɔɔ kɛ́ kpɛni fêi a lɔ-pɔ̂rɔŋ kɛ́ a zaaƃɔlɔ, fɛ̂ɛ é tɔ̂ŋ kpɛ́ maa sɔlɔ ƃó. 18À kɛ̀n núu da a lɔ-pɔ̂rɔŋ kɛ̀ a nɛnî tãi maa nɛnii yée a kɛ̀ la ɣelei, fɛ̂ɛ dí maa nuui kúla ŋɔnûai sáma da ǹɛnîi, kpɛ́ni fêi, dâa maa waa laai maa tɔ̂ŋ kara. 19À kɛ̀ núu da ǹâŋ zaaƃɔlɔ kpaa máŋ ǹee ǹɛ̂ɣe kpaa máŋ ǹee ǹîa nɛni da ǹyii gɛ̀ ní dífeerɛ da sɔnyɔ̂ŋ kɛ́. Fɛ̂ɛ dífeerɛ dí m̀aa tɔ̂ŋ kpɛ maa sɔlɔ ƃó. 20À kɛ̀ núu da a lɔ-pɔ̂rɔŋ kɛ̀ a gêra ŋɔnɛnî, gɛ̀ ní maa nuui a ƃâa kula gêra ma. Ǹyaa da nɛnîi kpîŋ da pâi dísɔnyɔ̂ŋ gula maa sɔlɔ ƃôi. Da pâi lɛɛ̂i a díkpomaa dí sâa. 21À kɛ̀ núu da a lɔ-pɔ̂rɔŋ kɛ̀ a ǹîa kpaa máŋ ǹêɣe ŋɔnɛnî a tãi gáa niî la ɣele mai, gɛ̀ ní maa nuui a tûa kɛ́ nyii maa fé waa nii. A ƃâa kula nîa kpaa ǹêɣe ma. Ǹyaa da ǹɛ̂nîi kpîŋ da pâi saâi a díkpomaa. À kɛ̀ lóŋ è kɛ̀ díta yêei maa lóŋ fé pâi lɛɛ̂i ǹyêei,
22“Ka ŋátûa pere-ŋai maa kɔ́ri, ká ŋá-tɔ̂ŋ-ŋai mɛi káa, ka mɛni-ŋai kɛ́ ŋa mò kâai, a gɛɛ ǹɔii ŋa kátɛɛ̂i mai va lâa bôlu fé la kâa. 23Ǹɔii-ŋai ŋí ŋa dí su ƃelai kpɛ̂i, káfe tùa yɛ̂ɛ dísu-ƃelai tûa pere-ŋai. Kpɛni fêi, mɛni-ŋai ŋí ƃe dí kɛ̀ gɛ̂i ŋ́gɛ díkpɔara. 24Kɛ́lɛ ŋá ŋ́gono tèe káyêei a gɛɛ ŋa pâi ǹɔii ŋí tɛɛ̂i, kápɔ a kápɔɔ. Ǹɔii nyii ǹáa fɛɛ̂i a ŋíni ya da kɔ̃́iŋ wulɔi. Ńyãa ƃa Yâwɛɛ, Káɣâlai, nyii kákùla ǹûai samai. 25Mɛni ma, fɛ̂ɛ ká kɛ́ a zua-ŋai da ŋɔni-ŋai loai kɔ́lɔŋɔɔ nyii-ŋai maa waai da nyii-ŋai dímaa fé waa nii. Zua-ŋai da ŋɔni-ŋai nyii-ŋai dí maa fé waa nii káfe da miî. Kà da m̀ii, kámaa fé pâi kɛ̂i a ŋ̀waa. 26Ka kɛ́ a kámaa waa, kpɛ́ni fêi, Ńyãai a Yâwɛɛi, Ḿaa Waai, ǹyaŋ ŋa kákula ǹûai sáma a gɛɛ ká kɛ́ a ŋánûa.
27“Fɛ̂ɛ ka zurɔ̂ŋ kpaa máŋ ǹɛnîi nyii a tɛli kpɛ̂i kpaa máŋ gɛ lòno zaa-ƃelai pɔ́i páa. Ka dísɔɔ a kɔni é lɛ́ɛ la zu dí saa, díŋãai maa mɛni káa dîa kpîŋ díŋûa.”
Currently Selected:
Levetekɔ 20: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia