ዮሃኒሳ 16

1«ታኒ ሃዋ ሂንቴንቱ ቤቴና ማላ፥ ሂንቴንቱሲ ኦዳዲ። 2ኡንቱንቱ ሂንቴንታ ባሬንቱ ኣዪሁዳ ዎሳ ጎሊያፔ ኬሲ ዬዳናዋንታ። ሄዋ ቦላ ቃሲ ሂንቴንታ ዎያ ኡራይ ፆሳው ኦያዋ ኣው ማላቲያ ዎዲ ያናዋ። 3ኡንቱንቱ ሄዋ ሂንቴንቱ ቦላ ኦያዌ ታናኔ ኣዉዋ ኤሬና ዲራሳ። 4ሺን ኡንቱንቱ ሄዋ ሂንቴንቱ ቦላ ኦያ ዎዲ ጋኪያ ዎዴ፥ ታኒ ሂንቴንቱሲ ኦዴዳዋ ሂንቴንቱ ሃሳያና ማላ፥ ታኒ ሂንቴንቱሲ ሃዋ ኦዳዲ።

ጌሻ ኣያና ኦሱዋ

«ታኒ ሂንቴናና ዴዒያ ዲራው፥ ኮይሮ ሄዋ ሂንቴንቱሲ ኦዳቤይኬ። 5ሺን ሃዒ ታኒ ታና ኪቴዳዋኮ ባይ፤ ሺን ሂንቴፔ ኦኒኔ፥ ‹ሃቃ ባይ?› ጊዴ ታና ኦቺያዌ ባዋ። 6ሺን ታኒ ሃዋ ኦዴዳ ዲራው፥ ሂንቴንቱ ዎዛናን ዳሮ ካዩ ዴዔ። 7ሺን ታኒ ሂንቴንቱሲ ቱሙዋ ኦዳይ፤ ታኒ ቢያዌ ሂንቴንቱሲ ሎዓ። ኣዪሲ ጎፔ፥ ታኒ ባና ዮፔ፥ ሜንያዌ ሂንቴንቱኮ ዬና፤ ሺን ታኒ ቦፔ፥ ኣ ሂንቴንቱኮ ዬዳና። 8ቃሲ ሜንያዌ ዪዴ፥ ኡንቱንቱ ናጋራባ፥ ፆሳ ፂሎቴባኔ ፒርዳባ ሃ ሳዓ ኣሳይ ባዪዜዳዋ ቤሳናዋ። 9ናጋራባይ ኣሳይ ታና ኣማኔና ዲራሳ። 10ፂሎቴባይ ቃሲ ታኒ ኣዉዋኮ ቢያ ዲራው፥ ሂንቴንቱ ታና ላዔንዋ ቤዒኪታ። 11ፆሳ ፒርዳባይ ቃሲ ኣላሚያ ሞዲያዌ ፒርዴቴዳ ዲራሳ።

12«ታኒ ሂንቴንቱሲ ኦዲያባይ ዳሮባይ ዴዔ፤ ሺን ሃዒ ሂንቴንቱሲ ጌሌና። 13ቱማቴ ኣያናይ ዪያ ዎዴ፥ ሂንቴንታ ቱማቴ ኡባኮ ካሌናዋ። ኣዪሲ ጎፔ፥ ኢ ባሬ ሲሴዳዋ ኦዳናፔ ኣቲን፥ ባሬፔ ኣይኔ ኦዴና። ቃሲ ሲንፔ ያናባ ሂንቴንቱሲ ኢ ኦዳናዋ። 14ኢ ታና ቦንቻናዋ፤ ኣዪሲ ጎፔ፥ ኢ ታው ዴዒያዋፔ ኣኪዴ፥ ሂንቴንቱሲ ኦዳናዋ። 15ኣዎ ዴዒያባይ ኡባይ ታዋ፤ ሜንያዌ ታው ዴዒያባፔ ኣኪዴ፥ ሂንቴንቱሲ ኦዳናዋ ታኒ ጌዳዌ ሃዋሳ።

ዬሱሳ ካሊያዋንቱ ካዩ ናሼቻው ላሜታና

16«ጉ ዎዲያፔ ጉዪያን፥ ሂንቴንቱ ታና ቤዒኪታ፤ ቃሲ ጉ ዎዲያፔ ጉዪያን፥ ሂንቴንቱ ታና ቤዓና» ያጌዳ።

17ዬሱሳ ካሊያዋንቱፔ ኢቱ ኢቱ ባሬንቱ ጊዶን፥ « ‹ጉ ዎዲያፔ ጉዪያን፥ ሂንቴንቱ ታና ቤዒኪታ፤ ቃሲ ጉ ዎዲያፔ ጉዪያን፥ ሂንቴንቱ ታና ቤዓኒታ፤ ኣዪሲ ጎፔ፥ ታኒ ኣዉዋኮ ባይ› ጊያዌ ሄዌ ዋጊያዌ?» ያጌዲኖ። 18« ‹ጉ ዎዲያፔ ጉዪያን› ጊያዌ ዋጊያዌ? ኢ ኣዪሲ ሃሳዪንቶኔ ኑሲ ኤሬቴና» ያጌዲኖ።

19ኡንቱንቱ ባሬና ኦቻናው ኮዪያዋ ዬሱሲ ኤሪዴ፥ ኡንቱንታ ያጌዳ፤ «ታኒ፥ ‹ጉ ዎዲያፔ ጉዪያን፥ ሂንቴንቱ ታና ቤዒኪታ፤ ቃሲ ጉ ዎዲያፔ ጉዪያን፥ ሂንቴንቱ ታና ቤዓና› ጌዳዎ ሂንቴንቱ ኢቱ ኢቱዋ ኦቺቴ? 20ታኒ ሂንቴንቱሲ ቱሙዋ ኦዳይ። ሂንቴንቱ ዬካናኔ ካዮታና፤ ሺን ሃ ኣላሚ ናሼታና። ቃሲ ሂንቴንቱ ካዮታና፤ ሺን ሂንቴንቱ ካዮቶዌ ናሼቻ ጊዳናዋ። 21ኢቲ ሚሺራታ ናዓ ዬላና ሃኒያ ዎዴ፥ ባሬ ዬሊያ ዎዲ ጋኬዳ ዲራው፥ ኦይቄታው፤ ሺን ናዓይ ዬሌቴዳዋፔ ጉዪያን፥ ናዓይ ሃ ሳዓን ዬሌቴዳ ናሼቻ ዲራው፥ ባሬ ኦይ ሃሳዩኩ። 22ሄዋ ዲራው፥ ሂንቴንቱካ ሂንቴንቱ ዎዛናን ካዮቲታ፤ ሺን ታኒ ላዔንዋ ሂንቴንታ ቤዓና፤ ቃሲ ሂንቴንቱ ዎዛናይ ሎይ ናሼታና፤ ሂንቴንቱ ናሼቻ ኦኒኔ ሂንቴፔ ኣኬና።

23«ሄ ጋላሲ ሂንቴንቱ ታና ኣይኔ ዎሲኪታ። ታኒ ሂንቴንቱሲ ቱሙዋ ኦዳይ፤ ሂንቴንቱ ታ ሱንን ዎሲያዋ ኡባ ኣዉ ሂንቴንቱሲ ኢማናዋ። 24ሃዒ ጋካናሲ ታ ሱንን ኣይኔ ዎሲቤይኪታ፤ ሂንቴንቱ ናሼቻይ ፖሌታና ማላ፥ ፆሳ ዎሲቴ፤ ሂንቴንቱ ኣካና።

25«ሃዋ ታኒ ሂንቴንቱሲ ሌሚሱዋን ኦዳዲ፤ ሺን ታኒ ሌሚሱዋን ኦዴና ዎዲ ያናዋ፤ ሺን ኣዉዋባ ታኒ ሂንቴንቱሲ ቆንጪያን ኦዳና። 26ታኒ ሄ ጋላሲ፥ ሂንቴንቱ ታ ሱንን ኣዉዋ ዎሳና፤ ቃሲ ሂንቴንቱ ዲራው፥ ታኒ ኣዉዋ ዎሳና ጊኬ። 27ኣዪሲ ጎፔ፥ ኣዉ ባሬ ሁጴው ሂንቴንታ ሲቄ፤ ሂንቴንቱ ታና ሲቂያ ዲራዉኔ ታኒ ኣዉዋ ማታፔ ዬዳዋ ኣማኖ ዲራው፥ ኢ ሂንቴንታ ሲቄ። 28ታኒ ኣዉዋ ማታፔ ሃ ኣላሚያ ያዲ፤ ቃሲ ሃ ኣላሚያ ኣጋዴ ኣዉዋኮ ባና» ያጌዳ።

29ዬሱሳ ካሊያዋንቱ ዛሪዴ ዬሱሳ፥ «ቤዓ፥ ሃዒ ኔኒ ቆንጪያን ሃሳያሳ፤ ሌሚሱዋን ኣይኔ ሃሳያካ። 30ኔኒ ኡባባ ኤሪያዋ ኑኒ ሃዒ ኤሬቶ፤ ቃሲ ኔና ኦኒኔ ኦቻና ማላ፥ ኔኒ ኮዬናዋ ኤሬቶ። ሄዌ ኑና ኔኒ ፆሳፔ ዬዳዋ ኣማን» ያጌዲኖ።

31ዬሱሲ ዛሪዴ ኡንቱንታ፥ «ሃዒ ኣማኒቴ? 32ቤዒቴ፥ ሂንቴንቱ ሂንቴንቱ ጎሌ ጎሌ ላሌቲያ ዎዲኔ ታ ፃላላ ዬጊ ባሺያ ዎዲ ያናዋ፤ ሃዒካ ዪዲጌዳ። ሺን ኣዉ ታናና ዴዒያ ዲራው፥ ታ ፃላላ ጊዲኬ። 33ሂንቴንቱ ታ ጊዶን ዴዒዴ፥ ሳሮ ዴዓና ማላ፥ ታኒ ሃዋ ሂንቴንቱሲ ኦዳዲ። ኣላሚያን ሂንቴንቱ ዋዬታና። ሺን ሚኒቴ፤ ታኒ ኣላሚያ ፆናዲ» ያጌዳ።

Currently Selected:

ዮሃኒሳ 16: dwrENT

Highlight

Copy