Matiyew 16
16
Fariziyeŋ hay a tsəham zeheɗ ka Yezu
(Mk 8.11-13; Mt 12.38-39; Lk 11.16, 29; 12.54-56)
1Fariziyeŋ hay ta Sadusieŋ hay ma guram ka tsakay ma Yezu. A wuɗam ma ŋgafama gendeɗ. Taya ma tsəhafama: «Äandar zeheɗ na ma sawa da 'ərlam ana.» 2Yezu ma mbəɗatar kava: «Ta hakwaɗ na, ka ləvam: ‹medew na, lam a da key kwalala, zləna, ndasl ma 'ərlam ŋgəlatata.› 3Yaw, ta zlemedew na, ka ləvam: ‹Teseɗey na, lam a da kawa, zləna, lam leɓ leɓ aha.› Kuray na, ka səradəmata me weley ma lam hay tok na, ama zeheɗ ma har ekəɗey ana hay tok na, ka slafama ma səradama sakay tok! 4Gwalay ma ndaw a neney haykakay ana hay, ma kam madama, ma tsəham zeheɗ! Zeheɗ na! A da vələmatar aha mekelehe a dəba ma na ma Zonas na, dakay.» Ma mbəkadata ka slam ana, ma daw təŋga.
Wam daw ka vaw ka is ma Fariziyeŋ hay
(Mk 8.14-21; Lk 12.1-6)
5Andza taya ma tasam ba a diya naŋgar na, gawla ma Yezu hay ka mətadama 'ar ba me zəgey peŋ a har. 6Yezu ma ləvatar: «Wam daw ka vaw ka is ma Fariziyeŋ hay ta Sadusieŋ hay!» 7Gawla ŋga hay da 'ar ata na: «Waya a tsandakwar andza ha na, hərway lakwa ka zəgəkwawa peŋ a har kakay ana.» 8Ama Yezu na, ma sərada 'ar ata me dzeley na, ma ləvatar: «Kuray ndaw me pey ’ar nekəɗey ana hay, ka dzalam 'ar ka peŋ kuray ma zəgəmawa kakay ana na, ka mey? 9Ekəɗey na, kuray ka tsənadama tsaray kakay ɗaw? Ka sərafama ka peŋ aŋga na hay zlam ana ma rəhata ndaw hay gabal zlam ana sakay ɗaw? Kuray ma həlama sa na ma zawa na na, tsakarak nday? 10Dakay na ma peŋ hay tsəla ma rəhata ndaw hay gabal faɗ ana, kuray ma həlama sa na ma zawa na na, tsakarak nday? 11Andza i ma ləvəkurawa: wam daw ka vaw ka is ma Fariziyeŋ ta Sadusieŋ hay na! I tsəkurawa na ka peŋ kakay na, ka səradama tikay ɗaw?» 12Arka, taya ma sərafama a tsawa na ka is ma peŋ kakay; amana, ka me tetəkey ma Fariziyeŋ hay ta Sadusieŋ hay.
Piyer ma ləvar a Yezu: «Kah na Bəzey ma Bay ma Bəla»
(Mk 8.27-30; Lk 9.18-21)
13Andza ŋga me husey ba, a dala ma Sezarey ma Filip na, Yezu ma tsəhafata ka gawla ŋga hay: «Ka me tsey ma ndaw hay na, Bəzey ma Ndaw ana na, way?» 14Taya ma ləvam: «Ndaw a sa na hay waya: kah na Zaŋ Batist, ka sa na hay sa tey na waya: kah na Elyi. Sa na hay satsa waya: kah na Zeremi, dakay na ndaw asləta da walaŋ ma ndaw sek hay.» 15Ŋga ma ləvatar: «Ama kuray ekəɗey tey na, ka ləvafəmaya ka yah ana na, way tok?» 16simoŋ Piyer ma təɓa guma na, me mbəɗey kava: «Kah na Kriste, Bəzey ma Bay ma Bəla ta dey ana.» 17Yezu ma mbəɗar kava, ma ləvar: «Kah da wuiya, Simoŋ bəzey ma Zonas, hərway kah ma tsərawa guma neney ana, ma slaw vaw ɗek ta mambaz a ɗək ana kakay, amana Baba ɗaw da 'ərlam, ma ɓadəkawa. 18Yah ekəɗey, i ləvaka: Kah na Piyer, arka, ka pəray a neney ana i da ndəra Egliz a ɗaw kava. Kwa ma slafa ma memətsey a da ndzafafa ha gədaŋ ka ŋga kakay. 19I da vəladaka lekile hay ma Slala ma 'ərlam; tek eɗek tabiyaha na kah ma dzuwata ka dala na hay na, a da dzuwəmata da 'ərlam. Tek eɗek tabiyaha na kah ma pasəkata ka dala na hay na, a da pasəkəmata da 'ərlam tiyatsa.» 20Arka ŋga ma katar say haya haya ha a gawla ŋga hay, ka da ɓadama, ŋga na Kriste zlay.
Yezu a ɓada me mətsey ŋga ta ma mbəlawa ŋga
(Mk 8.31-33; Lk 9.22)
21Zla da har ana ŋga na na, Yezu Kriste ma zlar ma ɓadatara a gawla ŋga hay, hayna ŋga ka daw a Zeruzalem, da huɗa na, ndaw ma səka na hay, baba ɗuhwa na me key kuley ana hay, ta ndaw me sesəkey Mewey hay, a da sadama banay kambəlaɓa. A da kəɗama ba vagay aha, da meney ma makar ana na, a da mbəlawa. 22Piyer na ma zəla kutsok, ma kar say, andza neney: «Hayna Bay ma Bəla ka təkafaka ba, Bay’ərlam, a’ay a da safəkawa andza ha kakay» 23Ama ŋga me mbəɗey dey, ma ləvar a Piyer: «Sawa daway ba a dəba ɗaw, Setene eɗey! Kah na, ka tərafaya ba tek me tsey metsembeɗ a ɗaw aha, hərway 'ar eɗek me dzeley na, andza ma ndaw hay zləna, andza ma Bay ma Bəla kakay.»
Kendzey ndaw ana a sar ma səpar bəzay a Yezu na
(Mk 8.34—9.1; Lk 9.23-27)
24Arka Yezu ma ləvatar a gawla ŋga hay: «Haɗaw ndaw ana a wuɗey ma səpaya bəzay na, ka mbəkada me dzeley 'ar ba ka vaw ŋga na, ka zəga tuwaw aŋga ma gazləlaha na na, ka səpaya bəzay. 25Akwa, ndaw me wuɗey ma buwa mendzey aŋga na, a da zəɗada: ama ndaw ma zəɗada mendzey aŋga, hərway ɗaw tey na, a da ndzafa. 26Kendzey ka vəladəmara bəla tabiyaha a ndaw asləta na, a da nafar na mey? Haɗaw a haɗəka ta mendzey ŋga na. Dakay na, ndaw ka bəla ma slafa me vəley tek ɗa, andza a wam ta mendzey ŋga na na, daha ɗaw? 27Hərway Bəzey ma Ndaw a da sawa da maram ma Baba ŋga, ta madurlam aŋga hay; arka na, a da vəley masa na, andza ma tek ma ndaw ana me key da mendzey ŋga na. 28I ɓadakwar dərka na, da walaŋ ma ndaw a neney hay ka sləna ɗey ana na, sa na hay a da mətsam aha, mandzara ka nəkadama Bəzey ma Ndaw a sawa ha andza Bay ɗuhwa ha kakay.»
Currently Selected:
Matiyew 16: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun
Matiyew 16
16
Fariziyeŋ hay a tsəham zeheɗ ka Yezu
(Mk 8.11-13; Mt 12.38-39; Lk 11.16, 29; 12.54-56)
1Fariziyeŋ hay ta Sadusieŋ hay ma guram ka tsakay ma Yezu. A wuɗam ma ŋgafama gendeɗ. Taya ma tsəhafama: «Äandar zeheɗ na ma sawa da 'ərlam ana.» 2Yezu ma mbəɗatar kava: «Ta hakwaɗ na, ka ləvam: ‹medew na, lam a da key kwalala, zləna, ndasl ma 'ərlam ŋgəlatata.› 3Yaw, ta zlemedew na, ka ləvam: ‹Teseɗey na, lam a da kawa, zləna, lam leɓ leɓ aha.› Kuray na, ka səradəmata me weley ma lam hay tok na, ama zeheɗ ma har ekəɗey ana hay tok na, ka slafama ma səradama sakay tok! 4Gwalay ma ndaw a neney haykakay ana hay, ma kam madama, ma tsəham zeheɗ! Zeheɗ na! A da vələmatar aha mekelehe a dəba ma na ma Zonas na, dakay.» Ma mbəkadata ka slam ana, ma daw təŋga.
Wam daw ka vaw ka is ma Fariziyeŋ hay
(Mk 8.14-21; Lk 12.1-6)
5Andza taya ma tasam ba a diya naŋgar na, gawla ma Yezu hay ka mətadama 'ar ba me zəgey peŋ a har. 6Yezu ma ləvatar: «Wam daw ka vaw ka is ma Fariziyeŋ hay ta Sadusieŋ hay!» 7Gawla ŋga hay da 'ar ata na: «Waya a tsandakwar andza ha na, hərway lakwa ka zəgəkwawa peŋ a har kakay ana.» 8Ama Yezu na, ma sərada 'ar ata me dzeley na, ma ləvatar: «Kuray ndaw me pey ’ar nekəɗey ana hay, ka dzalam 'ar ka peŋ kuray ma zəgəmawa kakay ana na, ka mey? 9Ekəɗey na, kuray ka tsənadama tsaray kakay ɗaw? Ka sərafama ka peŋ aŋga na hay zlam ana ma rəhata ndaw hay gabal zlam ana sakay ɗaw? Kuray ma həlama sa na ma zawa na na, tsakarak nday? 10Dakay na ma peŋ hay tsəla ma rəhata ndaw hay gabal faɗ ana, kuray ma həlama sa na ma zawa na na, tsakarak nday? 11Andza i ma ləvəkurawa: wam daw ka vaw ka is ma Fariziyeŋ ta Sadusieŋ hay na! I tsəkurawa na ka peŋ kakay na, ka səradama tikay ɗaw?» 12Arka, taya ma sərafama a tsawa na ka is ma peŋ kakay; amana, ka me tetəkey ma Fariziyeŋ hay ta Sadusieŋ hay.
Piyer ma ləvar a Yezu: «Kah na Bəzey ma Bay ma Bəla»
(Mk 8.27-30; Lk 9.18-21)
13Andza ŋga me husey ba, a dala ma Sezarey ma Filip na, Yezu ma tsəhafata ka gawla ŋga hay: «Ka me tsey ma ndaw hay na, Bəzey ma Ndaw ana na, way?» 14Taya ma ləvam: «Ndaw a sa na hay waya: kah na Zaŋ Batist, ka sa na hay sa tey na waya: kah na Elyi. Sa na hay satsa waya: kah na Zeremi, dakay na ndaw asləta da walaŋ ma ndaw sek hay.» 15Ŋga ma ləvatar: «Ama kuray ekəɗey tey na, ka ləvafəmaya ka yah ana na, way tok?» 16simoŋ Piyer ma təɓa guma na, me mbəɗey kava: «Kah na Kriste, Bəzey ma Bay ma Bəla ta dey ana.» 17Yezu ma mbəɗar kava, ma ləvar: «Kah da wuiya, Simoŋ bəzey ma Zonas, hərway kah ma tsərawa guma neney ana, ma slaw vaw ɗek ta mambaz a ɗək ana kakay, amana Baba ɗaw da 'ərlam, ma ɓadəkawa. 18Yah ekəɗey, i ləvaka: Kah na Piyer, arka, ka pəray a neney ana i da ndəra Egliz a ɗaw kava. Kwa ma slafa ma memətsey a da ndzafafa ha gədaŋ ka ŋga kakay. 19I da vəladaka lekile hay ma Slala ma 'ərlam; tek eɗek tabiyaha na kah ma dzuwata ka dala na hay na, a da dzuwəmata da 'ərlam. Tek eɗek tabiyaha na kah ma pasəkata ka dala na hay na, a da pasəkəmata da 'ərlam tiyatsa.» 20Arka ŋga ma katar say haya haya ha a gawla ŋga hay, ka da ɓadama, ŋga na Kriste zlay.
Yezu a ɓada me mətsey ŋga ta ma mbəlawa ŋga
(Mk 8.31-33; Lk 9.22)
21Zla da har ana ŋga na na, Yezu Kriste ma zlar ma ɓadatara a gawla ŋga hay, hayna ŋga ka daw a Zeruzalem, da huɗa na, ndaw ma səka na hay, baba ɗuhwa na me key kuley ana hay, ta ndaw me sesəkey Mewey hay, a da sadama banay kambəlaɓa. A da kəɗama ba vagay aha, da meney ma makar ana na, a da mbəlawa. 22Piyer na ma zəla kutsok, ma kar say, andza neney: «Hayna Bay ma Bəla ka təkafaka ba, Bay’ərlam, a’ay a da safəkawa andza ha kakay» 23Ama ŋga me mbəɗey dey, ma ləvar a Piyer: «Sawa daway ba a dəba ɗaw, Setene eɗey! Kah na, ka tərafaya ba tek me tsey metsembeɗ a ɗaw aha, hərway 'ar eɗek me dzeley na, andza ma ndaw hay zləna, andza ma Bay ma Bəla kakay.»
Kendzey ndaw ana a sar ma səpar bəzay a Yezu na
(Mk 8.34—9.1; Lk 9.23-27)
24Arka Yezu ma ləvatar a gawla ŋga hay: «Haɗaw ndaw ana a wuɗey ma səpaya bəzay na, ka mbəkada me dzeley 'ar ba ka vaw ŋga na, ka zəga tuwaw aŋga ma gazləlaha na na, ka səpaya bəzay. 25Akwa, ndaw me wuɗey ma buwa mendzey aŋga na, a da zəɗada: ama ndaw ma zəɗada mendzey aŋga, hərway ɗaw tey na, a da ndzafa. 26Kendzey ka vəladəmara bəla tabiyaha a ndaw asləta na, a da nafar na mey? Haɗaw a haɗəka ta mendzey ŋga na. Dakay na, ndaw ka bəla ma slafa me vəley tek ɗa, andza a wam ta mendzey ŋga na na, daha ɗaw? 27Hərway Bəzey ma Ndaw a da sawa da maram ma Baba ŋga, ta madurlam aŋga hay; arka na, a da vəley masa na, andza ma tek ma ndaw ana me key da mendzey ŋga na. 28I ɓadakwar dərka na, da walaŋ ma ndaw a neney hay ka sləna ɗey ana na, sa na hay a da mətsam aha, mandzara ka nəkadama Bəzey ma Ndaw a sawa ha andza Bay ɗuhwa ha kakay.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun