Matiyew 17
17
Yezu me mbəɗey a wezley dey
(Mk 9.2-9; Lk 9.28-36)
1Meney mukwa a dəba na na, Yezu me ŋgəley Piyer, Zak ta malam aŋga Zaŋ, ma dadata slam ata gəle, a 'ar ma mamba sololo ha. 2Ŋga me mbəɗey pəla, ka slam dey ta: mey dey ŋga me mbəɗey, a wezley dey andza pas. Zana ŋga me tərey babara ha andza waw. 3Arka Moyiz ta Elyi ma ɓəmatar vaw, a tsam aha guma andza Yezu. 4Arka Piyer ma ləvar a Yezu: «Bay’ərlam, i ka ndzakwa ka slam ana na, hayaha seŋgey; haɗaw ka wuɗey na, i ləmey gwadzavok makar ka sləna, asləta a kah, asləta a Moyiz, asləta a Elyi.» 5Andza a tsey aha guma mba na, pazlay a wezley dey ma sahətata. Da dey ma pazlay ana na, vəɗe ma ɗay ma tsənawa da ɗəma: «Neney na Bəzey ma mey 'ərev a ɗaw, i ma wala na, ma daya 'ar na ŋga. Tsənamar sləmay!» 6Andza ma tsənadama guma neney na, gawla ŋga hay ma burtom mey dey dots ka dala, a katar zluwer kambəlaɓa. 7Arka Yezu me gurey, ma ləmatar, me ləvey: «Lətsam! Ka wasam zlay!» 8Ma tsakafadama dey na, a nəkam na, sey Yezu ana, ŋga asləta. 9Andza a harɗəmawa ha da mamba na, Yezu ma təkata waya: «Ɗaɗa ka da ɓadama tek a kwar a neney ma nəkadərawa na a ndaw zlay, ha ka har ma Bəzey ma Ndaw ma da mbəlawa ŋga, da walaŋ ma ndaw ma mətsa na hay.»
A tsam ka Elyi
(Mk 9.11-13)
10Arka gawla ma Yezu hay, ma tsəhafama: «Ɗagay ndaw me sesəkey Mewey hay a ləvam waya sey Elyi a sawa ba ɗagay na ka mey?» 11Ŋga ma mbəɗatar kava: «Ayaw Elyi na a da sawa dərka, a da ləmadata tek hay tabiyaha. 12Ama i ɓadakwar, Elyi na ka sawa tsoy, akwa hana na ka səradama tok sakay, taya na ma kadama andza mata ma wuɗam ana tabiya ha. Bəzey ma Ndaw tiyatsa na a da sey banay da har ata satsa.» 13Arka gawla ŋga hay ma səradama azlakwa a tsatar na, ka Zaŋ Batist tok.
Yezu a ndeley wawa na daha, bəzey kiya a kar
(Mk 9.14-29; Lk 9.37-43)
14Andza taya ma husam ba ka tsakay ma ndaw hay ma kusa hiya na, ndaw ana daha ma gurey ka slam ma Yezu, me gərdey ka mey dey ŋga, ma ləvar: 15«Bay’ərlam a ɗaw, wawa ɗaw ka kaka da vaw tey. Bəzey kiya a kar, a kada viya bəza kakay. Ka key dey haɗadzidzay, ka zlar ba na, a kəley a waw, dakay na a yam. 16I ka sadərawa ba ka slam ma gawla ɗek hay, amana, ka slafama ma ndaladama kakay.» 17Yezu na me mbəɗey kava, me ləvey: «Kuray ndaw a neney ekəɗey ana hay, ma pam 'ar ka Bay'ərlam kakay, ma kam tek hayakakay ana hay. I da ndzey ta kuray na, kasl ka waray? I da ɓəsakwar na kasl ka waray? Aŋga sadəmiyawa wawa na, ka sləna.» 18Yezu ma babətsafa ka fakalaw ana hana na, ma bawa ba da vaw ma wawa na. Arka tsana ŋga me ndeley deŋe ka slam ana. 19Arka gawla ŋga hay ma gurafama makəraŋga, ma ləvamar: «Ɗagay azlakwa la na, la ka slafama ma ɓəla tikay na, ka mey?» 20Ŋga ma ləvatar: «Ka slafama kakay na, hərway me pey 'ar a kwar a hətsey. Hərway i ɓadakwar dərka na, haɗaw pas asləta, me pey 'ar a kwar ka key ba daha ketekuɗey andza bəzey ma ɓəzaŋ na, ka slafama ma ləvar a mamba ɗey: lətsey ba ka sləna, daw ka taɗay na, a gurey dərka. Tek ma da kakwar ger aha na, dakay. 21Arka gwalay ma fakalaw a neney na, a da bey na ta me ɗuley mey, ta sumaya me key.»
Yezu a ɓada me mətsey, ta ma mbəlawa ŋga sa
(Mk 9.30-32; Lk 9.43-45)
22Andza taya ka tsəham 'ar tsoy a Galiley na, Yezu ma ləvatar: «A da haɗəkadama Bəzey ma Ndaw a har ma ndaw hay. 23A da kəɗama ba vagay aha. Da meney ma makar ana na, a da mbəlawa.» Arka na, a ndalatar bəzakakay.
Yezu ta Piyer ma vəlam dzaŋgal
24Andza taya ma husam ba a Kafarnawom na, ndaw me tsekeley dzaŋgal ma 'Ay me key Kuley hay, ma gurafama ka Piyer, ma ləvamar: «Bay kwar na a vəley dzaŋgal ma 'Ay me key Kuley tikay ɗaw?» 25Piyer me ləvey: «Ayaw, a vəley.» Andza Piyer me husey ba a mbaw na, Yezu ma lahafa ba, ma ləvar: «Simoŋ, kah na ka ləvafa ka guma neney na teŋgey? Bay ma dala ɗuhwa na hay a təɓam dzaŋgal na, ka way? Ka wawa ta na hay tsukuɗu, ka mbəlak hay ɗaw?» 26Andza Piyer ma mbəɗar kava: «Ka mbəlak hay», na, Yezu ma ləvar: «kəɗey na bəzey ta na hay na, ma ndza hiya tek ata sef seffe. 27Ama ka da tsadata metsembeɗ ta ndaw ana hay zlay na, daway ka mey ma bəlay, kəlada kwoneyel a yam, kəlef ana kah ma zəga tsəfəmey ana na, wuradara mey ana, ka da ndzefey sulay da huɗa, zəga sulay ana, vəladatara na ŋga ɗaw, ta na ŋga ɗek adzay.»
Currently Selected:
Matiyew 17: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun
Matiyew 17
17
Yezu me mbəɗey a wezley dey
(Mk 9.2-9; Lk 9.28-36)
1Meney mukwa a dəba na na, Yezu me ŋgəley Piyer, Zak ta malam aŋga Zaŋ, ma dadata slam ata gəle, a 'ar ma mamba sololo ha. 2Ŋga me mbəɗey pəla, ka slam dey ta: mey dey ŋga me mbəɗey, a wezley dey andza pas. Zana ŋga me tərey babara ha andza waw. 3Arka Moyiz ta Elyi ma ɓəmatar vaw, a tsam aha guma andza Yezu. 4Arka Piyer ma ləvar a Yezu: «Bay’ərlam, i ka ndzakwa ka slam ana na, hayaha seŋgey; haɗaw ka wuɗey na, i ləmey gwadzavok makar ka sləna, asləta a kah, asləta a Moyiz, asləta a Elyi.» 5Andza a tsey aha guma mba na, pazlay a wezley dey ma sahətata. Da dey ma pazlay ana na, vəɗe ma ɗay ma tsənawa da ɗəma: «Neney na Bəzey ma mey 'ərev a ɗaw, i ma wala na, ma daya 'ar na ŋga. Tsənamar sləmay!» 6Andza ma tsənadama guma neney na, gawla ŋga hay ma burtom mey dey dots ka dala, a katar zluwer kambəlaɓa. 7Arka Yezu me gurey, ma ləmatar, me ləvey: «Lətsam! Ka wasam zlay!» 8Ma tsakafadama dey na, a nəkam na, sey Yezu ana, ŋga asləta. 9Andza a harɗəmawa ha da mamba na, Yezu ma təkata waya: «Ɗaɗa ka da ɓadama tek a kwar a neney ma nəkadərawa na a ndaw zlay, ha ka har ma Bəzey ma Ndaw ma da mbəlawa ŋga, da walaŋ ma ndaw ma mətsa na hay.»
A tsam ka Elyi
(Mk 9.11-13)
10Arka gawla ma Yezu hay, ma tsəhafama: «Ɗagay ndaw me sesəkey Mewey hay a ləvam waya sey Elyi a sawa ba ɗagay na ka mey?» 11Ŋga ma mbəɗatar kava: «Ayaw Elyi na a da sawa dərka, a da ləmadata tek hay tabiyaha. 12Ama i ɓadakwar, Elyi na ka sawa tsoy, akwa hana na ka səradama tok sakay, taya na ma kadama andza mata ma wuɗam ana tabiya ha. Bəzey ma Ndaw tiyatsa na a da sey banay da har ata satsa.» 13Arka gawla ŋga hay ma səradama azlakwa a tsatar na, ka Zaŋ Batist tok.
Yezu a ndeley wawa na daha, bəzey kiya a kar
(Mk 9.14-29; Lk 9.37-43)
14Andza taya ma husam ba ka tsakay ma ndaw hay ma kusa hiya na, ndaw ana daha ma gurey ka slam ma Yezu, me gərdey ka mey dey ŋga, ma ləvar: 15«Bay’ərlam a ɗaw, wawa ɗaw ka kaka da vaw tey. Bəzey kiya a kar, a kada viya bəza kakay. Ka key dey haɗadzidzay, ka zlar ba na, a kəley a waw, dakay na a yam. 16I ka sadərawa ba ka slam ma gawla ɗek hay, amana, ka slafama ma ndaladama kakay.» 17Yezu na me mbəɗey kava, me ləvey: «Kuray ndaw a neney ekəɗey ana hay, ma pam 'ar ka Bay'ərlam kakay, ma kam tek hayakakay ana hay. I da ndzey ta kuray na, kasl ka waray? I da ɓəsakwar na kasl ka waray? Aŋga sadəmiyawa wawa na, ka sləna.» 18Yezu ma babətsafa ka fakalaw ana hana na, ma bawa ba da vaw ma wawa na. Arka tsana ŋga me ndeley deŋe ka slam ana. 19Arka gawla ŋga hay ma gurafama makəraŋga, ma ləvamar: «Ɗagay azlakwa la na, la ka slafama ma ɓəla tikay na, ka mey?» 20Ŋga ma ləvatar: «Ka slafama kakay na, hərway me pey 'ar a kwar a hətsey. Hərway i ɓadakwar dərka na, haɗaw pas asləta, me pey 'ar a kwar ka key ba daha ketekuɗey andza bəzey ma ɓəzaŋ na, ka slafama ma ləvar a mamba ɗey: lətsey ba ka sləna, daw ka taɗay na, a gurey dərka. Tek ma da kakwar ger aha na, dakay. 21Arka gwalay ma fakalaw a neney na, a da bey na ta me ɗuley mey, ta sumaya me key.»
Yezu a ɓada me mətsey, ta ma mbəlawa ŋga sa
(Mk 9.30-32; Lk 9.43-45)
22Andza taya ka tsəham 'ar tsoy a Galiley na, Yezu ma ləvatar: «A da haɗəkadama Bəzey ma Ndaw a har ma ndaw hay. 23A da kəɗama ba vagay aha. Da meney ma makar ana na, a da mbəlawa.» Arka na, a ndalatar bəzakakay.
Yezu ta Piyer ma vəlam dzaŋgal
24Andza taya ma husam ba a Kafarnawom na, ndaw me tsekeley dzaŋgal ma 'Ay me key Kuley hay, ma gurafama ka Piyer, ma ləvamar: «Bay kwar na a vəley dzaŋgal ma 'Ay me key Kuley tikay ɗaw?» 25Piyer me ləvey: «Ayaw, a vəley.» Andza Piyer me husey ba a mbaw na, Yezu ma lahafa ba, ma ləvar: «Simoŋ, kah na ka ləvafa ka guma neney na teŋgey? Bay ma dala ɗuhwa na hay a təɓam dzaŋgal na, ka way? Ka wawa ta na hay tsukuɗu, ka mbəlak hay ɗaw?» 26Andza Piyer ma mbəɗar kava: «Ka mbəlak hay», na, Yezu ma ləvar: «kəɗey na bəzey ta na hay na, ma ndza hiya tek ata sef seffe. 27Ama ka da tsadata metsembeɗ ta ndaw ana hay zlay na, daway ka mey ma bəlay, kəlada kwoneyel a yam, kəlef ana kah ma zəga tsəfəmey ana na, wuradara mey ana, ka da ndzefey sulay da huɗa, zəga sulay ana, vəladatara na ŋga ɗaw, ta na ŋga ɗek adzay.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun