1. Korinta 16
16
Saumlunk fa de Jemeent en Jerusalem
1Waut de Kollakjt fa de heilje aunbelangt, doot soo aus ekj de galatische Jemeenten aunordnen deed to doonen. #2Kor 8,1—9,15; Gal 2,10 2Aun jieda ieeschten Dach en de Wäakj saul een jiedra eene bestemde Somm auntsied lajen un saumlen, doano aus siene Ennom es, daut wie nich noch kollakjten motten, wan ekj kom. #Apost 20,7 3Wiels wan ekj kom, well ekj de Mana, dee jie vetruen, met Breew vesorjen un met june Gow no Jerusalem schekjen. 4Un wan mie daut rodsom sitt, daut ekj selfst uk reis, dan sellen see met mie reisen.
Paulus sien Reisplon
5Ekj well äwa Mazedonien no junt komen. Derch Mazedonien well ekj mau derchreisen. #Apost 19,21 6Wan daut jeit, woa ekj een stootje bie junt bliewen, veleicht soogoa dän Winta äwa. Jie kjennen mie dan opp de wiedre Reis halpen, wua ekj dan han well. 7Ekj well junt nich bloos biem vebiegonen besieekjen. Wan de Har daut toolat, well ekj lenjre Tiet met junt toobrinjen. #Apost 20,2 8Oba ekj woa bat Pinjsten en Efesus bliewen, #Apost 19,1.10 9wiels mie doa eene Däa opjegonen es fa eene vespräakjende Oabeit. Oba doa sent uk väle, dee jäajen mie sent. #2Kor 2,12; Kol 4,3
10Wan Timotäus kjemt, dan sorcht doafäa, daut hee nuscht bie junt to ferchten haft. Hee oabeit fa dän Harn jrod soo aus ekj. #1Kor 4,17; Flp 2,19-22 11Kjeena saul am veachten. Stot am bie un halpt am en Fräd opp dän Wajch, daut hee no mie komen kaun. Ekj wacht fa am, toop met de aundre Breeda. 12Wäajen onsen Brooda Apollos sell jie weeten, daut ekj am foaken oppjemuntat hab, met aundre Breeda no junt to komen. Hee wull oba nich nu komen. Hee woat oba komen wan am daut paust. #1Kor 1,12
Wieed toom Aufscheet un Gruss
13Siet waka, stot faust em Gloowen, siet mootich un siet stoakj! #Efs 6,10 14Aules saul en Leew jedonen woaren.
15Jie weeten, daut Stefanas un siene Famielje en Achaja de ieeschte wieren, dee toom Gloowen aun Jesus kjeemen, un daut see sikj fa de heilje em Deenst jestalt haben. Breeda, ekj froag junt iernstlich, #1Kor 1,16 16daut jie junt soone unjaordnen, un aule, dee metoabeiden un sikj bemieejen. 17Ekj wia froo aus Stefanas, Fortunatus un Achaikus aunkjeemen. Dee deeden aun june Städ waut needich wia, wiels jie nich hia wieren. 18Dee haben mienen un junen Jeist oppjefrescht. Soone Menschen sullen jeacht un aunerkjant woaren! #Flp 2,29; 1Tess 5,12
19De Jemeenten en Asien bestalen junt to jreessen. Aquilla un Priszilla un äare Husjemeent schekjen junt eenen sea woamen Gruss em Harn. #Apost 18,2; Reema 16,3.5 20Aule Breeda hia bestalen junt to jreessen. Jreest junt unjarenaunda met däm heiljen Kuss.
21Ekj, Paulus, schriew junt disen Gruss met miene ieejne Haunt. #Gal 6,11; Kol 4,18; 2Tess 3,17 22Wäa onsen Harn nich goot es, stalt sikj unja eenen Fluch. Komm, ons Har! #Opb 22,20 23Mucht de Jnod von onsem Harn Jesus met junt sennen! 24Ekj sie junt en Christus Jesus aula goot!
Currently Selected:
1. Korinta 16: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.